தொடர்கதை - ஐ லவ் யூ - 22 - Chillzee Story
“உங்க தம்பி என்ன செய்றார் யசோதாக்கா?”
“தம்பியா? வெற்றியையா கேட்குற? அவன் எனக்கு தம்பி இல்ல, சாய்க்கு தம்பி”
“அப்படியே இருக்கட்டும்க்கா, அவர் என்ன செய்றார்ன்னு சொல்லுங்களேன்”
“ஏற்றுமதி, இறக்குமதி செய்றான். ஊருல முந்திரி, ஏலக்காய், தேயிலை, பட்டை அது இதுன்னு ஏகப்பட்ட விளைச்சல். அதை சுத்தம் செய்து, நல்லா பேக் செய்து பல நாட்டுக்கு ஏற்றுமதி செய்றான். அது போல மத்த நாட்டுல இருந்து பேரீச்சம்பழம், சாக்லேட்ன்னு இறக்குமதி செய்றான்.”
“இந்த மாதிரி வேலை செய்றது கஷ்டமாக்கா?”
“எதுக்கு இவ்வளோ கேள்வி கேட்குற, அத முதல்ல சொல்லு”
“காலேஜ்லருந்து பஸ்ல வந்தப்போ உங்க தம்பி கிட்ட வேலை செய்யுற சில பொண்ணுங்க திட்டிட்டே வந்தாங்க”
“வெற்றியையா திட்டினாங்க? அவன் ராசி அப்படி தமிழ்”
“புரியலையே”
“வெற்றி நல்லவன் தமிழ். ஆனா அவன் நல்லவங்குறது அவனை நல்லா தெரிஞ்சவங்களுக்கு மட்டும் புரியும். மேலோட்டமா பார்த்தா வில்லனை மாதிரி தெரிவான். அந்த பொண்ணு அமுதினியும் அவனை சரியா புரிஞ்சுக்கலை. சரி, அந்த கதையை விடு. ”
“ஆமாக்கா, அந்த கதை எனக்கு எதுக்கு. பசங்களை கூப்பிடுங்க படிக்கலாம்”
“தீபக்கையும், தீக்ஷாவையுமா? பசங்க விளையாடட்டும் தமிழ்”
“ஓடி பிடிச்சு விளையாடினா பரவாயில்லையே டிவி பார்த்துட்டு இருக்காங்க. கூப்பிடுங்க, நாங்க படிக்குறோம்”
“தமிழ், அவங்க செல்லமா வளர்ந்த குழந்தைங்க”
“நான் திட்ட மாட்டேன், கோபப் பட மாட்டேன், அடிக்கவும் மாட்டேன்”
“அதெல்லாத்தையும் நீ பண்ணா பரவாயில்லை. நீ மாட்டிக்கிட்டு அழாம இரு”
“என்ன சொல்றீங்க?”
“அவங்க கிங் காங் மாதிரி எப்போ யாரு கிட்ட ஏறி பிராண்டுவாங்கன்னு சொல்ல முடியாது”
ஹாய் பிரெண்ட், அத்தியாயத்தை படித்து விட்டு, உங்கள் கருத்தை பகிர மறக்காதீர்கள். உங்கள் ஒவ்வொரு கமன்ட்டும் எழுத்தாளருக்கு மிக பெரிய டானிக். உங்கள் கமண்ட்டை பகிர இதை க்ளிக் செய்யுங்கள் 
“அதெல்லாம் நான் பார்த்துக்குறேன், நீங்க இங்கே அனுப்பி வைங்க”
டிவி பார்த்துக் கொண்டிருந்த தீபக், தீக்ஷாவை பிடித்து இழுத்து வந்து தமிழ்செல்வியிடம் விட்டுப் போனாள் யசோதா.
ஒரு மணி நேரம் சென்ற பின், அறைக்குள் மெல்ல எட்டிப் பார்த்தாள்.
தமிழ்ச்செல்வி குழந்தைகளுடன் குழந்தையாக மாறி தீபக் தீக்ஷாவை போல தரையில் குப்புறப் படுத்து எழுதிக் கொண்டிருந்தாள். மூன்று பேரின் முகத்தில் ஒரே சிரிப்பு.
யசோதாவிற்கு மனம் குளிர்ந்துப் போனது.
ஹோம்வொர்க், படிக்க வேண்டிய பாடம் எல்லாம் முடித்து தமிழ்செல்வியிடம் காட்டி விட்டு பிள்ளைகள் மீண்டும் டிவி முன் சென்று அமர்ந்தார்கள்.
“இந்தா தமிழ் ஹார்லிக்ஸ், ரொம்ப கலைச்சு போயிருப்பீயே” – யசோதா.
“அதெல்லாம் இல்லக்கா நாங்க ஒன்னா எங்க எல்லாருடைய ஹோம்வொர்க்கையும் முடிச்சோம்.”
“இந்த வீட்டுல இன்னும் இரண்டு பெரிய முரட்டு குழந்தைங்க இருக்கு. அவங்களையும் உங்க செட்ல சேர்த்துக்கோங்க”
“சேர்த்துட்டா போச்சுக்கா. ஆனா இரண்டு முரட்டு குழந்தைங்க மட்டுமா இருக்கு?”
“வெற்றியை தான சொல்ற. இது மட்டும் அவன் காதுல விழனும், அப்புறம் நடக்குறதே வேற”
“அவன் காதுல விழுந்தா என்ன யசோ? தமிழ்ச்செல்வி சரியா தான சொல்றா”
சந்திரிகாவின் குரல் கேட்டு தமிழ்ச்செல்வி எழுந்து நின்றாள்.
“இதென்ன புது பழக்கம்? நாங்க என்ன உனக்கு எஜமானியா? உட்காரும்மா. வெற்றி சொன்னதுக்கும் நீ செய்றதுக்கும் தொடர்பே இல்லையே. நீ உண்மையாவே அவன் கதை சொன்ன அமுதினியான்னு தோணுது” – அரசி
அரசி ஆழம் அளந்து பார்ப்பதை புரியாது திரு திரு என முழித்தாள் தமிழ்ச்செல்வி.
“அவன் கண்ணுக்கு அவன் காதலி வேற மாதிரி தெரிஞ்சிருப்பா அத்தை. நமக்கு அதே மாதிரி தோணுமா என்ன?” – யசோதா இப்போதும் தமிழ்ச்செல்வியை காப்பாற்ற முனைந்தாள்.
“இருக்கும், இருக்கும்! ஏம்மா தமிழ் இருந்திருந்து இந்த வெற்றியை எப்படி நீ லவ் செய்த?” – அரசி
“இதே கேள்வி தான் எனக்கும். இரண்டு பேரும் எங்கே சந்திச்சீங்க” – சந்திரிகா
தொடர்புடையவை: உங்களுக்கு இதுவும் கூட பிடிக்கலாம்... -
மீனுவின் "மழையின்றி நான் நனைகின்றேன்" - காதல் கலந்த தொடர்கதை...
படிக்கத் தவறாதீர்கள்..
“அது ------ அது”
“சந்கோஜமில்லாம சொல்லும்மா” – சந்திரிகா
ராஜமாதாவின் கட்டளையை மீற முடியுமா? யசோதாவை பாவமாக பார்த்தாள் தமிழ்ச்செல்வி.
“சொல்லு தமிழ், பரீட்சைக்கு போறப்போ பஸ்ஸை விட்டுட்டு நின்ன கதை” – தமிழ்ச்செல்விக்கு கண்களால் சைகை செய்து பொய் சொல்ல அடிவாளம் அமைத்துக் கொடுத்தாள் யசோதா.
“ஆமா – அப்படி தான்” - தன் கற்பனை திறனை தூசி தட்டி எழுப்பினாள் தமிழ்ச்செல்வி.
More articles from this author
Wah Wah Wah selvi-a kuda oru kadhai elutha sollala ma'am 
kodupotta road poduradhu idhu thano 
Hero stun agitaro 
Rajamathas smart mathas aga irukangale 
cute +Interesting update ma'am 
thank you. keep rocking. interesting aaga kathaikkul kathai 
nice epi.waiting to read more. 
4 this epi. 
ரொம் அழகாதான கதை போயிட்டு இருந்தது.. ஏன் இந்த ஸ்டாபிங்... சீக்கரம் அடுத்த அப்டேட் போடுங்க மேம்..
😃 ஜாலி டைம் 😃
Tab, Mobile இரண்டும் இருந்தால் எதில் கதைகள் படிப்பீர்கள்?
Come join the FUN!
Download Chillzee Jokes for Android
(Click the image to get the app from Google Play Store)
சுடச் சுடச்...!
Copyright © 2019 Chillzee.in. All Rights Reserved.
Powered by 
Website Maintenance by SujWin Solutions.
Please restrain from using it for other purposes.
Chillzee.in reserves all rights to remove / modify any irrelevant / inappropriate comments without any prior notification.
To read our Comment / Forum rules, please visit Chillzee Comments & Forum Rules.Thank you.
If you have any queries please contact administrator @ admin@chillzee.in