Chillzee சமையல் குறிப்புகள் - மிளகு ரசம் - நந்தினி
தேவையான பொருட்கள்
தக்காளி - 1 பெரியது
புளி – சின்ன நெல்லிக்காய் அளவு
மிளகு - 1 ஸ்பூன்
சீரகம் - 1 ஸ்பூன்
பூண்டு – 2 பல்
மஞ்சள் தூள் – ¼ ஸ்பூன்
சாம்பார் தூள் - 1/2 ஸ்பூன்
உப்பு ,கறுவேப்பிலை-தேவையான அளவு
நெய் / எண்ணெய் - 1 ஸ்பூன்
கடுகு - 1 ஸ்பூன்
மிளகாய் - 1
கொத்தமல்லி - சிறிது
செய்முறை
- புளியை தண்ணீரில் ஊற வைத்து ஒரு கப் புளி கரைசல் தயார் செய்துக் கொள்ளவும்.
- ஜீரகம், மிளகு, பூண்டு மூன்றையும் சிறிது நசுக்கி வைக்கவும்.
- ஒரு பாத்திரத்தில் புளி கரைசல், சிறிதாக வெட்டப் பட்ட தக்காளி, சாம்பார் தூள், மஞ்சள் தூள். கறுவேப்பிலை, நசுக்கிய ஜீரகம், பூண்டு, மிளகு மற்றும் உப்பு சேர்த்து கொதிக்க விடவும்.
- கொதிக்க தொடங்கியதும் ஸ்டவ்வை குறைத்து வைத்து புளியின் பச்சை வாசனை போகும் வரை வைக்கவும்.
- பின் ஒன்றரை கப் தண்ணீர் சேர்க்கவும்.
- கொதிக்க விடாமல், நுரை போல வரும் பொழுது, சிறிதாக வெட்டி வைத்த கொத்தமல்லி சேர்த்து ஸ்டவ்வை அணைத்து விடவும்.
- ஒரு கடாயில் எண்ணெய்யை சூடாக்கி, கடுகு சேர்க்கவும்.
- கடுகு வெடித்த உடன், மிளகாய், கறுவேப்பிலை சேர்த்து சில வினாடிகள் தாளித்து, அதை ரசத்தில் ஊற்றவும்.
- சூடான மிளகு ரசம் தயார். இதை சாதத்துடனும் பரிமாறலாம், இல்லை என்றால் அப்படியே குடிக்கவும் செய்யலாம்.