கவிதை - விரும்பாமையும் அழகுதான் - தீபாஸ்

அழகாய் இருந்தாலும்  - மனம்

அழகில்லாவிடில், அவ்வுயிர்

அழகென்று சொல்லமாட்டேன்.

கலராய் இருந்தாலும் -உடல்

கழுவாமல் அரிதாரம் பூசுபவனை,

கண்கொண்டு பார்க்கமாட்டேன்.

உண்மையாக இருந்தாலும் - பேசும்

உக்கிரத்தால், விளைவது தீதெனில்

உண்மையை உரைக்கமாட்டேன்.

பணமாக இருந்தாலும் - கிடைப்பது

பாவத்தின் சம்பளம் என்றால்,

பக்கத்தில் செல்லமாட்டேன்.

தலைவனாக் இருந்தாலும் அவன்,

தவறானவன் என்றாள் நான்

தடிகொண்டு விரட்டியடிப்பேன்.

செல்வந்தனாக இருந்தாலும் அவன்,

சேர்த்தவிதம் கெட்டவழி எனில்,

செலவுக்கு வாங்கமாட்டேன்.

{kunena_discuss:779}