Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu
<h3><strong>Chillzee STARS of 2018</strong></h3>

Chillzee STARS of 2018

 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
× Come, let's discuss about Ramani Chandran to Chitra Bala and Agatha Christie to Abdul Kalam!

heart Chithra V's "Nenchodu kalanthidu uravale" series discussion

  • Chillzee Team
  • Chillzee Team's Avatar Topic Author
  • Away
  • Administrator
  • Administrator
More
19 May 2018 19:30 #13 by Chillzee Team
தொடர்கதை - நெஞ்சோடு கலந்திடு உறவாலே!! - 10 - சித்ரா. வெ
சிறிது நேரத்திற்கு பிறகு மகி அறைக்குள் வரும்போது சுடர் உறங்கிக் கொண்டிருந்தாள்… இதுவரை அவனிடம் கோபத்தை காட்டிய அவள் முகம், உறக்கத்தில் அவளை அறியாமலேயே மலர்ச்சியோடு இருந்தது…. அதைப் பார்த்ததும் தான் மகியின் மனம் நிம்மதியானது… தான் செய்த காரியம் சரியா? தவறா? என்று இதுவரையில் அவன் குழப்பத்தில் இருந்தாலும், அவளின் முகத்தில் இருந்த அந்த தெளிவு, அவன் செய்த காரியம் சரிதான் என்று நியாயப்படுத்தியது…

இப்படி மொத்தமாக இந்த நாட்டை விட்டே போக இவள் முடிவெடுத்திருப்பாள் என்று தெரிந்திருந்தால், தன் குடும்பத்தார் எடுத்த முடிவுக்கு ஒத்துக் கொள்ளாமல், யோசித்து ஏதாவது செய்திருக்கலாம் என்று நினைத்தான்… அவள் இந்த நாட்டை விட்டு செல்வதை தாங்கிக் கொள்ள முடியாமல் இப்படி ஒரு அதிரடி முடிவை எடுத்தவன், அவளை நினைத்து வருத்தம் கொள்பவன், இந்த உலகத்தை விட்டே போக அவள் முடிவெடுத்திருந்ததை அறிந்தால்? என்ன செய்திருப்பான்??

அவளின் இந்த முடிவைக் கூட அவன் தடுக்க நினைத்தது எதனால்?? முன்னொரு நாள் அவள் பேசிய வார்த்தைகள் இன்னும் நெஞ்சில் அப்படியே பதிந்திருந்தது..

*****************************************************************
இன்றைய அத்தியாயத்தை படிக்கத் தவறாதீர்கள் பிரென்ட்ஸ்.

@ www.chillzee.in/stories/tamil-thodarkath...uravale-chithra-v-10

Regards,
Chillzee Team :-)
  • Chillzee Team
  • Chillzee Team's Avatar Topic Author
  • Away
  • Administrator
  • Administrator
More
26 May 2018 21:17 #14 by Chillzee Team
தொடர்கதை - நெஞ்சோடு கலந்திடு உறவாலே!! - 11 - சித்ரா. வெ
பல்கலை கழகத்தில் விண்ணப்பிக்கும் வேலை முடிந்ததும், “இங்கு தானே கதிர் சித்தப்பாவும் பேராசிரியராக இருக்கிறார். தமிழ் டிபார்ட்மென்ட் எங்கன்னு கேட்டு அவரை பார்த்துட்டு வரலாமா?” என்று அருள்மொழி நினைத்தாள். “நேற்று நடந்த பிரச்சனையால் அவர் கல்லூரிக்கு வந்தாரோ.. இல்லையோ.. அப்படியே வந்திருந்தாலும் என்னை பார்த்தால், அவருக்கு அது சங்கடமாக தான் இருக்கும்.. அதனால் அவரை இப்போதைக்கு சந்திக்காமல் இருப்பது தான் நல்லது. அதனால் வீட்டுக்கு கிளம்பிவிடலாம்” என்று சிந்தித்தப்படியே நின்றிருந்த போது,

“இங்க தமிழ் டிபார்ட்மெண்ட் எங்கம்மா இருக்கு?” என்ற ஒரு பெண் குரல் கேட்டது. அவளது அருகில் நின்று அவளை தான் கேட்டார் அந்த பெண்மணி. அளவான உயரம், உடல்வாகு, வயது ஐம்பது இருக்கும், மாநிறம், நேர்த்தியாக கட்டிய சேலை, இந்திராகாந்தி போல் வெட்டியிருந்த முடி, முகத்தில் ஒரு சாந்தம் என்று அவரை சில நிமிடங்கள் ரசித்து பார்த்துக் கொண்டிருந்தாள். அவரது முகம் யாரையோ நினைவுப்படுத்தியது. இருந்தாலும் நினைவில் வரவில்லை.

“என்னம்மா இங்க தமிழ் டிபார்ட்மெண்ட் எங்க இருக்குன்னு தெரியுமா?” திரும்பவும் கேட்டார் அவர்..

************************************************************

இன்றைய அத்தியாயத்தை படிக்கத் தவறாதீர்கள் பிரென்ட்ஸ்.

@ www.chillzee.in/stories/tamil-thodarkath...uravale-chithra-v-11

Regards,
Chillzee Team :-)
  • Bindu Vinod
  • Bindu Vinod's Avatar
  • Offline
  • Platinum Boarder
  • Platinum Boarder
  • பிந்து :-)
More
03 Jun 2018 00:31 #15 by Bindu Vinod
தொடர்கதை - நெஞ்சோடு கலந்திடு உறவாலே!! - 12 - சித்ரா. வெ
இனி இன்னொரு முறை பார்க்கவே கூடாது என்று நினைத்தவனை விரைவிலேயே சந்திப்போம் என்று அருள்மொழி நினைக்கவே இல்லை. மனதில் அந்த நினைப்போடு அவனையே பார்த்தப்படி நின்றிருக்க, உள்ளே நுழைந்தவனின் பார்வைக்கு அவள் தான் முதலில் பட்டாள்.

அவனை பார்க்கக் கூடாது என்ற அவளின் நினைப்புக்கு எதிராக இன்னொரு முறை அவளை பார்க்க முடியாதா? என்று நினைத்திருந்தவனுக்கு இன்றே அவளை சந்திக்கும் சந்தர்ப்பம் அமையும் என்று அவன் நினைத்து பார்க்கவே இல்லை. உடனே அவள் அருகில் சென்று பேச வேண்டும் என்று மனம் நினைத்தது. அவள் ஏன் மருத்துவமனையில் இருக்கிறாள்? என்ற கேள்வியும் எழுந்தது. அவளோ அவனும் தன்னை பார்த்துவிட்டான் என்பதை அறிந்ததும் தலையை தாழ்த்திக் கொண்டாள்.

அவள் அருகில் செல்ல நினைத்த கால்களை கஷ்டப்பட்டு ரிஸப்ஷன் இருக்கும் இடத்திற்கு திருப்பினான். இன்னும் கூட இவன் தான் உள்ளே இருக்கும் ஆனந்தியோட பையன் அமுதனா? என்ற சந்தேகத்தோடு அவள் நின்றிருக்க, “இங்க பேஷண்ட் ஆனந்தி எங்க அட்மிட் ஆயிருக்காங்க?” என்ற அவன் கேள்வியில் இருந்த கொஞ்சநஞ்ச சந்தேகமும் தீர்ந்தது.

“ஆனந்தியா..” என்று அந்த ரிஸப்ஷ்னஸ்ட் முதலில் முழித்தவள், “அந்த பேர்ல இங்க யாரும் அட்மிட் ஆகலையே..” என்று கூறினாள்.

**********************************************************

இன்றைய அத்தியாயத்தை படிக்கத் தவறாதீர்கள் பிரென்ட்ஸ்.

@ www.chillzee.in/stories/tamil-thodarkath...uravale-chithra-v-12
More
09 Jun 2018 11:24 #16 by Nanthini
தொடர்கதை - நெஞ்சோடு கலந்திடு உறவாலே!! - 13 - சித்ரா. வெ
அடுப்பில் வைத்திருந்த பால் அழகாக பொங்கி வழிந்தது. ஆனால் அந்த பால் பொங்கிய அளவிற்கு கூட சுடரொளியின் மனதில் சந்தோஷம் பொங்கி வழியவில்லை. பொதுவாக திருமணமானதும் தனிக்குடித்தனம் நடத்துவதையே பல பெண்கள் விரும்புவார்கள். ஆனால் அவளுக்கு ஒன்றும் அது மகிழ்ச்சி தரும் விஷயமாக இல்லை. குடும்பத்தில் உள்ள அனைவரின் சம்மதத்துடன் மகிழ்வேந்தனை மணந்து, அவர்களுக்கு பிடித்தமான மருமகளாக வாழும் வாழ்க்கையை தான் அவள் விரும்பினாள். ஆனால் அதற்கு எதிர்மாறாக நடப்பது மனதிற்கு ஒருவித சங்கடத்தையே கொடுத்தது. அருகில் நின்றிருந்த மகியை திரும்பி பார்த்தாள். அவனோ இன்முகத்துடன் பால் பொங்குவதை பார்த்தப்படி நின்றிருந்தான்.

அவனுக்கும் உள்ளுக்குள் வருத்தம் தான், பெற்றவர்கள் மனதை ஒருபுறம் கஷ்டப்படுத்தி, அருள்மொழிக்கு ஒரு விதத்தில் அநியாயம் செய்து, இப்போதோ இங்கு சந்தோஷமாக புதிதாக தனிக்குடித்தனம் நடத்த பால் காய்ச்சி கொண்டிருப்பது மனதிற்கு கஷ்டமாக தான் இருக்கிறது. ஆனால் சுடரொளிக்காக அனைத்தையும் மறைத்துக் கொண்டான்.

இப்போது இந்த நேரம் சுடருக்காக அவளோடு இருப்பது அவசியம். அருள்மொழிக்கு ஒரு நல்லது நடந்தால் தந்தை மற்றும் அத்தையின் கோபம் காணாமல் போய்விடும்.

***************************************************************

இன்றைய அத்தியாயத்தை படிக்கத் தவறாதீர்கள் பிரென்ட்ஸ்.

@ www.chillzee.in/stories/tamil-thodarkath...uravale-chithra-v-13

Rgds,
Nanthini
More
16 Jun 2018 11:12 #17 by Nanthini
தொடர்கதை - நெஞ்சோடு கலந்திடு உறவாலே!! - 14 - சித்ரா. வெ
“அம்மா ஒரு ப்ரண்டை பார்க்க போகணும்.. அவ வீடு தூரம், அதனால நான் அறிவை துணைக்கு கூட்டிட்டுப் போறேன்..” என்று அன்னையிடம் பொய் சொல்லிவிட்டு தான் அருள்மொழி கிளம்பினாள்.

ஏற்கனவே ஒருமுறை அமுதன் விஷயத்தில் பொய் சொல்லிவிட்டு சென்றது தான் பிரச்சனைகளை கொண்டு வந்தது. திரும்ப அதையே செய்கிறாளே என்று அறிவழகன் நினைத்தாலும், இப்போது அத்தையிடம் உண்மையை சொல்ல முடியாது என்பதாலும், அவளுக்கு துணையாக தான் செல்வதாலும் அதை அவன் பெரிதாக எடுத்துக் கொள்ளவில்லை.

இருவரும் அமுதன் வீட்டு முகவரியை விசாரித்து வீட்டை அடைய மணி பதினொன்றை எட்டியது. அழைப்பு மணி அடிக்க கதவை திறந்தது அமுதவாணன் தான்.. அவனைப் பார்த்து அறிவு ஒரு பிடிக்காத பார்வை பார்த்தான். அருள்மொழிக்கோ அவனை மறுபடி மறுபடி பார்ப்பது மனதிற்கு ஒருமாதிரி பிடித்தமில்லாமல் தான் இருந்தது. இருந்தும் ஆனந்தி ஆன்டிக்காக என்று பொறுத்துக் கொண்டாள்.

“வாங்க வாங்க..” என்று அமுதன் இருவரையும் வரவேற்றான். அவள் தனியாக வரமாட்டாள் என்பது தெரியும்.. ஆனால் அறிவழகனோடு வருவாள் என்று எதிர்பார்க்கவில்லை. நேற்றும் அவளை மருத்துவமனையிலிருந்து அழைத்து போக அவன் தான் வந்தான்.

**************************************************************

இன்றைய அத்தியாயத்தை படிக்கத் தவறாதீர்கள்.

@ www.chillzee.in/stories/tamil-thodarkath...uravale-chithra-v-14

Rgds,
Nanthini
More
23 Jun 2018 11:38 #18 by Nanthini
தொடர்கதை - நெஞ்சோடு கலந்திடு உறவாலே!! - 15 - சித்ரா. வெ
அருள்மொழியும் அறிவழகனும் இங்கு எப்படி என்று அதிர்ச்சியோடு பார்த்தனர் கதிரவனும் எழிலரசியும். அதுவும் அமுதவாணன் இருக்கும் இடத்தில் எப்படி அருள்மொழி வந்தால் என்று புரியாத பார்வை பார்க்க,

“சித்தி.. சித்தப்பா..” என்று அவர்களை அழைத்தாள் அருள்மொழி. அவள் உறவுமுறை சொல்லி அழைத்ததில் ஆனந்தி தான் அதிசயித்து போனார்.

“அருள், அறிவு.. ரெண்டுப்பேரும் இங்க எப்படி?” எழில் கேட்க,

“அது ஆன்ட்டியை பார்க்க வந்தோம் அத்தை..” என்று பதில் கூறினான் அறிவு.

“எழில் உனக்கு இவங்க ரெண்டுப்பேரையும் தெரியுமா?”

“தெரியுமாவா.. அருள் என்னோட அக்கா பொண்ணு.. அறிவு பூங்கொடி அண்ணியோட தங்கச்சி பையன்.. ஆனா உங்களுக்கு தெரியாமேயாவா ரெண்டுப்பேரும் இங்க வந்திருக்காங்க..?? அமுதனுக்கு ரெண்டுப்பேரையும் நல்லா தெரியுமே..” என்றப்படி எழில் அமுதனை பார்க்க, ஆனந்தியும் அதேசமயம் ஏன் சொல்லவில்லை? என்ற பார்வையோடு அவனை தான் பார்த்தார்.

**********************************************************

இன்றைய அத்தியாயத்தை படிக்கத் தவறாதீர்கள்.

@ www.chillzee.in/stories/tamil-thodarkath...uravale-chithra-v-15

Rgds,
Nanthini

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)

சுடச் சுடச்...!

 

Current running Chillzee serial stories

You can also check the stories by genre here.

Also don't miss our completed stories listed here or the listing grouped by Chillzee Authors here

Latest Episodes

Stories update schedule

  M Tu W Th F Sa  Su 

Mor

AN

Eve
31
EVUT

PVOVN

NiNi
01
MINN

ILU

MAMN
02
VD

EMPM

KIEN
03
VMKK

KaNe

KPY
04
Sush

UVME

Enn
05
UNV

NKU

Tha
06
KI

VTKS

EK

Mor

AN

Eve
07
EVUT

-

NiNi
08
MMSV

ILU

MAMN
09
GM

EMPM

KIEN
10
ISAK

KaNe

KaKa
11
EU

Ame

-
12
UNV

NKU

Tha
13
KI

VTKS

EK

* Change in schedule / New series

* If you would like to write @ Chillzee please click here or send an email to admin@chillzee.in.

Go to top