நல்லவேளையாக நான் ஒருதலை காதலியாய் இருக்கிறேன்..!
நீ என் அருகில் இருந்தேயாகவேண்டும்;
நீ என்னுடன் மட்டும் பேசிக்கொண்டே இருக்க வேண்டும்;
நீ உன் அந்தரங்கங்களை கூட பகிர்ந்தேயாகவேண்டும்;
நீ எனக்கு பரிசுகளை தந்தேயாகவேண்டும்;
நீ என் பிறந்தநாளை நினைத்தேயாகவேண்டும்;
நீ எனக்காக பாடிக்கொண்டே இருக்க வேண்டும்;
நீ நான் ரசித்த புத்தகங்களை அறிந்தே ஆகவேண்டும்
நீ என் ஆண் நண்பர்களை புரிந்தே ஆக வேண்டும்;
நீ என் இரவுகளை நிரப்பிக்கொண்டே இருக்க வேண்டும்
நீ என் அந்த மூன்று நாட்களில் என்னை சீராட்டியே ஆகவேண்டும்;
நீ கடும்கோபத்தில் கூட என்னை கொஞ்சியே ஆகவேண்டும்
நீ நான் வெட்கப்பட்டாலும் என்னை சீண்டிக்கொண்டே இருக்க வேண்டும்;
நீ எந்த காதல் பாடலை முணுமுணுத்தாலும் உடனே என்னை நினைக்க வேண்டும்;
இப்படியெல்லாம் ஆசைப்படும் நான்..,
உனக்கு பிடிக்காதவள் ஆகி இருப்பேன்!
இதையெல்லாம் நிறைவேற்றாத நீ..,
கல் நெஞ்சக்காரன் ஆகி இருப்பாய்!
நான் நானாகவும் நீ நீயாகவும் இருக்கும்வரை,
காதல் காதலாகவே இருக்கும்!
நல்லவேளையாக நான் ஒருதலை காதலியாய் இருக்கிறேன்..!