Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Login

Menu
 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
1 1 1 1 1 Rating 5.00 (2 Votes)
சிறுகதை - அதற்குப் பெயர் தியாகமல்ல! - ரவை - 5.0 out of 5 based on 2 votes
Pin It

சிறுகதை - அதற்குப் பெயர் தியாகமல்ல! - ரவை

martyr

ந்தச் செய்தி வெளிவந்ததிலிருந்து, நாடு முழுவதும் அதைப் பற்றியே பேச்சு!

 " இப்படி ஒரு தியாகமா! இருபத்தோரு வயது இளைஞன் தன்னந் தனியனாக தன் உயிரை பலி கொடுத்து, இந்த நாட்டுக்கு வரவிருந்த பேராபத்தை தடுத்து நிறுத்தி, பாதுகாத்தான் என்ற செய்தி காட்டுத்தீபோல் பரவி, தேசபக்தி உள்ளங்களை உலுக்கியது!

 உடனே அந்த வீர இளைஞனின் பயோடேட்டாவை சேகரித்து, வெளியிட்டன, ஊடகங்கள்!

 தமிழகத்தில் பிறந்தவன் என்றதுமே, தமிழ்நாட்டின் மூலைமுடுக்குகளில் எல்லாம், 'எந்த ஊர்? என்ன பேர்?' என்ற கேள்வி எழுந்தது!

 மயிலாடுதுறை அருகிலுள்ள நீடூரில் பிறந்து, மயிலாடுதுறை ரயில் நிலையம் அருகிலுள்ள கூறைநாடு முனிசிபல் உயர்நிலைப் பள்ளியில் பத்தாவது வகுப்பு தேர்வு பெற்று, ராணுவத்தில் சேர்ந்த இப்ராஹீம் என்று தெரிய வந்தது.

 ஒரு முஸ்லீம் என்றவுடனேயே, எல்லாரும் நிமிர்ந்து அமர்ந்தனர். அவர்களுக்கு தெரியாது, இந்திய ராணுவத்தின் தரைப்படை, கப்பற்படை, விமானப்படை மூன்றிலும் இந்திய முஸ்லீம்கள் பணியாற்றுகிறார்கள் என்கிற உண்மை!

 முதலில் தியாகி இப்ராஹீமின் உடல் டில்லிக்கு வந்தவுடனேயே, மத்திய அமைச்சர்கள், ராணுவ அதிகாரிகள், அரசியல் தலைவர்கள், எல்லோரும் மரியாதை தெரிவித்ததோடு, மத்திய அரசும் உடனடியாக தியாகியின் குடும்பத்துக்கு இருபத்தைந்து லட்ச ரூபாய் உதவித் தொகை அறிவித்தனர். தமிழக அரசும், ஒரு கோடி ரூபாய் அறிவித்து உடனே அமைச்சர் ஒருவரை டில்லிக்கு அனுப்பி, விமானத்தில் தியாகியின் உடலை, சென்னைக்கு கொண்டுவந்தது.

 சென்னை விமான நிலையத்தில் முதல் அமைச்சர் தலைமையில் எல்லா அமைச்சர்களும், உயர் அதிகாரிகளும் மரியாதை செய்து, உடனே உடலை சாலைவழியாக, நீடூருக்கு அனுப்பியது அமைச்சருடன். 

 ராணுவ மரியாதையுடன் அடக்கம் செய்ய, ஏற்பாடுகளும் செய்யப்பட்டன.

 தொழிலதிபர்கள் போட்டி போட்டுக்கொண்டு, ஐம்பது லட்சத்திலிருந்து ஒரு கோடி ரூபாய் வரை தியாகியின் குடும்பத்துக்கு உதவித் தொகை அளிக்க முன்வந்து அறிக்கை வெளியிட்டனர்.

 தேசபக்தியில் நாங்கள் எவருக்கும் பின்தங்கியவர்கள் இல்லை என்று திரைத் துறையை சேர்ந்தவர்களும் ஆளாளுக்கு பல லட்ச ரூபாய் உதவித் தொகை அறிவித்தனர்.

 எல்லா உதவித் தொகை அன்பளிப்பையும் கூட்டிப் பார்த்தபோது, பதினைந்து கோடி ரூபாய்க்கு மேல் இருந்தது.

 இந்த நிலையில்தான், தியாகி இப்ராஹீமின் குடும்பத்தினரைப் பற்றி விசாரிக்க துவங்கினர்.

 இப்ராஹீமின் தந்தை, மயிலாடுதுறை ரயில் நிலையத்தில் ஒரு போர்ட்டராக உழைக்கிறார் என்றும் தாய் அக்கம்பக்கத்து வீடுகளில் வீட்டுவேலை செய்து தான் பெற்ற ஆறு சின்னக் குழந்தைகளை காப்பாற்றி வருகிறாள் என்பதும் தெரியவந்தது!

 எல்லோருக்கும் ரொம்ப மகிழ்ச்சி! ஒரு ஏழைக்குடும்பம், அதிலும் ஒரு முஸ்லீம் குடும்பம், அந்த குடும்பத்தை சேர்ந்த ஒருவனின் உயிர்த் தியாகத்தால், இனி பல தலைமுறைக்கு, பசி, பட்டினியின்றி வாழப் போகிறார்கள் என்று சந்தோஷப்பட்டனர், பொதுமக்கள்!

 சவ அடக்க நிகழ்ச்சிக்கு, சென்னையிலிருந்து தொழிலதிபர்களின் பிரதிநிதிகளும், திரைநடிகர்களும், அரசியல் தலைவர்களும், சென்றிருந்தனர்.

 ஊடகங்களின் தொடர்பாளர்கள் குறிப்பெடுக்க, கேமிராக்கள் க்ளிக் அடிக்க, வீடியோக்கள் ஒளி பரப்ப, ஆயிரமாயிரம் மக்கள் மத்தியில், தியாகியின் பெற்றோரை நடுவில் நிறுத்தி, இப்ராஹீம் செய்துள்ள தியாகத்தைப் பாராட்டி புகழ்ந்து பேசிவிட்டு, இறுதியாக, அறிவித்தனர், அந்தக் குடும்பத்துக்கு அளிக்கப்படப் போகிற பதினைந்து கோடி ரூபாய் உதவித் தொகையை!

 ஏழை போர்ட்டர் தந்தையையும் வீட்டுவேலை செய்து குடும்பத்தை காப்பாற்றுகிற தாயையும் அழைத்து, அவர்களிடம் அமைச்சர் பதினைந்து கோடி ரூபாய்க்கான காசோலையை வழங்கினார்.

 வீடியோக்களும் கேமிராக்களும் தயாராயிருக்க, அந்த அதிசயம் நடந்தது!

 அந்த தந்தையும் தாயும் காசோலையை பெற்றுக்கொள்ள மறுத்துவிட்டனர்!

 ஏன்? ஏன்? ஏன்?

இந்தக் கேள்விக்கு அந்த தியாகியின் படிப்பறிவில்லாத ஏழைப் பெற்றோர் தந்த பதில்: 

" நாங்கள் எங்கள் தலைமகனை ராணுவத்தில் பணியாற்ற அனுப்புகிறபோதே, அவன் உயிருக்கு எந்த நேரத்திலும் ஆபத்து வரலாம் என்று தெரிந்துதான் அனுப்பிவைத்தோம். தியாகி என்பதற்காக எங்கள் மகனுக்கு, மரியாதை, சிறப்பு, எல்லாம் செய்யுங்கள். ஆனால், தயவுசெய்து அவனுடைய தியாகத்துக்கு விலைபேசி அதை கொச்சைப்படுத்தாதீர்கள்! அவனைப் பெற்றோம் என்பதைத் தவிர, நாங்கள் நாட்டுக்கு ஏதும் செய்யாதபோது, இந்தப் பணத்தை நாங்கள் எப்படி ஏற்றுக்கொள்ள முடியும்? ஒரே ஒரு உதவி மட்டும், முடிந்தால், செய்யுங்கள்!

 இதோ! பதினெட்டு வயது நிரம்பிய இவன், இப்ராஹீமின் தம்பி, பத்தாவது படித்து முடித்துவிட்டு வேலையில்லாமல் இருக்கிறான், இவனுக்கும் ராணுவத்தில் பணியாற்ற ஆசை! இவனை ராணுவத்தில் சேர்த்துவிடுங்கள், அது போதும்! 

 இந்த பதினைந்து கோடி ரூபாயை, ராணுவத்தில் பணியாற்றுவோரின் குடும்பநல உதவிக்காக, செலவிடுங்கள்! அதுதான் இப்ராஹீம் செய்த தியாகத்துக்கு நிரந்தர கௌரவம் அளித்ததாக இருக்கும்.

Pin It
The above article / story / poem is a copyright material and is published with the consent of the author. If you find any unauthorized content do let us know at This email address is being protected from spambots. You need JavaScript enabled to view it.. All the copyright content at chillzee.in are protected by national and international laws & regulations. We are against plagiarism! If you find our site's content copied in any other website, we request you to let us know at This email address is being protected from spambots. You need JavaScript enabled to view it..

Add comment
Dear readers, Comments feature is provided for sharing your comments about this article.
Please restrain from using it for other purposes.
Chillzee.in reserves all rights to remove / modify any irrelevant / inappropriate comments without any prior notification.
To read our Comment / Forum rules, please visit Chillzee Comments & Forum Rules.Thank you.
If you have any queries please contact administrator @ admin@chillzee.in

Comments  
# RE: சிறுகதை - அதற்குப் பெயர் தியாகமல்ல! - ரவைரவை. 2019-04-19 16:28
மதுமதிம்மா! மிக்க நன்றி!
Reply | Reply with quote | Quote
# RE: சிறுகதை - அதற்குப் பெயர் தியாகமல்ல! - ரவைabimahesh 2019-04-18 17:49
Nice Story Sir! Great thoughts :thnkx:
Reply | Reply with quote | Quote
# RE: சிறுகதை - அதற்குப் பெயர் தியாகமல்ல! - ரவைரவை. 2019-04-19 16:29
மிக்க நன்றி, அபிமகேஷ்!
Reply | Reply with quote | Quote
# RE: சிறுகதை - அதற்குப் பெயர் தியாகமல்ல! - ரவைmadhumathi9 2019-04-18 15:29
:clap: enna oru uyarntha & nalla ennam. :hatsoff: like this great persons. :clap: :clap: (y) (y) (y)
Reply | Reply with quote | Quote
# RE: சிறுகதை - அதற்குப் பெயர் தியாகமல்ல! - ரவைAdharvJo 2019-04-18 14:07
:clap: :clap: well said, uncle. (y)
I totally agree its kind of disrespect but wen there is a need govt can come forward to support the family.
But ippo ellam chumm chumma money kamichi asai katuradhu oru polapa vachi irukangale uncle :sad:

thank you for this valuable story.
Reply | Reply with quote | Quote
# RE: சிறுகதை - அதற்குப் பெயர் தியாகமல்ல! - ரவைRavai 2019-04-18 14:40
Dear Jo!
We both sail in the boat! We are on the same wavelength. Thanks for your appreciation!
Reply | Reply with quote | Quote
# RE: சிறுகதை - அதற்குப் பெயர் தியாகமல்ல! - ரவைJebamalar 2019-04-18 12:50
Nice story sir :clap:
Reply | Reply with quote | Quote
# RE: சிறுகதை - அதற்குப் பெயர் தியாகமல்ல! - ரவைRaVai 2019-04-18 13:35
Thanks Jebamalar
Reply | Reply with quote | Quote
# RE: சிறுகதை - அதற்குப் பெயர் தியாகமல்ல! - ரவைViji. P 2019-04-18 12:22
Arumai sir.👏👍
Reply | Reply with quote | Quote
# RE: சிறுகதை - அதற்குப் பெயர் தியாகமல்ல! - ரவைRaVai 2019-04-18 13:34
Thanks Viji!
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top