Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu

Chillzee KiMo - கதை பிரியர்களுக்கான Chillzeeயின் புதிய சேவை!

1 1 1 1 1 Rating 5.00 (2 Votes)
தொடர்கதை - என் இதயம் கவர்ந்த தாமரையே - 06 - சசிரேகா - 5.0 out of 5 based on 2 votes
Pin It

தொடர்கதை - என் இதயம் கவர்ந்த தாமரையே - 06 - சசிரேகா

En ithayam kavarntha thamaraiye

திண்டுக்கல் டவுன்

வீரபாண்டியன் வீட்டின் முன் தன் புல்லட்டில் வந்து இறங்கினான். வீட்டு வாசல் படியில் கோபமாக அமர்ந்திருந்தார் சாவித்ரி. நேற்று வீராவுடன் பேசி முடித்ததில் இருந்து அங்கேதான் அமர்ந்திருந்தார். அவரது கோபம் கண்டு யாரும் சாவித்ரியிடம் நெருங்க கூட பயந்தார்கள். அவர்களும் உறங்காமல் சாவித்ரிக்கு துணையாக இருந்தார்கள்.

இதில் வெங்கடாச்சலத்திற்கு அவமானம் வேறு வந்துவிட்டது. அவர் நம்பிய தங்கை மகள் பரிமளா இவ்வாறு யாருக்கும் தெரியாமல் காதல் திருமணம் செய்துக் கொண்டது அவரது வாக்கை கேலிகூத்தாக மாறிவிட்டதே என நினைத்து அவர் அடங்கிப் போனார்.

நடந்திருக்கும் குழப்பத்திற்கு பரிமளாவின் மேல்தான் தவறு உள்ளது, தன் மகன் வீரபாண்டியனின் மேல் தவறில்லை என புரிந்துக் கொண்டார். பரிமளாவால் அந்த திருமணம் நிற்காமல் இருந்திருந்தால் இந்நேரம் தன் மகனிற்கு திருமணம் ஆகியிருக்காது என நினைத்து அவர் ஓரளவு சமாதானமானார் அதனால், வீரபாண்டியன் வந்தாலும் அவனுக்கு துணையாக நின்று சாவித்ரியிடம் பேசலாம் என நினைத்து காத்திருந்தார்கள்.

மாணிக்கமும் புவனாவும் ஆளுக்கொருவரிடம் தஞ்சம் அடைந்தார்கள். தம்பி செய்த காரியத்தில் தியாகம் இருப்பதை அறிந்த மாணிக்கம் தன் தந்தையின் பக்கம் சென்றான். புவனாவிற்கு வேறு வழியில்லை, மாமியார் பேச்சைக் கேட்டே ஆக வேண்டும் என்பதால் சாவித்ரியின் பக்கம் சென்று விட்டாள். குழந்தை ஐஸ்வர்யாவிற்கு நடப்பது எதுவும் புரியவில்லை ஆனால் சித்தப்பா வருவார் வரும் போது தனக்கு ஏதாவது வாங்கி வருவார் என்றே ஆசையாக காத்திருந்தாள்.

இன்று அவளுக்கு விடுமுறை என்பதால் வாசலில் பாட்டியின் மடியில் அமர்ந்துக் கொண்டு தெருவை வேடிக்கை பார்த்துக் கொண்டிருந்தாள் ஐஸ்வர்யா. சாவித்ரிக்கு என்னதான் கோபம் இருந்தாலும் அதை குழந்தையிடம் கோபத்தைக் காட்டவில்லை. தனக்கு ஆதரவாக புவனாவும் ஐஸூவும் இருக்கிறார்களே என நினைத்து நிம்மதிக் கொண்டார்.

அதிலும் தன் கணவரும் தன் மகனும் தனக்கு எதிராக இருப்பதைக்கண்டு கோபம் கொண்டார். என்ன ஆனாலும் சரி, வீரா செய்தது தவறே தன் விருப்பத்தைக் கேட்டிருக்க வேண்டும், ஒரு முறை ஃபோன் செய்து நடப்பதை சொல்லியிருந்தால் சாவித்ரியும் சரியென்றிருப்பார் ஆனால், வீரா அப்படி செய்யவில்லை, தன்னை மதிக்கவில்லை, தன்னை ஒரு பொருட்டாகவும் நினைக்கவில்லை.

தனக்கு குடும்பம் என்று ஒன்று இருப்பதையே மறந்து முடிவெடுத்துவிட்டான் பாண்டியன் என்பது மட்டுமே அவரது கோபம். அவன் பச்சாதாபப்பட்டு திருமணம் செய்தது கூட அவருக்கு பெரிதாக தெரியவில்லை. அனைத்திற்கும் ஆதாரமாக இருந்த தன்னை ஒரு நிமிடத்தில் தூக்கியெறிந்து விட்டானே என்ற ஆதங்கம் அவரின் மனதில் தீயாக கொளுந்துவிட்டு எரிந்தது.

புல்லட் சத்தம் கேட்டதும் ஐஷூ கத்தினாள்.

சித்தப்பா வராரு, சித்தப்பா வராருஎன உற்சாகத்துடன் கத்த வீடு முழுவதும் வெளியே வந்து நின்றுவிட்டது. சாவித்ரியும் தெருவையே பார்க்க வீரபாண்டியன் வண்டியை நிறுத்திவிட்டு எதுவும் நடக்காதது போல முகத்தை வைத்துக் கொண்டு அப்பாவியாக நடந்து வந்தான். அவனைக் கண்டதும் சாவித்ரி முறைக்க உள்ளுக்குள் நடுங்கிக் கொண்டே துணிச்சலாக அவர் முன் வந்து நின்றான்

பயந்தாலோ அல்லது இறங்கிப் பேசினாலோ வேலைக்காகாது, தாயின் கோபமும் அடங்காது, அவர் கோபத்தை விட பலமடங்கு கோபத்தை காட்டினால்தான் நம் பேச்சு எடுபடும் என தவறாக நினைத்துக் கொண்டான் அதன் படி தன் தாயைப் பார்த்து

அம்மாஎன அழைக்க அவரோ

நான் அம்மான்னு இப்பதான் உனக்கு தெரிஞ்சதாஎன ஆரம்பமே கோபத்தில் வார்த்தைகளை உதிர்க்க அவன் உடனே புரிந்துக் கொண்டான்.

அப்படியெல்லாம் இல்லைம்மா, ஏன் இப்படி பேசறீங்கஎன இயல்பாக பேச வெங்கடாச்சலமே குழம்பினார்

என்ன இவன் சாதாரணமா பேசறான், இந்நேரம் மன்னிப்பு கேட்பான், கெஞ்சுவான்னு பார்த்தா ஒண்ணும் நடக்காது போல, ஏதோ திட்டம் போட்டுட்டான், நடத்தட்டும் பிரச்சனை கைமீறி போகறப்ப உள்ள நுழையலாம்என அந்த தருணத்திற்காக அமைதியாக காத்திருந்தார்.

மாணிக்கமும் தந்தையின் முகத்தை பார்த்துவிட்டு

ஓஹோ கதை அப்படி போகுதா, சரி நாமளும் அமைதியா இருக்கலாம் அப்பா வாய் திறக்கறப்ப பேசிக்கலாம்என அவனும் மௌனம் சாதித்தான்

புவனா மட்டும் எப்படியும் இங்கு சண்டை நடக்கும் குழந்தை எதற்காக இதை கவனிக்க வேண்டும் என்று அவளை அழைத்துக் கொண்டு உள்ளே சென்றுவிட சாவித்ரி தடுமாறியபடியே எழுந்து நின்றார்

அம்மா என்னாச்சிம்மா பார்த்து பார்த்துஎன வீரா பேச சாவித்ரியோ

போதும் நிறுத்துடா இப்பதான் நான் அம்மான்னு உனக்கு தெரிஞ்சதா

என்னம்மா இப்படி பேசறீங்க

இப்படி பேசாம வேற எப்படி பேசறது, உனக்கு இந்த வீட்டு மேலயும் என் மேலயும் மதிப்பும் மரியாதையும் இருந்திருந்தா தப்பான முடிவு எடுத்திருப்பியா

  •  Start 
  •  Prev 
  •  1  2  3  4  5  6  7  8  9 
  •  Next 
  •  End 

About the Author

Sasirekha

Sasirekha

Like to read stories? Now you can read full novels at Chillzee KiMo. No wait time,  No ads, No restrictions!!!

Completed Stories
On-going Stories
Add comment

Comments  
# RE: தொடர்கதை - என் இதயம் கவர்ந்த தாமரையே - 06 - சசிரேகாராணி 2019-06-25 10:21
வாழ்த்துக்கள் வீரா இனி குடும்ப வாழ்க்கையை நல்லா என்ஜாய் பண்ணுங்க :GL:
Reply | Reply with quote | Quote
# RE: தொடர்கதை - என் இதயம் கவர்ந்த தாமரையே - 06 - சசிரேகாmadhumathi9 2019-06-21 06:36
:clap: nice epi sasi.avana appa ennathaan yosanai solli iruppaar :Q: suspensela vittu irukkeenga (y) eagarly waiting to read more. :thnkx: & :GL:
Reply | Reply with quote | Quote
# RE: தொடர்கதை - என் இதயம் கவர்ந்த தாமரையே - 06 - சசிரேகாதீபக் 2019-06-20 18:30
Sis today's episode is really good :clap: . Mother sentence play a vital role in epi is good (y) . Eagerly waiting for next episode to know the shock of vera pandian :GL: .
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top