Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Login

Menu
 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
1 1 1 1 1 Rating 5.00 (2 Votes)
தொடர்கதை - காணும் இடமெல்லாம் நீயே - 07 - சசிரேகா - 5.0 out of 5 based on 2 votes

”அண்ணா வாண்ணா ரூமுக்கு போலாம்” என சொல்லி இழுத்துக் கொண்டு நடந்துச் சென்றான் முற்றத்தை தாண்டுவதற்குள் தெருவில் ஏதோ மங்கல சப்தம் கேட்கவும் ஈஸ்வரனது மனம் மாறியது. நடந்துக் கொண்டிருந்தவன் சட்டென நின்று அமைதியாக தெருப்பக்கம் செல்ல கூடவே நிரஞ்சனும் சென்றான்.

தெருவில் வந்துக் கொண்டிருந்த சாமி ஊர்வலத்தைக் கண்டு வியந்தனர் இருவரும். குமரவேலும் ஆனந்தியும் வள்ளியும் சாமி ஊர்வலத்தின் முன் நின்றுக் கொண்டிருந்தார்கள். அவர்கள் கையில்  பூ, பழம் உள்ள தட்டும் இருந்தது. பொறுமையாக வந்தாள் மீனா அவளிடம் நிரஞ்சனோ

”என்ன இது” என ஊர்வலத்தைப் பார்த்துக் கேட்க

”ஒண்ணுமில்லை அத்தான், நேத்து பௌணர்மி இல்லையா அதான் இன்னிக்கு சாமியை ஊர்வலமா கொண்டு வர்றாங்க, சாமியை கும்பிட்டுக்குங்க நல்லதே நடக்கும் வாங்க” என அவனை மட்டும் அழைத்துக் கொண்டு தெருவிற்கு சென்று மற்றவர்களுடன் சேர்ந்து நின்றுக் கொண்டாள்.

தெரு முழுக்க மக்களும் ஊர்வலத்திற்காக காத்திருந்தார்கள். மீனாவோ கடவுளைக் கண்டதும் பக்தியாக கண்கள் மூடி வேண்டிக் கொண்டாள். அதைப்பார்த்த நிரஞ்சனும் கண்கள் மூடிவிட ஈஸ்வரனோ வாயிற் படியை விட்டு இறங்காமல் நின்று ஊர்வலத்தையே வெறுப்பாக பார்த்துக் கொண்டிருந்தான். சிறிது நேரத்தில் ஊர்வலம் அந்த வீட்டை தாண்டி சென்றதும் அனைவரும் வீட்டுக்குள் பிரவேசித்தார்கள்.

ஈஸ்வரன் வழியில் இருப்பதைக் கண்டு நிரஞ்சன் அவனை அழைத்துக் கொண்டு அவனது அறைக்குச் சென்று விட்டான்

”அண்ணா சீக்கிரமா குளிச்சிட்டு வாண்ணா, சாப்பிடலாம் அப்படியே ஊர் சுத்திட்டு வரலாம்” என சொல்ல ஈஸ்வரனோ பதிலே சொல்லாமல் அமைதியாக கட்டிலில் அமர்ந்திருப்பதைக் கண்டு வியந்தான்

”அண்ணா என்னாச்சிண்ணா இன்னுமா நீ ஷாக்ல இருக்க, பாவம்ணா அந்த மாடு உன்னை தப்பா புரிஞ்சிக்கிட்டு இருக்கு, வேற ஒண்ணுமில்லைண்ணா” என பாசமாக பேசிய தம்பியிடம்

”இன்னிக்கு நான் பத்மாவதியை பார்த்தேன், ரொம்ப அழகா இருந்தா” என சொல்லவும் நிரஞ்சனோ சிரித்தான்

”இவ்ளோ கலவரத்திலேயும் நீ பத்மாவதியை விடலையா”

“விளையாடாதடா இன்னிக்கு நிஜமாவே நான் பத்மாவதியை பார்த்தேன், அவள் ரொம்ப அழகா இருந்தா”

”ஆனந்தி போல இருந்தாளா இல்லை மீனுக்குட்டி போல இருந்தாளா”

“மீனு போல இல்லை ஆனந்தியை நான் எங்கடா பார்த்தேன், என்னைப் பார்த்தாலே தலையை குனிஞ்சிக்கறா”

“அதுக்கு பேரு வெட்கம்ணா”

“என்னவோ ஆனா பத்மாவதி வேறடா, அவள் ரொம்ப அழகா இருந்தா பாவம் தற்கொலை பண்ணிக்க முயற்சி செஞ்சிக்கிட்டா” என சொல்ல நிரஞ்சனோ பதறினான்

”என்ன அண்ணா சொல்றீங்க, அவள் ஏன் அப்படி செய்யனும்” என கேட்க ஈஸ்வரனோ தான் கண்ட கனவு முழுவதும் சொல்லிவிட்டு தம்பியின் முகத்தையே ஏக்கமாகப் பார்த்தான்.

10 நிமிடம் கழித்து மெதுவாக பேசினான் நிரஞ்சன்

”உன் கனவு ஒரே சீரா வரலையேண்ணா, முன்னாடி நீயும் பத்மாவதியும் லவ் பண்ற மாதிரி சொன்ன, இப்ப என்னடான்னா அவளை முதல் முறையா பார்க்கற மாதிரி சொல்ற இதுல எது உண்மை? எது பொய்?”

“எனக்கு புரியலை நிரஞ்சா என்னோட கனவு முன்ன பின்னன்னு கலந்து கலந்து வருது, அது மட்டும் எனக்கு நல்லாவே புரியுது”

“அது சரி ஓரே சீரா வந்தாலே ஒண்ணும் புரியாது, இதுல இப்படியா மாறி மாறி வரனும் சரிண்ணா, கதைப்படி பார்த்தா இன்னிக்குதான் நீ பத்மாவதியை பார்த்திருக்க அப்புறம் அவள் உன்கிட்ட சண்டை போட கத்துக்க கேட்டிருக்கா, அப்புறம் நீங்க இரண்டு பேரும் லவ் பண்ணியிருக்கீங்க அப்புறம் என்னாச்சி அண்ணா”

“தெரியலை”

”சரி இப்போதைக்கு மாதவன்தான் வில்லனா”

“அதுவும் சந்தேகமா இருக்கு, மாதவன் தப்பு செஞ்சி நான் பார்க்கலையே”

“ஆனா கனவுல உன்னைப்பத்தி உன் அப்பாகிட்ட போட்டுக் கொடுத்தது அவன்தானே”

“இருக்கலாம் ஒருவிசயம் கவனிச்சியா நிரஞ்சா, மாதவன் கெட்டவனா இருந்திருந்தா, அன்னிக்கு தர்னேந்திரன் உடம்புல இருந்த டாட்டூவை பார்த்துட்டு அப்பவே அவனை வெட்டி கொன்னிருக்கலாமே, எதுக்காக அவன் அப்பாகிட்ட போய் சொல்லனும்”

“புரியலைண்ணா ஒரே குழப்பமா இருக்கு, பத்மாவதியோட வீடு, பெரிய மாளிகைன்னு சொன்ன, உப்பரிகை வழியா போனதா சொன்னியே அப்ப முதல் முதல்ல 5 வருஷமா ஒரு கனவு கண்டியே, அதான் உன்னை கூட ஒரு பொம்மை தலையாட்டி வாவான்னு கூப்பிட்டிச்சே, ஆனா அந்த வீடு சின்ன வீடுன்னுயே, அப்ப அந்த கனவுல வந்த டான்ஸ் ஆடற பொண்ணு யாரு, அது தான் பத்மாவதியா” என குழம்பிய முகத்துடன் நிரஞ்சன் கேட்க

About the Author

Sasirekha

Sasirekha

Completed Stories
On-going Stories
Add comment
Dear readers, Comments feature is provided for sharing your comments about this article.
Please restrain from using it for other purposes.
Chillzee.in reserves all rights to remove / modify any irrelevant / inappropriate comments without any prior notification.
To read our Comment / Forum rules, please visit Chillzee Comments & Forum Rules.Thank you.
If you have any queries please contact administrator @ admin@chillzee.in

Comments  
# RE: தொடர்கதை - காணும் இடமெல்லாம் நீயே - 07 - சசிரேகாsaaru 2018-12-28 06:36
Nice update
Reply | Reply with quote | Quote
# RE: தொடர்கதை - காணும் இடமெல்லாம் நீயே - 07 - சசிரேகாmadhumathi9 2018-12-27 15:38
:clap: (y) really nice epi.waiting to read more. :thnkx: 4 this epi. :GL:
Reply | Reply with quote | Quote
# RE: தொடர்கதை - காணும் இடமெல்லாம் நீயே - 07 - சசிரேகாmahinagaraj 2018-12-27 09:26
என்ன ஒரு அழகான காவியம் போல கதை போகுது மேம்.. சூப்பர்.... :clap: :clap: :GL:
ரொம்ப பிடிச்சுயிருக்கு... :yes: :lol:
ஈஸ் கேடி... மீனாவும் வேணும், ஆனந்தியும் வேணும்.. என்ன தான் நினைக்கராங்க.. :Q:
பத்மாவதி மீனா இல்லைனா.. ஆனந்தியா.. இல்ல வேறயாராவதா.. :Q:
மீனா செம.. கதை சூப்பரா போகுது மேம்.. :GL:
:thnkx:
Reply | Reply with quote | Quote
# RE: தொடர்கதை - காணும் இடமெல்லாம் நீயே - 07 - சசிரேகாAdharvJo 2018-12-26 18:34
Ish mind la Ena odudhu?? Meen's and Mr ishwar Oda sandai eppo perusa muttika pogudho theriyalai 😍😍 confirm indha scene sinappa than kanavula vara Dharan 😝 nice guy! Oldies ellam.ore kuttai-il vizhandha mataigal facepalm ippadi Oru antique thoughts first indha aunty-k vidudhalai kudunga sasi ma'am bheem.boy vida over ullaipaliya irukanga 😫 ish baby bro mele vachi irukkum love and care simply superb :hatsoff: poor anandhi ninga avanga feelings vachi aduringalo 😝😁 as always suspense filled and interesting update sasi ma'am 👍👏👏👏 look forward to read next update. Indha dreams entha order la varudhu :Q: thank you and keep rocking.
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top