Chillzee சமையல் குறிப்புகள் - அரிசி முறுக்கு - ரஞ்சி
தேவையான பொருட்கள்
பச்சரிசி - 1 கிலோ
புழுங்கல் அரிசி - 200 கிராம்
உளுத்தம் பருப்பு - 400 கிராம்
ஓமம் - 4 டீஸ்பூன்
ஜீரகம் - 4 டீஸ்பூன்
எள் - 50 கிராம்
டால்டா - 200 கிராம்
ஆப்பசோடா - சிறிதளவு
உப்பு - தேவைக்கு
பெருங்காயம் - 20 கிராம்
எண்ணெய் - தேவையான அளவு
முறுக்கு செய்ய மேலே படத்தில் இருப்பதை போன்ற அல்லது வெரி விதமான பிழியும் கருவி வேண்டும்.
செய்முறை
- உளுத்தம் பருப்பை பொன்னிறமாகும் வரை வறுக்கவும்.
- பச்சரிசியை நன்கு கழுவி, தண்ணீர் வடிகட்டி, வெயிலில் காய விடவும்.
- ஓமத்தையும், புழுங்கல் அரிசியையும் தனி தனியாக வறுத்து வைத்துக் கொள்ளவும்.
- பச்சரிசி நன்கு காய்ந்ததும், அதனுடன் ஜீரகம், வறுத்து எடுத்து வைத்திருக்கும் ஓமம், உளுத்தம் பருப்பு, புழுங்கல் அரிசி அனைத்தையும் சேர்த்து, அரவை மில்லில் நன்கு 'நைஸாக' அரைத்துக் கொள்ளவும்.
- அரைத்த மாவை பேப்பரில் கொட்டி சிறிது நேரம் காய விடவும். பின் மாவை எடுத்து ஒரு அகலமான பாத்திரத்தில் கொட்டி வைக்கவும்.
- அடுப்பில் பாத்திரத்தை வைத்து அது சூடான உடன், டால்டாவை கொட்டி காய்ச்சவும்.
- பின் சூடாக இருக்கும் டால்டாவை அரைத்து வைத்திருக்கும் அரிசி மாவில் ஊற்றவும்.
- எள், உப்பு, ஆப்பசோடாவையும் மாவில் சேர்த்து, சிறிது தண்ணீர் சேர்த்து பிசையவும். மாவு முறுக்கு பிழியும் பருவத்திற்கு வரும் வரை வேண்டிய தண்ணீர் சேர்த்து பிசையவும்.
- கடாயை அடுப்பில் வைத்து எண்ணெய் ஊற்றி, அடுப்பை மிதமான சூட்டில் வைக்கவும்.
- எண்ணெய் சூடாகும் நேரத்தில், மாவை பிழியும் அச்சில் போட்டு பிழிந்து வைக்கவும்.
- எண்ணெய் காய்ந்ததும், பிழிந்து வைத்திருக்கும் மாவை எண்ணெய்யில் போடவும்.
- வாணலியின் அளவை பொறுத்து ஒரே நேரத்தில் பல முறுக்குகள் எண்ணெய்யில் போடலாம்.
- முறுக்கு ஒருபுறம் வெந்ததும், கம்பியினால் திருப்பி போடவும். மறுபுறமும் நன்றாக வெந்ததும் எடுத்து வைக்கவும்.
- சுவையான கருக் முருக் முறுக்கு தயார்!