Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu

Chillzee KiMo - கதை பிரியர்களுக்கான Chillzeeயின் புதிய சேவை!

1 1 1 1 1 Rating 5.00 (1 Vote)
சிறுகதை - சொர்க்கமே என்றாலும்... - ரவை - 5.0 out of 5 based on 1 vote

" நிறுத்து, நிறுத்து! அதிலே ரொம்ப பேர் போலி! மீதிபேர் வாழ்க்கையை இழந்துட்டோமேன்னு நொந்துபோய் சாகிறாங்க! நேரமாவுது, வா! போகலாம்!"

சிரித்துக்கொண்டே, கடவுள் காமேஸ்வரன் விருப்பப்படி, பூலோகம் வர சம்மதித்தார்.

வருகிற வழியில், காமேஸ்வரனுடன் பேச்சுக் கொடுத்தார்.

" ஆமாம், உன்னை ஏன் ஜெயில்லே வைச்சிருந்தாங்க?"

" அதுவா? அது ஒரு கதை!......"

" எனக்கு கதை கேட்க பிடிக்கும், சொல்லு, சொல்லு!"

" கட்டாயம் சொல்றேன், அதற்கு முன்பு, நீ சொல்லு! எங்க ஊரு மரம், செடி, கொடி, இல்லை, இல்லை, மலை, சிலை, மாதிரி ஒண்ணுமே செய்யாம சும்மா இருக்கிறியே, இதிலே என்ன சுகம் இருக்கு? போரடிக்கலே?"

கடவுள் சிரித்தார்.

" பதில் சொல்லமுடியலேன்னா, சிரித்து மழுப்பாதே!"

"சொல்றேன், நீ சிறையில் இருந்தபோது, எப்போ ரொம்ப சந்தோஷமாயிருந்தே?"

" அதுவா? சொல்றேன், கேட்டுக்க! பகல் முழுவதும் வேலை வாங்கிடுவாங்க, ஏதோ சோறுங்கிற பெயரிலே போடுவாங்க, சிறையிலே கொசுக்கடி தாங்காது, நிம்மதியா தூங்கமுடியாது, என்ன செய்வேன்? கூட்டாளிங்க திருட்டுத்தனமா சாராயம் காய்ச்சி கொடுப்பாங்க, அதை குடிச்சிட்டு, போதையிலே என்னை மறந்து தூங்குவேன் பாரு, அப்படி ஒரு தூக்கம்! ஒண்ணுமே தெரியாது, கனவே வராது, பாம்பு கடிச்சாக்கூட வலிக்காது, அந்தமாதிரி நான் இருந்தபோதுதான் நீ என்னை தூக்கிட்டு வந்துட்டே, சத்தியமா சொல்றேன், என்னை மறந்த அந்த ஆழ்ந்த தூக்கத்திலே கிடைக்கிற நிம்மதி, சந்தோஷம், அமைதி, ஒப்புராணை, வேற எதிலும்கிடைக்காது,........"

" அதாவது நீ மலை, சிலை மாதிரி, ஒண்ணுமே செய்யாம சும்மா இருக்கிறபோதுதானே சந்தோஷமா, நிம்மதியா, அமைதியா இருந்தே, நீ சாராயம் குடிச்சிட்டு, அந்த நிலைக்கு போறே! நாங்க எதையும் குடிக்காம எப்பவுமே அந்த நிலையிலே இருக்கோம்..........."

" யோவ்! நீ சரியான ஆள்யா! என் பேச்சை வைச்சே என்னை மடக்கிட்டே!"

சிரிப்பொலி பலமாயிருந்தது, ஏனெனில் இருவரும் மனம் விட்டு வாய்விட்டு சிரித்தனர்!

" சரி, முதல்லே எங்கே போகணும்?"

" இதென்ன கேள்வி? எங்க வீட்டுக்குத்தான்!"

" பார்த்தால், குடிசைமாதிரி இருக்கு, வீடுங்கிறயே?"

" இதுதானே வேண்டாங்கறேன், உனக்கு எப்படி உன் வீடு சொர்க்கமோ, அப்படித்தான் எனக்கு என் குடிசைதான், வீடு!"

" சரி, கோவிச்சுக்காதே! அதெப்படி பத்துக்குப் பத்தடி குடிசையிலே, பத்துபேர் வசிக்கிறீங்க?"

" பத்துபேர் மனசு ரொம்ப விசாலம்! பாதிநாள் நான் ஜெயில்லே இருப்பேன், என் பெண்சாதி காலையிலே வெளியிலே வீட்டுவேலை செய்யப் போனா, இருட்டறபோதுதான் வருவா! பிள்ளைங்க, அக்கம்பக்கத்திலே விளையாடும், மதிய உணவு நேரத்திலே பள்ளிக்கூடம் போவும், பொழுது சாய்ந்தா பிக்பாக்கெட், பிச்சையெடுக்கிறது எல்லாம். என்னைப் பெத்த ஆத்தா வீட்டிலே படுத்திருப்பா! எங்கப்பன் பஸ் ஸ்டாண்டிலே பீடி பிடிச்சுக்கிட்டிருப்பாரு.........."

" ஐயோ பாவம்!"

" உன்னை ஏமாத்த, கோவில் கட்டி கும்பாபிஷேகம் பண்ணுவாங்க, கும்பமேளா கொண்டாடுவாங்க, கஞ்சித் தொட்டி வைப்பாங்க, ஆனா, அடிக்கிறது பகல் கொள்ளை! மந்திரிங்க, வியாபாரிங்க, சினிமாக்காரங்க, கள்ளநோட்டு அடிக்கிறவங்க, இவங்கள்ளாம்தான் வசதியா வாழறவங்க! எங்களைப்போல, ஏழைங்கதான் ஏராளம்!"

இவர்கள் பேசிக்கொண்டிருக்கும்போதே, காமேஸ்வரனின் ஏழுவயது மகன் நொண்டிக்கொண்டே வந்தான். " என்னடா ஆச்சு?" என்று காமேஸ்வரன் கத்தினான்.

கடவுள் சிரித்தார்.

" என்புள்ளை கால்லே ரத்தம் சொட்டுது, நீ சிரிக்கிறியா? உனக்கு 

புள்ளைகுட்டி கிடையாது, அதனாலேதான்........"

" ச்சேச்சே! அதுக்கில்லே, நீ கத்தினா அவங்களுக்கு கேட்காது........"

" ஓ! அப்படியா!"

" இந்த கொடுமையான வாழ்க்கைக்காகவா, சொர்க்கத்தை வேண்டாம்னு சொல்லிட்டே?....."

அந்த நேரத்தில், குடிசைக்குள்ளிருந்து, ஆத்தா வெளியே வந்து, பேரனின் காலில் வழிகிற ரத்தத்தை தன் கிழிந்த சேலைத்தலைப்பால் துடைத்துக்கொண்டே, பேரனை முத்தமிட்டாள். பேரனும் வலியை மறந்து அவளுக்கு பதில் முத்தம் ஒன்றுக்குப் பத்தாக தந்தான்.

" பார்த்தியா? இந்த பாசம்தான்யா சுகம்! இந்த சுகம் உன் சொர்க்கத்திலே கிடைக்குமா?"

கடவுள் நெகிழ்ந்தார்!

" வா! என் பொஞ்சாதி வேலை செய்கிற இடத்துக்குப் போய் பார்க்கலாம்......."

 அது ஒரு அடுக்குமாடி கட்டிடம்!

ஐந்தாவது மாடியில், ஒரு குடியிருப்பில், அவள் பாத்திரம் துலக்கிக்கொண்டிருந்தாள். வீட்டுச் சொந்தக்காரி, அங்கு வந்து, ஒரு குவளையில் சூடான காபியை நீட்டினாள்.

About the Author

---

Like to read stories? Now you can read full novels at Chillzee KiMo. No wait time,  No ads, No restrictions!!!

Add comment

Comments  
# RE: சிறுகதை - சொர்க்கமே என்றாலும்... - ரவைkarna 2019-03-26 17:23
அருமையான் கதை அய்யா...சிலிர்க்க வைத்தது.உலகததில் நிறைந்திருக்கும் அன்பு காண முடிந்தாலே சொர்க்கம் எது என புரியும்.நாம் வாழுமிடமும் சொர்க்கமாக்க முடியும்.மிக்க நன்றி அய்யா.
Reply | Reply with quote | Quote
# RE: சிறுகதை - சொர்க்கமே என்றாலும்... - ரவைரவை 2019-03-27 06:03
அன்புள்ள கர்ணா! உங்களைப் போன்ற ஒரு பெரிய எழுத்தாளர் பாராட்டும்போது, கதை எழுதுகிறபோது ஏற்பட்ட மகிழ்வைவிட அதிக சந்தோஷமாயிருக்கிறது. மிக்க நன்றி!
Reply | Reply with quote | Quote
# RE: சிறுகதை - சொர்க்கமே என்றாலும்... - ரவைmadhumathi9 2019-03-26 13:15
:clap: arumaiyaana kathai :clap: ippo ulla kaalathil padithavan suyanalamaagathaan irukkiraan.adhuvum romba padithuvittaal ego irukkum paarunga! Manathai thotta kathai. (y) :GL:
Reply | Reply with quote | Quote
# RE: சிறுகதை - சொர்க்கமே என்றாலும்... - ரவைரவை 2019-03-27 06:01
மதுமதிம்மா! ரொம்ப மகிழ்ச்சி! நன்றி!
Reply | Reply with quote | Quote
# RE: சிறுகதை - சொர்க்கமே என்றாலும்... - ரவைJebamalar 2019-03-25 22:56
அருமை... வேறுபட்ட கதை களம்.. வித்தியாசமான கதை கரு... கூறிய விதம் மிக அருமை.. மெய்சிலிர்க்க வைக்கிறது :clap:
Reply | Reply with quote | Quote
# RE: சிறுகதை - சொர்க்கமே என்றாலும்... - ரவைரவை 2019-03-26 05:54
வெற்றி! வெற்றி! ஒருவருக்கு மகிழ்ச்சி தருவது என்பது ஒரு சாதனை! நீங்கள் என் கதையை படித்துவிட்டு மகிழ்ச்சியுற்றது எனக்கு பெருமையாயுள்ளது! நன்றி! நன்றி!
Reply | Reply with quote | Quote
# RE: சிறுகதை - சொர்க்கமே என்றாலும்... - ரவைAbiMahesh 2019-03-25 21:38
Wow.. Nice Story Sir!! You mentioned all the beautiful things happening in our society & life.. :hatsoff: :thnkx: for tge story Sir!
Reply | Reply with quote | Quote
# RE: சிறுகதை - சொர்க்கமே என்றாலும்... - ரவைரவை 2019-03-26 05:56
அன்புள்ள அபிமகேஷ்!
என்மீது உங்களுக்குள்ள அன்பும் நட்பும் என்னை மகிழ்விக்கிறது! வழக்கம்போல, என்னை உற்சாகப் படுத்தியுள்ளீர்கள். நன்றி!
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top