Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu

Chillzee KiMo - கதை பிரியர்களுக்கான Chillzeeயின் புதிய சேவை!

1 1 1 1 1 Rating 5.00 (2 Votes)
தொடர்கதை - ஐ லவ் யூ - 27 - Chillzee Story - 5.0 out of 5 based on 2 votes
Pin It

தொடர்கதை - ஐ லவ் யூ - 27 - Chillzee Story

I love you

மிழ்ச்செல்வி இதுவரை தங்க செயின் போட்டுக் கொண்டதில்லை. இப்போது அவள் கழுத்தில் கனமான தங்கத்தாலி இருந்தது.

அதை பார்த்து அவளுக்கு சந்தோஷமாகவும் இல்லை வருத்தமாகவும் இல்லை!

அவளுடைய தற்போதைய பிரச்சனை தலைவலி! தலைவலி என்றால் சாதாரண வலி இல்லை, தலையைப் பிளப்பது போல வலித்தது!

இந்த தலைவலி போதாது என்று அங்கிருந்த அமைதியான சுழல் கூடுதலாக அவளுக்கு எரிச்சலைக் கொடுத்தது.

பொய்க் கல்யாணம்! சடங்கு சம்பிரதாயம் எல்லாம் முடிந்த உடன் நேராக வீட்டிற்கு போகலாம் என்று அவள் நினைத்தது நடக்கவில்லை.

புதுமண ஜோடிக்கு தனிமை வேண்டும் என்று சென்னையிலேயே இருந்த வெற்றிக்கு சொந்தமான இந்த வீட்டில் சொந்தங்கள் சேர்ந்து அவர்களை விட்டு விட்டு சென்று விட்டார்கள்.

“ஒரே ஒரு நாள் மட்டும் அட்ஜஸ்ட் செய்துக்கோ தமிழ். இந்த வீட்டுல உனக்கு எந்த ரூம் பிடிச்சிருக்கோ அதுல படுத்துக்கோ” – அவளின் காதில் ரகசியமாக சொல்லி விட்டு சென்றாள் யசோதா.

அவள் சொன்னது போலவே ஒரு சின்ன அறையை தேர்வு செய்துக் கொண்டாள்.

வந்தது முதலே அதே அறைக்குள்ளேயே இருந்தாள்.

இப்போது பசி வயிற்றை கிள்ளியது. காலைஉணவு சாப்பிடவே இல்லை. மதியம் திருமண மண்டபத்தில் வெற்றியின் பக்கத்தில் உட்கார்ந்துக் கொண்டு சாப்பிட பிடிக்கவில்லை.

அறையை விட்டு வெளியே வந்தாள். கிளம்பும் முன் யசோதா காட்டிய பிரிட்ஜில் இருந்து உணவை எடுத்து மைக்ரோவேவ் அவனில் வைத்து சூடாக்கினாள்.

மிழ்ச்செல்வி சாப்பிட தயாராகும் அதே நேரத்தில் வேறு ஒரு அறையில் இருந்த வெற்றி கையில் இருந்த கண்ணாடி கோப்பையை வெறித்து பார்த்துக் கொண்டு அமர்ந்திருந்தான்.

அவனின் எதிரே இருந்த மேஜையின் மீது காலியான மது பாட்டில் இருந்தது.

“அமுதினி” – மீண்டும் மீண்டும் அவனின் உதடுகள் அவள் பெயரையே முனுமுனுத்தது.

மேஜை மீதிருந்த மொபைலை பார்த்தான். எந்த மெசேஜும் வந்திருக்கவில்லை.

அவன் வாழ்க்கை அவனின் கட்டுப்பாட்டுக்குள் இல்லாமல் போய் கொண்டிருக்கிறது.

அவனுடைய காதல் அப்படி என்றால், இந்த கல்யாணம் வேறு!

“ஸ்டுபிட் பீப்பிள்”

கையிலிருந்த கண்ணாடி கோப்பையை சுவரில் தூக்கி எரிந்தான். அது சுக்கு நூறாக உடைந்து விழுந்தது அவனுக்கு பிடித்தது. ஆனால் மனம் நிறைவு தரவில்லை.

எரிச்சலுடன் எழுந்து நடந்தான்.

அங்கே தமிழ்ச்செல்வி சாப்பிட்டுக் கொண்டிருந்தாள்.

அவன் நடந்து வந்த சத்தம் கேட்டு அவளும் நிமிர்த்து அவனைப் பார்த்தாள்.

வெற்றி எந்த நிலைமையில் இருக்கிறான் என்பதை அவனை பார்த்தே தமிழ்செல்வியால் புரிந்துக் கொள்ள முடிந்தது. 

"ஹாய் த-மி-ழ்-செ-ல்-வி! நம்ம அருமை பெருமை வாய்ந்த கல்யாணத்தை செலிபரேட் செய்தேன்" - குழறலுடன் பேசியவனை பார்த்து முறைத்தாள்.

அவன் அதை புரிந்துக் கொள்ளும் நிலையில் இல்லை.

அடி மேல் அடி எடுத்து அவன் அவளின் பக்கத்தில் வரவும் தமிழ்ச்செல்விக்கு உதறல் எடுத்தது!

"ஐ மிஸ் அமுதினி" - குழறலாக அவன் சொன்னது தமிழ்ச்செல்வியின் பயத்தை கோபமாக மாற்றியது.

இவனும், இவனுடைய முட்டாள் காதலும்!

“நம்ம கல்யாணத்தை நான் மட்டும் செலிபரேட் செய்தா போதுமா? நாம இரண்டு பேருமா சேர்ந்து செலிபரேட் செய்யலாமா” – சொல்லிவிட்டு ஈயென இளித்தான் வெற்றி.

அவனிடம் இருந்த தவறான பார்வை அவளுடைய கருத்தை எட்டியது.

முதல் முறையாக தமிழ்ச்செல்விக்கு அவள் இருக்கும் அபாய சூழ்நிலை புரிந்தது. அவர்கள் இருவரை தவிர யாருமே இல்லாத வீடு. பக்கத்தில் வேறு வீடுகள் இருக்கிறதா என்று கூட அவள் கவனிக்கவில்லை.

வெற்றியை பற்றி அவள் தவறாக நினைக்கவில்லை என்பது தான் உண்மை.

மற்றபடி கல்யாணம் ஆகி விட்டது என்ற பாதுகாப்பு உணர்வு எல்லாம் ஏற்படவில்லை. இவன் இப்படி குடித்து தன்னிலை இழந்து இருப்பான் என்று அவள் யோசிக்கவே இல்லையே.

ஷ்யாம் சுந்தர் நடந்துக் கொண்ட விதத்திற்கு பின் எந்த ஒரு ஆண் மகனையும் நம்பவோ, இப்படி கவனமே இல்லாமல் இருப்பதோ எவ்வளவு பெரிய தவறு! எல்லா ஆண்களும் ஒரே இனம்! இவன் மட்டும் எப்படி வேறு மாதிரி இருப்பான்?

கோபத்தில் அவளின் மனம் கொதித்தது.

தமிழ்ச்செல்வி சிறுமியாக இருந்தது முதலே தன்னை தானே பராமரித்துக் கொண்டவள். அதனால் இந்த இக்கட்டான நிலைமையிலும் அவளின் அறிவு வேகமாக செயல்படவும் செய்தது.

இவனிடம் இருந்து தப்பிக்க, இந்த வீட்டில் இருந்து வெளியே தப்பி ஓட வேண்டும் என்றில்லை. அவள் இருந்த அறையில் தாழ்ப்பாள் உள்ளே இருந்தது. கதவும் வலுவாக இருந்தது. அந்த அறைக்குள்ளே சென்று கதவை மூடிக் கொண்டாலே போதும்!

அதற்குள்ளே அவளின் பக்கத்தில் வந்து விட்ட வெற்றி மதுவின் தாக்கத்தில் அதே கேவலமான இளிப்புடன் நின்றான்.

“செலிபரேட் செய்யலாமா த-மி-ழ்-செ-ல்-வி???”

என்ன செய்கிறோம் என்றே யோசிக்காமல் அவள் பக்கமாக கையை நீட்டினான். நீட்டிய கைகள் தமிழ்ச்செல்வியை தொடும் முன்பே இடி விழுந்தது போல தாக்கப்பட்டவனாக நின்றான்.

அவனின் காதோரம் னோய்ங், னோய்ங் என்ற சத்தம். கன்னத்தில் தீப்பட்டது போன்ற எரிச்சல்.

  •  Start 
  •  Prev 
  •  1  2 
  •  Next 
  •  End 

About the Author

Chillzee Story

On-going Stories

Like to read stories? Now you can read full novels at Chillzee KiMo. No wait time,  No ads, No restrictions!!!

Add comment

Comments  
# RE: தொடர்கதை - ஐ லவ் யூ - 27 - Chillzee Storyரவை.. 2019-07-01 08:57
50வது 'வாவ்' என்னுடையது!
சில்ஸீ எழுவரில் யார் இந்த எபிசோடை எழுதியிருந்தாலும், சிறப்பாக செய்துள்ளார். பாராடாடும் வாழ்த்தும்!
Reply | Reply with quote | Quote
# RE: தொடர்கதை - ஐ லவ் யூ - 27 - Chillzee Storymadhumathi9 2019-06-29 14:26
:clap: nice epi.waiting to read more. :thnkx: 44 this epi. :GL:
Reply | Reply with quote | Quote
# RE: தொடர்கதை - ஐ லவ் யூ - 27 - Chillzee StoryAdharv 2019-06-29 14:02
Nice update ma'am 👏 👏👍 but yen vettriku bottle ellam.vangi koduthinga steam parunga over ah kudichi image mothama damage agidichi facepalm :P Tamil Oda instant attack was :cool: at the same time vettri avorda mistake realize avadhum cool 👌 sikrama samadhanam Pura anupunga....thank you and keep rocking!!
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top