பிறந்தநாள் பரிசு - ஷக்தீ
என் குறும்புகளையும்
கொண்டாடும் ஒருவன்
என் ஆணவத்திமிரையும்
அங்கிகரிக்கும் ஒருவன்
என் கண்ஜாடைகளில்
காரியமாற்றும் ஒருவன்
என் ரசனைகள் பிடித்தால்
எனை ரசிக்கும் ஒருவன்
என் ரசனைகள் அவனெதிரானால்
எனை கலாய்க்கும் ஒருவன்
என் மேதாவித் தனங்களையும்
மெச்சும் புன்னகையுடன் ஒருவன்
என் கண்மை கசியும்போது
கண் அறியாமலே துடைக்கும் ஒருவன்
எல்லாம் சேர்ந்தவனாய் ஒருவனாய்
என்னவனாய் என்னில் நிஜத்தில்
என்னுடன் இருந்தால் வேறு
என்ன பிறந்தநாள் பரிசு வேண்டும்.
{kunena_discuss:779}