Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
(Reading time: 7 - 13 minutes)
1 1 1 1 1 Rating 5.00 (1 Vote)
Pin It
Author: Buvaneswari

யாரிடம் தூது சொல்வது -1 - புவனேஸ்வரி கலைசெல்வி

ந்த மலையடிவாரத்தில் சீரான வேகத்தோடு இரு சக்கர வாகனத்தில் பயணித்து கொண்டிருந்தான் அவன் . காதில் சந்தோஷ் நாராயணன் இசையும் , வாகன எரிபொருளும் இருந்தால் போதும் அவனை கையில் பிடிக்க முடியாது . இயற்கையோடு ஒன்றிவிடுவான் அவன் . மாதத்தில் அவனுக்காக ஐந்து நாட்கள் எப்போதும் ஒதுக்கி விடுவான் . அலைபேசிக்கு அதிகம் வேலை வைக்காமல் தனது நெருங்கிய நண்பனிடம் மட்டும் பயணப்படும் ஊரைப் பற்றிய தகவல்களை சொல்லிவிட்டு காணாமல் போய்விடுவான் . அவனுக்கும் இயற்கைக்கும் நடுவில் யாரும் வரவே முடியாது . முடியாது என்பது என்னவோ கடந்த மூன்று வருடங்கள் முன்னால்வரை உண்மைதான் . இன்றோ அவர்கள் இருவருக்கும் இடையில் மூன்றாவதாய் உதித்த இம்சை ஒன்று பெண்ணென்று உருக்கொண்டு அவன் தோளில் தாளம் போட்டு கொண்டே வந்தது .

செவியில் மாட்டும் கேட்பொறிக்கு பதிலாக அவர்களுக்கு மட்டும் கேட்கும் சத்தத்தில் ஒலிப்பெருக்கி வைத்திருந்தான் .

"சிறுக்கி வாசம் காத்தோட
நறுக்கி போடும் என் உசுர
மயங்கி போனேன் பின்னாடியே
உன்ன வெச்சேன் உள்ள
அடி வெல்லக்கட்டி புள்ள
இனி எல்லாமே உன் கூடத்தான் " பாடலோடு இணைந்து பாடியவனின் பின்னங்கேசத்தை தலைக்கவசத்தை தாண்டி விரல்களால் சீண்ட முயற்சித்து கொண்டிருந்தாள் அவள் . சாலையோரம் பூக்கடை ஒன்று தென்பட ,

" வண்டிய நிறுத்துங்கப்பா ..சீக்கிரம் " என்று அவனை தடுத்தாள் .
தூரத்தில் இருந்தே அவள் பூ கேட்பாள் என்று ஊகித்தவன், கடையைத் தாண்டி வண்டியை நிறுத்தினான் . அவனை மெச்சுதலாய் பார்த்தபடி இறங்கி , தோளில் தட்டியவள் , அவனோடு இணைந்தே கடையை நோக்கி நடக்க ,

" முல்லைப்பூ என்ன விலை ? " என்றான் அவன் சன்னக்குரலில் . அதே கடையின் மறுபக்கம் தனது புகைப்பட கருவியில் கவனம் செலுத்திய பெண்ணொருத்தி அவனது சன்னக்குரலில் கவரப்பட்டு நிமிர்ந்தாள் .

"ப்பா .. செம்ம குரல் .. இன்னும் கொஞ்சம் பேசுங்களேன் " வெகு இயல்பாய் அவள் கேட்டு வைக்க , அவன் பார்வையோ சட்டென தன் பக்கத்தில் நிற்கும் தன்னவள்மீது படிந்தது . முகத்தில் எந்த சலனமும் இல்லாமல் பூவை தலையில் வைப்பதற்கு ஆயத்தமாகி கொண்டிருந்தாள் . ஆனால் அவனுக்கு மட்டும் " எரிமலை எப்படி பொறுக்கும் " என்ற பின்னணி இசை கேட்பது போலவே இருந்தது .

அவன் தன்னையே பார்ப்பதை உணர்ந்தவள் , வெகு இலகுவாக முகத்தை வைத்துக் கொண்டு "மணியாச்சு சீக்கிரமா கெளம்பலாமா ?" என்றாள் . அங்கு நின்றிருந்த இன்னொரு பெண்ணை சட்டை செய்யாமல் அவளை பின் தொடர்ந்தவன் ,

"கோவமா பாப்பா?" என்றான் .

" பாப்பா பீப்பான்னு கொஞ்சுறதுக்கு ஒன்னும் குறைச்சல் இல்ல ..எத்தனை தடவை சொல்லுறேன் , சன்னமா பேசி தொலைக்காதிங்க .. கேட்க அநியாயத்துக்கு நல்லா இருக்குனு .." என்று பொரிந்தவள் , அவனை திட்டினாளா அல்லது ரசிக்கிறாளா என்பது அவள் மட்டுமே அறிந்தது .

" அடியே , அது தானாகவே பேச ஆரம்பிக்கும்போது வருது ..அந்த பொண்ணு சும்மா பேசத்தானே சொன்னிச்சு ? நான் என்ன அப்படியே அவ பின்னாடியா போயிட்டேன் ?" என்று அவனும் அவளைப்போலவே கொதிக்க ,

" போவீங்க போவீங்க .. உசுரோட விட்டாத்தானே போக முடியும் ? இத பாருங்க .. என்னைவிட்டு நீங்க போக முடியாது ..நான் போகவும் விட மாட்டேன் ..நானும் போக மாட்டேன்.." என்று விழிகளை உருட்டி மிரட்டினாள் . அதற்கேதும் பதில் சொல்லாமல் அவளது நெத்தியில் செல்லமாய் முட்டியவன் வண்டியை கிளப்ப மீண்டும் அவர்களுக்குள் அன்பலை பொங்கிது . அவளோடு ஒன்றி பாடிக்கொண்டே பயணித்தாலும் சற்று முன் சொன்ன வார்த்தை மட்டும் அவனுக்குள் மீண்டும் மீண்டும் ஒலித்து கொண்டே இருந்தது . " இத பாருங்க .. என்னைவிட்டு நீங்க போக முடியாது ..நான் போகவும் விட மாட்டேன் ..நானும் போக மாட்டேன்.." .

லைகளும் மேகங்களும் தாங்கள் தொலைத்தூர காதலர்கள் என்ற எண்ணத்தை கைவிட்டு முத்தமிட்டு காதல் பழகுவது போல இருந்தது அந்த காட்சி . மலை உச்சியில் ஏற்பட்ட காற்றழுத்தமும் குளிரும் அவளுக்குள் புதுவித பரவசத்தை உருவாக்கியது !

இந்த இயற்கையும் தான் எத்தனை அழகு வாய்ந்ததாய் இருக்கிறது ? இயற்கை அன்னைக்கு மூப்பே கிடையாதோ ? அணு அணுவாக அந்த காட்சிகளை ரசிக்க இன்னும் கூடுதல் கண்கள் கிடைத்திருக்கலாம் என்று தானாகவே தோன்றும் எண்ணத்தை அவளால் கட்டுப்படுத்த இயலவில்லை . தன்னவனை கூட நாடாமல் நடுநாயகமாக மலைமீது நின்று கொண்டு " ஹோ " என்று கத்தி ரசித்து கொண்டிருந்தாள் . இடுப்பில் கை வைத்தபடி வையகத்துக்கே ராணியானது போல மிளிர்வும் நிமிர்வுமாய் நின்று கொண்டாள் . இத்தனையும் தூரமாய் நின்று வேடிக்கை பார்த்து கொண்டிருந்த அவனுக்கு இதெல்லாம் இனிமேல் தனக்கு கிடைக்குமா என்ற கேள்வி எழுந்தது . ஏனோ அவளை விட்டு இம்மியளவும் பிரிய விரும்பாதவன் போல, அவளை நோக்கி வேகமாக அடியெடுத்து வைத்து பின்னாலிருந்தபடி இறுக்கி கொண்டான் .

"பாப்பா ..."
"ம்ம்ம்ம் "
" உன்னால என்னை விட்டுட்டு இருக்க முடியுமா ?"
"ம்ம்ஹ்ம்ம்" மறுப்பாய் தலை அசைத்தாள் .
"என்னாலயும் இருக்க முடியாது டா .."
"தெரியுமே .."
"ஆனா "
" என்ன ஆனா ?"
"ஒருவேளை நான் இல்லைன்னா நீ என்ன பண்ணுவ ?"
" நீங்க இல்லாம எங்க போவீங்க ? என்கூடத்தான் இருப்பிங்க "
"நான் தொலைஞ்சிட்டா ?"
" நான் தேடுவேன் .. இந்த பூமியில் சுத்தி சுத்தி தேடுவேன் "
"நீ என் வீட்டுல தான் இருக்கணும் "
" கல்யாணம் பண்ணிக்கோங்க .. இப்போவே போலாம்"
" சொல்றத கேளுடி "
"ம்ம்ம் சொல்லுங்க "
" நான் இல்லன்னா , நீ தனியா இருக்க கூடாது .. நீ என் வீட்டுக்கு போகணும் சரியா ?" என்றவன் தன் இதழ்களுக்கு அதிகமாய் வேலை கொடுத்தான் . எவ்வளவு மென்மையாக அதே நேரம் ஆளுமையோடு அவளை கையாள முடியுமோ அப்படி நெற்றி கன்னமென முத்தங்களை வழங்கிக்கொண்டே தன் ஆசைகளையும் சொல்லி கொண்டிருந்தான் .

" நம்ம வீட்டுக்கு போ .. நீ இன்னும் நெறய படிக்கணும் .. அடிக்கடி என்னை நெனைச்சு பாடணும் .. ஆரோக்கியமா சாப்பிடணும் .. எல்லாரையும் சந்தோஷமா பாத்துக்கணும் .. உன்னையும் கவனமா பாத்துக்கணும் ..நான் இல்லாதப்போ , நீயே நானாக மாறி இருக்கணும்!", ஒவ்வொரு முத்தத்திற்கு இடையில் ஒவ்வொரு கட்டளைகளையும் காதலுடன் பிறப்பித்தான் . அவனையும் அவனது ஆசைகளையும் உள்வாங்கி அவள் வீழிமூடிய நிமிடத்தில் சட்டென அவளை பிரிந்தவன் ,

" உன்ன ரொம்ப நேசிக்கிறேன் பூங்கொடி " என்றபடி அடுத்த அடி பின்னோக்கி வைக்க , "கயல் " என்று அலறி அவனை பிடிக்க முயன்றபடி இன்னும் அலற , அவளை தூக்கத்தில் இருந்து உலுக்கி எழுப்பினார் நிறைமதி .

"பூங்கொடி .. கண்ணை திற .. அழாதேம்மா .. கண்ணை திற ..ஒன்னும் இல்ல ..என்னை பாரேன் " அவர் அழுத்தமாய் உலுக்கியதில் கண் விழித்தவளுக்கு கனவேது , நினைவேது என்று புரியாத ஓர் உணர்வு . அதிர்ச்சியில் பூங்கொடிக்கு நின்ற அழுகை மீண்டும் விம்மலாய் வெடிக்க , நிறைமதியின் மடியில் முகம் புதைத்து கொண்டாள் .

"அவர் எங்க மதியம்மா ? எனக்கு அவரை பாக்கணும் !!"

"கயல் எங்க இருந்தாலும் , வந்துருவான் பூமா..நீ அவன் வீட்டுக்கு போ "

" மாட்டேன் .. அவர் இல்லாமல் நான் போக மாட்டேன் " என்று அவள் அழுகையின் ஊடே கூறிட , அவளது அலைபேசி சிணுங்கி தன்பால் கவனத்தை ஈர்த்தது .

அரவிந்த் ! கயற்சோழனின் ஆருயிர் நண்பன் . கயல் எங்கு பயணம் சென்றாலும் அரவிந்திடம் மட்டும் ஒருவார்த்தை சொல்லி விடுவான் . ஒருவேளை கயற்சோழன் இருக்கும் இடத்தின் தகவல் தெரிந்ததோ என்று பரபரப்புடன் அழைப்பெற்றாள் .

"ஹலோ அரவிந்த்"

"கயல் வீட்டுக்கு நாளைக்கு நீ வர்ற .. நானே உன்னை கூட்டிட்டு போறேன் " என்று அழுத்தமாக சொல்லிவிட்டு அழைப்பை துண்டித்திருந்தான் நண்பனவன் !

_தொடரும் _

வணக்கம் தோழமையே , அதிக நெளிவு சுழிவு இல்லாமல் ஒரு சின்ன காதல் தொடர், நமக்காக ! படித்து கருத்துகள் கொடுங்க நன்றி .

Pin It

About the Author

Buvaneswari

Latest Books published in Chillzee KiMo

  • Ennodu nee unnodu naanEnnodu nee unnodu naan
  • Enna periya avamanamEnna periya avamanam
  • KaalinganKaalingan
  • Kanavu thaan ithuvum kalainthidumKanavu thaan ithuvum kalainthidum
  • Nee ennai kadhaliNee ennai kadhali
  • Parthen RasithenParthen Rasithen
  • Serialum CartoonumSerialum Cartoonum
  • Vallamai thanthu viduVallamai thanthu vidu

Completed Stories
On-going Stories
  • -NA-
Add comment

Comments  
+1 # RE: யாரிடம் தூது சொல்வது -1 - புவனேஸ்வரி கலைசெல்விmadhumathi9 2021-08-20 11:47
Nalla thodakkam :clap: :thnkx:
Reply | Reply with quote | Quote
+1 # RE: யாரிடம் தூது சொல்வது -1 - புவனேஸ்வரி கலைசெல்விRavai 2021-08-20 07:20
Good morning, Bhuvaneswari Kalaichelvi madam!
This is easily one among the best serial I have read in my life of 85 years!
What a chaste language! What a marvelous depiction of true romantic love! What an emotional touch of characters!
Hats off! Thank God, I chose to read it, unusually!
God bless you!
Reply | Reply with quote | Quote
# RE: யாரிடம் தூது சொல்வது -1 - புவனேஸ்வரி கலைசெல்விBuvaneswari 2021-08-20 11:49
Very Good morning . After so long I am getting this appreciative vibes..Thank you so mucj .. means alot . Keep supporting
Reply | Reply with quote | Quote
# RE: யாரிடம் தூது சொல்வது -1 - புவனேஸ்வரி கலைசெல்விRavai 2021-08-20 19:49
Quoting Buvaneswari:
Very Good morning . After so long I am getting this appreciative vibes..Thank you so mucj .. means alot . Keep supporting

It is my pleasure!
Reply | Reply with quote | Quote
+1 # RE: யாரிடம் தூது சொல்வது -1 - புவனேஸ்வரி கலைசெல்விThenmozhi 2021-08-20 05:16
nice start Buvi :-) . :GL:
Reply | Reply with quote | Quote
# RE: யாரிடம் தூது சொல்வது -1 - புவனேஸ்வரி கலைசெல்விBuvaneswari 2021-08-20 11:48
Thenssss Nandri Nandri .. eppadi irkkinga ?
Reply | Reply with quote | Quote
+1 # RE: யாரிடம் தூது சொல்வது -1 - புவனேஸ்வரி கலைசெல்விFathima Riswin 2021-08-19 23:40
Interesting starting...

Nice episode...
Reply | Reply with quote | Quote
# RE: யாரிடம் தூது சொல்வது -1 - புவனேஸ்வரி கலைசெல்விBuvaneswari 2021-08-20 11:48
Nandri Fathima .. Keep Supporting
Reply | Reply with quote | Quote

🆕 Latest Updates 🆕

📅 Chillzee Series update schedule 📅

M Tu W Th F
MM

MOVPIP

KEK

KAKK

VEE

MVK

VKPT

KMEE

UANI

UKAN

EEKEE

KKK

EEIA

VM

AV

* - Change in schedule / New series

If you would like to start a series @ Chillzee, please read this article or e-mail us!

Go to top
Menu

Copyright © 2009 - 2023 Chillzee.in. All Rights Reserved.