உயிர்த்தெழு!!! - மது

சூரியனும் தான் மறைகிறான்

நிலவும்  கூட தேய்கிறாள்

முகிலும் வறண்டு வாடுகிறான்

நிலமும் நலிந்து போகிறாள்

மறைவதும் தேய்வதும்

வறட்சியும் நலிவும் இயற்கை சுழற்சி

மறையும் சூரியன் மீண்டும் உதிப்பதில்லையா

தேய்ந்த நிலவு மீண்டும் வளர்வதில்லையா

வறண்ட முகில் மழை மேகமாய் பொழிவதில்லையா

நலிந்த நிலம் பூஞ்சோலையாய் மிளிர்வதில்லையா

மனிதா!!!

துன்பம் தோல்வி சோதனை வேதனை

ரணகளமாய் காயப்பட்டு உள்ளம் மரித்த போதும் 

நம்பிக்கை துடிப்பு வைராக்கியம் தைரியம்

பீனிக்ஸ் பறவையென புதிதாய் உயிர்த்தெழுவாய் நீயும்!!!