(Reading time: 40 - 79 minutes)

23. எப்பா... பேய் மாதிரி இருக்கா.... - Usha

 

Yeppa pei mathiri irukka

மொட்டை மாடி குட்டி சுவரில் தாவி ஏறி உட்கார்ந்த சந்தியா, “ருக்குமணின்னா என்னன்னு கேட்ட தானே? அது கல்யாணமான முதல் ராத்திரி….அதுக்கு சிட்டிவேஷன் சாங் தான் ருக்குமணி ருக்குமணி...”  என்றாள் மதுவிடம்  விளக்கமாக.

“ இவங்க பூமாக்கா பர்ஸ்ட் நைட்க்கு இந்த ஜந்து  என்ன செய்தா  தெரியுமா?”, கேட்டாள் சக்தி.

“நான் என்னடி செய்தேன். அவ தான் வந்து எங்க பர்ஸ்ட் நைட்டை மறக்கவே  முடியாத படி ரூமை செட் பண்ணி வைன்னு சொன்னா. அதான் நானும் வசூல் ராஜாவும்  சேர்ந்து இந்த ஐடியா ப்ளான்  பண்ணோம்.”, சந்தியா.

“அதானே அந்த வசூல் ராஜா கல்யாண மண்டபத்திலே ஒரு பொண்ணு விடாம கடலையை போட்டுக்கிட்டு இருந்தானே..உன்னை மட்டும் விட்டு வைப்பானா? மது, இதுங்க ரெண்டும் பூமாக்கு செய்த அநியாத்தை கேட்டா ரத்த கண்ணீர் வடிப்ப. அந்த பர்ஸ்ட் நைட் ரூம்மை டேகரெட் பண்றேன்னு சொல்லிட்டு, பெட்டிக்குள் பெட்டிக்குள் பெட்டிக்குள்ளன்னு …... கடிகாரத்தை போட்டு, ஒன்னா இரண்டா… இதே மாதிரி ஐந்து பெட்டி ரெடி பண்ணாங்க. அதோடு விட்டாங்களா ….. அதை டைம் பாம் மாதிரி அங்கங்க ஒளிச்சு வைத்துட்டாங்க. ராத்திரி 12 மணிக்கு ஒரு கடிகாரம் அடிச்சதா, அந்த சத்தம் கேட்டு அங்க இங்க தேடி ஒரு வழியா பெட்டிக்குள்ள பெட்டிக்குள்ள…..போட்ட கடிகாரத்தை கண்டுபிடிச்சு எடுத்து ஆப் பண்ணிட்டு அப்பாடான்னு அவங்க டியூட்டியை “ சொல்லும் போதே சந்தியாவை பார்த்து கண்ணடித்து, “டியூட்டியை ஆரம்பிக்கலாம்ன்னு பாத்தா….அடுத்த கடிகாரம் அடிச்சது….மறுபடியும் தேடு….இப்படியே தேடி தேடி….ஐந்து கடிகாரத்தையும் ஆப் பண்றதுக்குள்ள விடிந்து ….அவங்க பர்ஸ்ட் நைட்டே காலி”  என்றாள் சக்தி.

“ரூமை விட்டு வெளிய வந்ததும் என்னை பூமா பின்னி பெடலை எடுத்திட்டா. நொந்து நூடுல்ஸ் ஆன மாமா உனக்கும் கல்யாணம் ஆகும்ல அப்போ பாத்துக்குறேன்னு சவால் விட்டு போனாங்க. நல்ல வேளைக்கு மாமா தப்பா எடுக்கலை. அவர் எடுக்க மாட்டர்ன்னு இந்த வசூல் ராஜா சொன்னதுன்னால தான் இந்த வேலை பாத்தோம்.” என்று சொல்லி சிரித்தாள் சந்தியா.

“ஓ…இந்தளவுக்கு வேலை பாத்து வைச்சிருக்கியா?” , வியப்பாய் கேட்டு புருவத்தை உயர்த்தினாள் மது.

“என்ன ஓ…?? பர்ஸ்ட் நைட்க்கு ஓஓஓகோ போடணும்” என்றாள் சந்தியா.

“ஆனா என் பர்ஸ்ட் நைட்க்கு ஒஹ..ஹகோ பாடாதடி ப்ளீஸ்” கெஞ்சினாள் சக்தி.

“நீயேன்டி பயப்படுற...உங்களுக்கு பலத்த பாதுகாப்பு இருக்கே ?? எனக்கு போய் பயந்தா எப்படி?? “, என்றாள் சந்தியா ஏளன புன்னகையுடன்.

ந்த நேரம் மதுவின் போனிற்கு அழைப்பு வர, “காதியா தான் இருக்கும்” என சொல்லிக் கொண்டே மது  கைப்பைக்குள் இருந்த போனை எடுக்க படிகளில் இறங்கி வந்தாள். அவள் சொல்வதை கேட்டவுடன் சந்தியாவின் முகம் வாடுவதை கவனித்த சக்தி,

“உன்னை நினைச்சேன்...பாட்டு படிச்சேன் ...தங்கமே ஞானத் தங்கமே

என்னை நினைச்சேன் நானும் சிரிச்சேன் தங்கமே ஞானத் தங்கமே”

“உன்னை நினைச்சேன்…” அழுவது போல பாவனையுடன், “நானும் “ என்று பாடத்துவங்கி முடியாமல் கேவலுடன் அழுவது போல நடித்துக் காட்ட,

“ப்ச்.. வாயை மூடு சக்கு” எரிந்து விழுந்தாள் சந்தியா.

“ஜந்துக்கு வெ. மா. சூ. சு. வெல்லாம் இருக்குதா! சகுனி உன்கிட்ட பேசாம மதுகிட்ட பேசுறான்னு கோபமா வள்ளிக்கண்ணுக்கு?”, சக்தி அவன் வைத்த செல்லப் பெயரை அழைத்தவுடன் அவளுக்குள் இனம்புரியாத தவிப்பு வந்தது.

“அதெல்லாம் ஒன்னும் இல்லை. அவன் யார்கிட்ட பேசுனா எனக்கு என்ன? அதான் சாரி சொல்லி  எல்லாத்தையும் தலை முழுகிட்டானே” கவனமாக உணர்ச்சிகளை துடைத்து விட்டு சொன்னாள்.

“என்னடி சொல்ற? சும்மா இருந்த உன்னை பின்ன எதுக்கு விரட்டி விரட்டி வந்தாராம்? ”, கோபமாக கேட்டாள்.

“நான் பேசப்போய் தான வந்தான். சும்மா அவன் மேல  கோபப்படாத சக்கு.”, இப்போது சக்தியை திட்டினாள்.

“எப்ப்ப்பாடி ஜந்து, என்னம்மா பல்டி அடிக்கிற. உலகம் தாங்காது.” என்று அங்கலாய்த்தவள், அப்போதும் உணர்ச்சியற்ற முகமாய் இருந்த சந்தியாவை பார்க்க பாவமாய் தோன்ற, “என்னை ஒரு வார்த்தை கூட சொல்ல விட மாட்டிங்கிற? நெஞ்சு நிறைய காதலை வைச்சுக்கிட்டு அவன்கிட்ட பேச வேண்டியது தான? நான் வேணா உன் சார்ப்பா பேசட்டா” கரிசனத்துடன் கேட்டாள் சக்தி.

“ப்ச்...காதல்ன்னு நீயா ஏதாவது கற்பனை பண்ணி உளறாத “, அழுத்தமாக சொல்லி சக்தியின் வாயை அடைக்கப்  பார்த்தாள்.

அந்த நேரம் மது போனையும் கணினியையும் எடுத்துக் கொண்டு ஓடி வந்தாள். அவள் கண்களில் அத்தனை ஆர்வம்.

“ஹே நிருக்கு தமிழ் கிளாஸ். பாக்க வர்றீங்களா? இன்னும் அஞ்சு நிமிஷத்தில ஸ்கைப்ல வருவான்” சொல்லிக் கொண்டே கணினியை உயிர்ப்பிக்க,

சக்தி நிரஞ்சனை பற்றி சந்தியாவிடம் விசாரித்தாள்.

“சந்தியா, உனக்கு தெரியுமா நிருக்கு ஒரு தமிழ்  கேர்ல் ப்ரண்ட் இருக்காங்க.  அவங்களை ப்ரபோஸ் பண்றதுக்காகவே அவன் தமிழ் படிக்கிறான். அந்த பொண்ணு ரியலி லக்கி தான்”, என்றாள் மது.

“ஏன் லக்கின்னு சொல்ற?”, கேட்டாள் சந்தியா.

“நிரு பேசுற தமிழ் கேட்டு அந்த பொண்ணு சிரிச்சுகிட்டே ஹேப்பியா இருக்கும் தானே”, மது

“எனக்கு என்னமோ அந்த பொண்ணு லக்கின்னு தோணலை. “, சந்தியா .

“ஏன்?”, கேட்டாள் மது.

“சிரிச்சுகிட்டே இருந்தா மட்டும் போதும் நீ சொல்ற…. அந்த பொண்ணு சொல்லணுமே. எனக்கு என்னமோ அது நிருவுக்கு நோன்னு சொல்லிடும்ன்னு தோணுது.“, அலுத்துக் கொண்டாள் சந்தியா.

அவள் சொன்னவுடன் மது அவனுக்காக பரிந்து, “அதெல்லாம் இல்லை. நிருவை எந்த பொண்ணுக்காவது பிடிக்காம இருக்குமா? நிருக்கு மட்டும் நோ சொன்னா நானே அந்த ஜீராவை  நானே நாலு சாத்து சாத்துவேன் ”, முடிக்கும் போது மிரட்டலாக முடித்தாள்.

“என்னது ஜீராவா?” புரியாமல் கேட்டாள் சக்தி.

“ஆமா, ஜீரா தான்  நிருவோட கேர்ல் ப்ர்ண்ட் “, மது.

“உனக்கு இதை யார் சொன்னா?”, மதுவிடம் விசாரித்தாள் சந்தியா.

“காதி”, சொன்னாள் மது .

“உங்க காதி உனக்கு ஜீரான்னு சொன்னாரா?”, இரு பொருள் பட கேட்டாள் சந்தியா. “உனக்கு ஜீராவென பேர் வைத்தானா” என குறிப்பு காட்டி பேசியதை சந்தியா எதிர்பார்த்த படியே மது உணராமல்,

“ஆமா...ஏன் கேக்குற”, மது

“நான் நிருக்கு ரசகுல்லா ன்னு பேரு வைச்சேன். ஜீரா ன்னா பேர் பொருத்தம் பிரமாதமா இருக்கே அதான்”, சந்தியா.

“ஜீரா வா? இப்படி ஒரு பேரா”, விவரம் தெரியாத சக்தி வியப்பு காட்டினாள். சந்தியா குறும்பு புன்னகையுடன்  மது அறியாவண்ணம் சக்தியை பார்த்து கண்ணடித்தாள். அதிமேதாவி சக்தி அவள் குறிப்பை உணர்ந்து,

“என்னடி கண்ணடிச்சு சிக்னல் காட்டுற? ஜீரான்னா  யாருக்காவது கோட் வேர்ட்டா ?” , ரகசியத்தை மது முன்னாலே கேட்டாள் சக்தி.

தான் தான் ஜீரா என அறியாமல் யார் என தெரிந்து கொள்ள  ஆர்வமாய் சந்தியாவை ஆர்வமாய் பார்த்தாள் மது.

கடுப்பான சந்தியா “சக்கு மக்கு”, பல்லைக் கடித்துக் கொண்டு சொன்னாள்.

“ஏதாவது சீக்ரெட்னா இப்படி தான சிக்னல் காமிப்ப? இப்போ எதுக்கு திட்டுற?” அப்பாவியாய்  வினவினாள் சக்தி.

“கண்ணுல தூசி விழுந்தாலும் கண்ணடிப்பாங்க. மனுசன் ஒரு நிமிசத்துக்கு பத்து தடவையாவது  கண் சிமிட்டுவான் பேக்ட்டுடி  பேக்ட். புரிஞ்ச்சுக்கோ. சக்கு மக்கு ”,அருகிலிருந்த சக்தியின் தலையில் அடிக்காத குறையாக  சொல்லி  சமாளித்தவள் மதுவிடம் திரும்பி,

“ஏன் மது நிரு காதி காலேஜ் பிரண்ட்ன்னா உன்னை விட வயசு கூட தான? வா போன்னு  கூப்பிடுற?”, கேட்டாள் சக்தி.

 

No comments

Leave your comment

In reply to Some User

Copyright © 2009 - 2024 Chillzee.in. All Rights Reserved.