Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu

Chillzee KiMo - கதை பிரியர்களுக்கான Chillzeeயின் புதிய சேவை!

1 1 1 1 1 Rating 5.00 (2 Votes)
சிறுகதை - அன்பு வேறு, காதல் வேறு! - ரவை - 5.0 out of 5 based on 2 votes

அவன் நண்பனுடன் பேசிக்கொண்டே, அந்த ஒரு வயதுக் குழந்தையை மடியில் வைத்துக்கொண்டு, முத்தமிட்டு, கொஞ்சி, குலவி, உடம்பைத் தடவி தன்னை மறந்து மகிழ்ச்சியின் உச்சத்தில் இருந்தான்.

நண்பனின் மனைவி, சுந்தரியிடம் கேட்டாள், " உங்க ஹஸ்பெண்டுக்கு குழந்தைன்னா ரொம்ப பிடிக்கும்போலிருக்கே, உங்களுக்கும் கல்யாணமாகி ஐந்து வருடத்துக்குமேலே ஆயிடுத்து போலிருக்கே, குழந்தை பெற்றுக்கொள்வதை ஏன் தள்ளிப்போடறீங்க?"

" நமக்கு பிடிக்கிறதையெல்லாம், அனுபவிக்க நாமென்ன டாடா, பிர்லாவா? மிடில் கிளாஸ் குடும்பம்! அதனாலே யோசித்துத்தான் எதையும் செய்யணும்......" என்று சமாளித்தாள், சுந்தரி!

திடீரென, நிரஞ்சனுக்கு ஒரு சந்தேகம்! ஒருவேளை, கல்யாணமாவதற்கு முன்பு, சுந்தரி, யாரையாவது காதலித்து, அவனை மறக்கமுடியாமல், தன் இதயவலியை வெளியிலும் சொல்லமுடியாமல், கஷ்டப்படுகிறாளோ?

இதை எப்படி தெரிந்துகொள்வது? யோசித்துப் பார்த்தான்.

கல்யாணத்தின்போது, சுந்தரிக்கு மணமகள்தோழியாக கூடவே இருந்தாளே பார்வதி, அவளை கேட்டால் தெரியுமோ!

பார்வதியும் சுந்தரியும் ஒரே ஆபீஸில்தான் வேலை செய்கிறார்கள். அவளை எப்படி சுந்தரிக்குத் தெரியாமல் தனியே சந்திப்பது? அது, சுந்தரிக்கு தெரியவந்து, அவள் தன்னை தப்பாக நினைத்துவிட்டால் விபரீதமாகிவிடுமே என அந்த யோசனையை கைவிட்டான்.

கடவுள் அவனை கைவிடவில்லை. ஒரு சந்தர்ப்பத்தை ஏற்படுத்திக் கொடுத்தார். சுந்தரியின் பிறந்தநாளை வருடாவருடம் வீட்டிலேயே எளிமையாக கொண்டாடுவார்கள். அதற்கு நிரஞ்சன் தனது ஆப்த நண்பன் சுகுமாரனையும், சுந்தரி தனது தோழி பார்வதியையும் விருந்தினராக அழைப்பது வழக்கம்.

இந்த முறையும் இருவரும் குடும்பத்துடன் வந்திருந்தனர்.

வீட்டில் பத்துபேர் நிரம்பி வழிந்தது! ஒரே கலகலப்பு! குழந்தைகளின் விளையாட்டு வேறு!

சமயம் பார்த்து, பார்வதியிடம் பேசினான், நிரஞ்சன் சுருக்கமாக!

" சேச்சே! சுந்தரி ஒரு ரிசர்வ்ட் டைப்! காதல், கீதல் இருக்க சான்ஸே இல்லை, எனக்கு தெரிந்த வரையில் அவள் நார்மலாக சந்தோஷமாகத்தான் இருக்கிறாள். நிரஞ்சன்! நீ மனதை வீணாக அலட்டிக்கொள்ளாதே! எனக்குத் தெரிந்து, அவள் குறைக்கு ஒரே ஒரு காரணம்தான் இருக்கமுடியும்,......."

" சொல்லு, சொல்லு! எதுவாயிருந்தாலும், தீர்த்து வைக்கிறேன்......."

" சுந்தரியை ஒரு வெறி இப்போது ஆட்டிவைக்கிறது, அதுதான் தானும் மற்றவர்களைப்போல, வீடு, கார், வாங்கணுங்கிற வெறி, அதுக்காக, குழந்தை பெற்றுக்கிறதை தள்ளிப் போடறா, ஆனா, அவளும் ஒரு பெண்தானே! மற்றவங்க, தங்கள் குழந்தையை கொஞ்சுவதைப் பார்க்கிறபோது, அந்த பாக்கியம் தனக்கு இல்லையே என்பது இயற்கையாக உண்டாகும். அது ஒன்றுதான் இருக்கமுடியும். நிரஞ்சன்! கவலைப்படாதே! சீக்கிரத்தில் அவள் சரியாகிவிடுவாள்"

நிரஞ்சன் ஓரளவு மனம் சமாதானம் அடைந்தாலும், முழு திருப்தி ஏற்படவில்லை!

அடுத்த முயற்சியாக தன் பெற்றோரை ஊரிலிருந்து வரவழைத்தான். ஒரு வாரம் தங்கவைத்தான். அம்மாவிடம், தன் தவிப்பைக் கூறி, உதவி கேட்டான்.

" அப்படியா! கவலைப்படாதே! அவளுக்கு என்னிடம் மிகுந்த ஒட்டுதலும் பாசமும் அதிகம். சமவயது சிநேகிதிகளைப் போல, பேசிக்கொள்வோம், கண்டுபிடித்துச் சொல்கிறேன்........"

நிரஞ்சன் இருவரும் தனியாக இருக்கிற சந்தர்ப்பங்களை நிறைய ஏற்படுத்திக் கொடுத்தான். அவர்களும் அவைகளை பயன்படுத்திக்கொண்டு சிரித்துப் பேசி மகிழ்வுடன் இருந்தனர்.

பெற்றோர், ஊர் திரும்புகிற நாளும் வந்தது!

" என்னம்மா! ஏதாவது தெரிந்ததா?"

" நிரஞ்சன்! எனக்கென்ன தோணுதுன்னா, சுந்தரிக்கு ஒரு குறையுமில்லே, அவ சந்தோஷமாகத்தான் இருக்கா, நீதான் இல்லாத ஒரு சமாசாரத்தை கற்பனை பண்ணிக்கிட்டு, நிம்மதி இல்லாம தவிக்கிறே, அம்மா சொல்றேன், உன் கவலையை இத்துடன் விட்டுவிடு!"

நிரஞ்சனுக்கு திருப்தி ஏற்படவில்லை. சென்ற பாதையிலேயே, மேலே சென்று பார்க்கலாம் என தீர்மானித்தான். 

" சுந்தரி! எங்க அப்பா, அம்மா வந்துபோனது, நமக்கு சந்தோஷமாகவும் இருந்தது, உதவியாகவும் இருந்தது. அதேபோல, உங்கப்பா, அம்மாவையும் ஒரு வாரம் நம்மோடு தங்கிவிட்டுப் போக, நான் இப்பவே அழைப்பு விடுகிறேன், சரியா?"

சுந்தரிக்கு மகிழ்ச்சியாயிருந்தது.

இருவரும் வந்துசேர்ந்தனர். 

வீட்டுக்குள் நுழைந்துகொண்டே, சுந்தரியைப் பார்த்ததும், அவள் தாய் ஓடிவந்து, அவளை அணைத்து, முத்தமிட்டு, "என்னோட பொண்ணு, எனக்குமட்டும் பொண்ணு, யாருக்கும் தரமாட்டேன்" னு பாடிக் கொஞ்சியதும், சுந்தரியின் கண்கள் குளமாகின! 

About the Author

---

Like to read stories? Now you can read full novels at Chillzee KiMo. No wait time,  No ads, No restrictions!!!

Add comment

Comments  
# RE: சிறுகதை - அன்பு வேறு, காதல் வேறு! - ரவைmadhumathi9 2019-03-27 21:13
:clap: wow arumai.nice story. (y) :GL: :thnkx:
Reply | Reply with quote | Quote
# RE: சிறுகதை - அன்பு வேறு, காதல் வேறு! - ரவைரவை 2019-03-28 06:40
மிக்க நன்றி, மதுமதிம்மா!
Reply | Reply with quote | Quote
# RE: சிறுகதை - அன்பு வேறு, காதல் வேறு! - ரவைhari k 2019-03-27 15:53
Very nice sir...good concept also :clap: :clap: :clap:
Reply | Reply with quote | Quote
# RE: சிறுகதை - அன்பு வேறு, காதல் வேறு! - ரவைரவை 2019-03-27 18:46
Thanks a lot, Hari!
Reply | Reply with quote | Quote
# RE: சிறுகதை - அன்பு வேறு, காதல் வேறு! - ரவைரவை 2019-03-27 05:14
Thank you, Abhimahesh!
Reply | Reply with quote | Quote
# RE: சிறுகதை - அன்பு வேறு, காதல் வேறு! - ரவைAbiMahesh 2019-03-26 22:33
Nice Story Sir!! And Good Family :thnkx:
Reply | Reply with quote | Quote
# RE: சிறுகதை - அன்பு வேறு, காதல் வேறு! - ரவைAdharvJo 2019-03-26 20:37
facepalm Niranja indha chinna matter theriyamal 5 varusham waste panitingale boss ;-) but sundari eppadi miss pananga :Q: Ippadi yum irupangala :sad: but thank god he put some efforts to understand what is in her mind.
nice story uncle :clap: :clap:
Thank you and keep rocking.
Trust you're doing good :)
Reply | Reply with quote | Quote
# RE: சிறுகதை - அன்பு வேறு, காதல் வேறு! - ரவைரவை 2019-03-26 21:47
Dear Adharva Jo! I am fine. Thanks.
A few small things, sometimes, miss our attention and it takes a few years to find out! Thanks for your comments.
Reply | Reply with quote | Quote
# RE: சிறுகதை - அன்பு வேறு, காதல் வேறு! - ரவைJebamalar 2019-03-26 17:37
சபாஷ்... அன்பு காதல் இரண்டுக்கும் உள்ள வேறுபாட்டை அழகாக கூறியுள்ளீர்கள்... ஒவ்வொரு கதையும் ஒவ்வொரு விதமாக அழகாக உள்ளது... வாழ்த்துக்கள் :clap: (y)
Reply | Reply with quote | Quote
# RE: சிறுகதை - அன்பு வேறு, காதல் வேறு! - ரவைரவை 2019-03-26 18:16
மிக்க நன்றி, ஜெபமலர்! மகிழ்ச்சி நிறைவாயிருக்கிறது, தங்கள் பாராட்டைப் பெற! தொடர்ந்து வாழ்த்துங்கள்!எழுத்தாளனுக்கு வாசகரின் பாராட்டு, நோபல் பரிசு பெறுவதுபோல!
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top