Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu

Chillzee KiMo - கதை பிரியர்களுக்கான Chillzeeயின் புதிய சேவை!

1 1 1 1 1 Rating 5.00 (2 Votes)
சிறுகதை - பிள்ளையை பெற்றா கண்ணீரு! - ரவை - 5.0 out of 5 based on 2 votes

வேளாவேளைக்கு, சாப்பாடு கிடைத்ததே தவிர, அன்போ, மரியாதையோ பெயருக்குக்கூட எவரும் தரவில்லை.

ஒரு வருடமா, இரண்டா? பல வருடங்கள்! ஏன், ஒரு தலைமுறையே கழிந்துவிட்டது.

வெம்பி, வெதும்பி, காய்ந்த சருகாக, உயிரைக் கையில் பிடித்துக்கொண்டு வாழ்ந்தவருக்கு, பேரக் குழந்தை பிறந்ததும் வாழ்வில் ஒரு பிடிப்பு அதிசயமாக ஏற்பட்டது.

அதற்கு ஒரு காரணமும் இருந்தது. அந்தக் குழந்தை அவரைப் போலவே இருந்தது, அவரைப் பார்த்து கைகால்களை ஆட்டி மலர்ந்த சிரிப்பை உதிர்த்தது. அந்தப் பிஞ்சுக் கரத்தின் மென்மை, தாத்தாவின் இதயத்தையும் கரைத்தது.

தினமும் காலையில் எழுந்ததும் தாத்தா பேரன் இருக்கும் அறைக்குப் போய், அவனுக்கு முத்தம் தந்து மடியில் வைத்து கொஞ்சி மகிழ்வார்.

அப்படி ஒருநாள் பேரனுடன் கொஞ்சி விளையாடும்போது, மருமகள் அங்கு வந்து, வெடுக்கென தன் குழந்தையை அதன் தாத்தாவிடமிருந்து பலவந்தமாக பிடுங்கி எடுத்துக்கொண்டு வெளியேறினாள்!

தாத்தா அதிர்ச்சியில் உறைந்தே போனார். வாழ்க்கையில் முதன் முறையாக, நேரடியாக அவரை அவமானப்படுத்திய மருமகள்மீது, கடுமையான கோபம் மூண்டது.

எழுந்து மருமகளை தேடிச் சென்றார். அவள், கணவனுடன் ஏதோ காரசாரமாக பேசிக்கொண்டிருந்தாள். மகனும் தலை குனிந்து கேட்டுக்கொண்டிருந்தான்.

" இத பாருங்க! இந்த வீட்டிலே நானும் என் குழந்தையும் தொடர்ந்து இருக்கணும்னா, உங்கப்பா இந்த வீட்டிலே இருக்கக்கூடாது, அவர் இருப்பார்னா, நாங்க வெளியிலே போறோம்......."

" போ! தாராளமா போ! திரும்பியே வராதே, ஒரேயடியா போயிடு! இந்த வீட்டுக்கு நான்தான் தலைவன்! என் பேரனை இங்கேயே விட்டுட்டு, நீ உங்கப்பன் வீட்டுக்குப் போ!" என்று தாத்தா கத்தினார்.

" இதென்ன புதுசாயிருக்கு, தலைவன் அது, இதுன்னு! ஒரு பைசா சம்பாதிக்க துப்பில்லே, தலைவனாம் தலைவன், இத பாருங்கப்பா! அவ என் மனைவி! அவளுக்கு இந்த வீட்டிலேயிருக்க எல்லா உரிமையும் அம்மா கொடுத்திருக்கா! அம்மாதான் இந்த வீட்டுத் தலைவின்னு உங்கப்பாவே சொல்லிட்டாராமே! உனக்கு தங்கறதுக்கும், சாப்பிடறதுக்கும் தான் உரிமை உண்டுன்னு அம்மா நூறுமுறை சொல்லியிருக்கா, மறந்துபோச்சா?"

என்று மகன் பதிலுக்கு சத்தம்போட்டதும், ஆத்திரத்தில் மகனை பளார்னு கன்னத்தில் அறைந்து கீழே தள்ளி அவன் மார்பில் எட்டி உதைத்தார். பின்னாலிருந்து யாரோ அவர் மண்டையில் கனமான தடியால் அடித்தவுடன், மயங்கி விழுந்தார்.

கண் விழித்துப் பார்த்தபோது, எதிரே நர்ஸ்! "ஓகோ! ஆஸ்பத்திரியில் இருக்கிறேனா? மயங்கி விழுந்தபிறகு இப்போதுதான் பிரக்ஞை திரும்பியுள்ளதா! எத்தனை நேரமாயிற்றோ!" என்று சிந்தித்தவாறே 

சுற்றுமுற்றும் பார்த்தார். மனைவியோ, மகனோ யாராவது கண்ணில் படுகின்றனரா என கண்களை துடைத்துக்கொண்டு பார்த்தார். அன்னியர்கள் நடமாட்டம்தான் இருந்தது, ஜெனரல் வார்டு போலிருக்கு! 

அருகிலிருந்த நர்ஸிடம் " என்னை யார் இங்கே கொண்டுவந்து போட்டாங்க? எப்போ வந்தேன் இங்கே? என் சொந்தக்காரங்க யாராவது வந்தாங்களா?........"

நர்ஸ் பரிதாபமாக சிரித்தாள். பிறகு அருகில் வந்து, குனிந்து, அவர் காதில் மட்டும் விழும்படியாக, கிசுகிசுத்தாள்.

" உங்க மகனும் மனைவியும்தான் உங்களை இங்கே தூக்கிண்டு வந்தாங்க! டாக்டர் உங்க மண்டை காயத்துக்கு மருந்து போட்டுட்டு, உங்க உயிருக்கு ஒண்ணும் ஆபத்தில்லேன்னு சொன்னதைக் கேட்டபிறகு, அவங்க டாக்டரை தனியா அழைச்சிகிட்டுப்போய் ஏதோ பேசிட்டு பணமும் தந்துட்டு சிரிச்சிகிட்டே போயிட்டாங்க, நேற்று! இன்னிக்கி காலையிலே, உங்க மனைவி வந்து, உங்களை பார்த்துட்டு, எங்கிட்ட சொல்லிட்டு போய்ட்டாங்க! ......."

"என்ன சொல்லிட்டுப் போனாங்க?"

" உங்களுக்கு நினைவு வந்ததும், டிஸ்சார்ஜ் ஆனதும், 'வீட்டுக்கு வரக்கூடாது, வேற எங்க வேணுன்னாலும் போகச்சொல்லுன்னு' என்னை உங்ககிட்ட சொல்லச் சொல்லிட்டு எனக்கும் பணம் தந்துட்டு போயிட்டாங்க!"

"எனக்கு தரச்சொல்லி ஏதாவது பணம் தந்தாங்களா?"

" பணமா! இனிமேல், உங்களுக்கும் அந்தக் குடும்பத்துக்கும் எந்த உறவும் ஒட்டும் கிடையாதாம். டாக்டர்கிட்ட உங்க மனைவி பேசினதிலிருந்து எனக்கு புரிஞ்சது, உங்க பின்மண்டையிலே தடியாலே அடிச்சது, உங்க மனைவிதான்னு! நீங்க குடிச்சிட்டு அவங்களை கொல்ல முயற்சி பண்ணினீங்களாமே! பயந்துபோயிருக்காங்களாம், உங்க குடும்பத்திலே எல்லாரும்! அதனாலேதான் உங்களை இனிமேல் வீட்டுக்கு வரக்கூடாது, அப்படி வந்தால், போலீஸிலே சொல்லி உங்களை கைது பண்ணச் சொல்லிடுவாங்களாம்......."

அந்த நிமிடந்தான், கிழவருக்கு தான் எல்லாவற்றையும் இழந்துவிட்டோம், எனப் புரிந்தது.

மண்டையில் காயம் 'விண்' ணென தெறித்தது, கூடவே பசியும் வயிற்றைக் கிள்ளியது. 

" பசிக்கிறதா? இப்ப டாக்டர் வருவாரு, அவர் உங்களை 'செக்' பண்ணிட்டு பிரெட், பன், டீ கொடுக்கச் சொல்வாரு, நீங்க போகலாம்னும் சொல்லுவாரு........"

About the Author

---

Like to read stories? Now you can read full novels at Chillzee KiMo. No wait time,  No ads, No restrictions!!!

Add comment

Comments  
# RE: சிறுகதை - பிள்ளையை பெற்றா கண்ணீரு! - ரவைAbiMahesh 2019-02-12 21:17
Nice story Sir.. Hope the old name would give & get all the affections from him :-)
:thnkx:
Reply | Reply with quote | Quote
# RE: சிறுகதை - பிள்ளையை பெற்றா கண்ணீரு! - ரவைRaVai 2019-02-14 16:44
Thanks Abimahesh! Pray your hopes are answered!
Reply | Reply with quote | Quote
# RE: சிறுகதை - பிள்ளையை பெற்றா கண்ணீரு! - ரவைmadhumathi9 2019-02-12 05:47
:clap: arumaiyaana kathai :hatsoff: sir. (y) :thnkx: 4 this story.vaaltugal. :GL:
Reply | Reply with quote | Quote
# RE: சிறுகதை - பிள்ளையை பெற்றா கண்ணீரு! - ரவைRaVai 2019-02-12 09:39
ரொம்ப ரொம்ப தேங்க்ஸ், மதுமதிம்மா!
உங்களிருவரின் ஆதரவு எனக்கு பெரிய பலம்!
Reply | Reply with quote | Quote
# RE: சிறுகதை - பிள்ளையை பெற்றா கண்ணீரு! - ரவைAdharvJo 2019-02-11 16:55
:eek: sema violent family ya irukanga, uncle facepalm Like father Like son-n thaan solanum...he didn't respect his parents and his son didn't care for him :sad: I really feel bad for the old man. Finally he realized what love and family mean in one's life. Wish he had realized this way back and lived a happy life with his grandson :yes: Glad ippovadhu purinjikitar and oru orphan-k family ya thunai nikuradhu is great deal (y) on first place our family members should respect us(we need to own it) :yes:
thank you for this valuable story uncle :clap: :clap: keep rocking.
Reply | Reply with quote | Quote
# RE: சிறுகதை - பிள்ளையை பெற்றா கண்ணீரு! - ரவைRaVai 2019-02-11 17:08
Dear Jo!
As usual you have applauded my story in a big way.
You have a broad mind and a genuine wish that all should be encouraged to reach a higher level all the time.
Thanks. Wish more and more people are like you!
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top