Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu

Chillzee KiMo - கதை பிரியர்களுக்கான Chillzeeயின் புதிய சேவை!

Pin It

18. புயலுக்கு பின் – வினோதர்ஷினி

ன்றைக்கு சாந்திக்கு குப்தா & கோ எம் டி சஞ்சய்யுடன் மீட்டிங் இருந்தது. சஞ்சய் ஒரு வாரமாக இழுத்து அன்று தான் சந்திக்க நேரம் ஒதுக்கி இருந்தார். மறுநாள் சுகந்தியை சந்திக்க சாந்தி திட்டமிட்டிருந்தாள். முன்பு சந்திப்பதாக இருந்த அவர்களின் திட்டம் தள்ளி போய் இருந்தது. அன்று சுந்தர் வீட்டில் இருந்ததால், சாந்தியை வந்து பார்க்க இயலாது என சுகந்தி செய்தி அனுப்பி இருந்தாள்.

இடையில் கிடைத்த ஒரு வாரத்தில், சாந்தி அவர்களின் கம்பெனியின் நடப்புகளை அறிந்துக் கொண்டாள். வெறும் கேள்வி ஞானத்தோடு நிறுத்தி விடாமல், நேரம் கிடைத்த போது, பணி நடைபெறும் இடத்திற்கே சென்று, அங்கே வேலை செய்துக் கொண்டிருப்பவரின் உதவியோடு, கவிதா இண்டஸ்ட்ரீஸ்-ல் நடக்கும் சின்ன விஷயம் முதல் பெரிய விஷயம் முதல் தெரிந்துக் கொண்டாள். பிற பெண்கள் செய்யும் பணிகளை தானும் முயன்று பார்த்தாள்.

சாந்தியை அங்குள்ளவர்கள் அனைவரும் ஏற்கனவே அறிந்திருந்தவர்கள் தான். ஆனால் முதலாளியின் மனைவி என்பதை மீறி அவளுடன் பேசும் வாய்ப்பு அதுவரை வெகு சிலருக்கே கிடைத்திருந்தது. ஆனால் இந்த ஒரு வாரத்தில், சாந்தியுடன் பேசும் வாய்ப்பு பலருக்கும் கிடைத்தது. முதலாளி என்னும் பந்தா இல்லாது, அறிந்துக் கொள்ளும் ஆர்வத்தோடு அவள் பேசிய பாங்கும், கற்றவற்றை முயன்று பார்க்கும் ஆர்வமும், வித்தியாசம் பாராது அனைவரையும் பாராட்டும் பேச்சும் அனைவரையும் கவர்ந்தது. அதிலும் அங்கு பணி புரிந்த பெண்களுக்கு அவளை மிகவும் பிடித்து போனது. முதலாளி என அல்லாது ஒரு சக தொழிலாளி போல் நட்புடன் அவள் பழகியது, அவளுக்கு பல தோழிகளை ஈட்டி தந்தது.

கவிதா இண்டஸ்ட்ரீஸ்-ல் பணி புரிந்தவர்கள் அனைவருக்கும் அரவிந்த் மீது மிகுந்த விசுவாசம் இருந்தது. இப்போது சாந்தியையும் அவர்களுக்கு பிடித்ததால், எந்த வித மன வேறுபாடும் இல்லாது, எப்போதும் போல் சந்தோஷமாக பணி புரிந்தனர். முடிந்த அளவில், தங்கள் முதலாளிக்கு ஏற்பட்டிருக்கும் இந்த பிரச்சனையில் இருந்து அவர் வெளியில் வர உதவவும் தயாராக இருந்தனர்.

ஞ்சய்யை சந்தித்து பேசிய சாந்தி, அவர் வேறு ஒருவரின் வற்புறுத்தலில் தான் இப்போது இது போல் கவிதா இண்டஸ்ட்ரீஸ்சுக்கு எதிராக நடக்கிறார் என்பதை புரிந்துக் கொள்ள முடிந்தது. அது யாராக இருக்கும் என்பதிலும் அவளுக்கு எந்த வித சந்தேகமும் இல்லை. சுந்தர் தவிர அரவிந்தை பழி வாங்கும் எண்ணம் யாருக்கும் வராது!

"சஞ்சய் சார்.. கொஞ்சம் யோசிச்சு பாருங்க... இவ்வளவு வருஷமா எங்களோட ரெகுலர் கஸ்டமர் நீங்க... இந்த மாதிரி நேரத்தில நீங்க எங்களுக்கு உதவி செய்யலைன்னா எப்படி? இதுவரைக்கும் எங்க பொருள்ல ஏதாவது பிரச்சனை வந்திருக்கா என்ன?"

"நீங்க சொல்றது எனக்கு புரியுது மேடம்... இது போல நான் நன்றி பாவம் பரிதாபம் எல்லாம் பார்த்தால் பிசினஸ் நடத்த முடியாது... இது வரைக்கும் உங்க பொருள் எல்லாம் நல்லா தான் இருந்தது... ஆனால் இப்போ உங்க கம்பெனிக்கு கெட்ட பேர் வந்திருக்கு... அது எங்க பொருட்களையும் பாதிக்க வாய்ப்பு இருக்கு... உங்களுக்கு உதவி செஞ்சு வேற பிரச்சனையில் மாட்டிக்க நாங்க விரும்பலை...."

"சார் நீங்க சொல்றது சரி இல்லை... ஒவ்வொரு கம்பெனிக்கும் ஒவ்வொரு விதமான தர கட்டுப்பாடு இருக்கும்... அங்கே ரிஜெக்ட் பண்ணி இருக்கவங்க சொல்லி இருக்கிற காரணமே வேற... அதுவும் இல்லாமல் நீங்க சொல்ற மாதிரி எங்க கம்பெனிக்கு பெரிய கெட்ட பெயர் எல்லாம் இல்லை... டி எம் எஸ் போல பெரிய கம்பெனி எல்லாம் கூட இன்னும் எங்க கஸ்டமர் தான்..."

"இதெல்லாம் பேச நல்லா தான் இருக்கு மேடம்... ஆனால் சரி பட்டு வராது... உங்க கணவருக்கு உடல் நலம் சீக்கிரம் சரியாகி தேறி வர என்னோட வாழ்த்துக்கள்...."

பேச்சை முடிக்கும் பாணியில் சஞ்சய் பேசிய போதும், சாந்திக்கு அத்தோடு இந்த விஷயத்தை விட மனசில்லை...

"இங்கே பாருங்க சஞ்சய்.. நீங்க எங்களோட லாங் டைம் கஸ்டமர்... உங்களுக்கு ஏதாவது டிஸ்கவுன்ட் வேணும்னாலும் கொடுக்கலாம்... இப்படி எடுத்தோம் கவிழ்தொம்னு முடிவு எடுக்க கூடாது...."

சஞ்சய் சற்று யோசனையோடு அவளை பார்த்தார். பின்,

"இல்லை மேடம் இதெல்லாம் சரி பட்டு வராது...." என்றார்.

அவரின் சில வினாடி தயக்கமே அவரின் ஆர்வத்தை எடுத்துக் காட்டியது. ஆனால் அவரின் பதிலுக்கு காரணம் சுந்தர் என்பதும் புரிந்தது.

"ஏன் சார் சரி பட்டு வராது... சுந்தர் உங்களை என்ன செய்வேன்னு சொன்னார்?"

அவளின் கேள்வியில் சற்று திகைத்து போன சஞ்சய்,
"இதோ பாருமா சாந்தி... நீ சின்ன பொண்ணு... என்னோட மகள் வயசு தான் உனக்கு இருக்கும்..... இந்த சுந்தர் மாதிரி ஆளுங்க கூட எல்லாம் பிரச்சனை செஞ்சுக்கிட்டா அப்புறம் ரொம்பவே கஷ்டம்.... புரிஞ்சிக்கோ...."

"நான் புரிஞ்சிக்கிறேன் சார்... ஆனால் உங்களுக்கு கஷ்டம்னு ஒன்னு வந்தப்போ உதவினது என்னோட கணவர் தான்... இந்த சுந்தரோ வேற யாரோ இல்லை... இப்போ அரவிந்துக்கு ஒரு பிரச்சனை வரும் போது, இப்படி கழட்டி விட்டால் எப்படி சார்?"

சஞ்சய் எதுவும் சொல்லாது அமைதியாக இருந்தார்.

"ஒருத்தருக்கு செய்த உதவியை சொல்லி காட்ட கூடாது என்கிற நாகரிகம் எனக்கும் தெரியும்... ஆனால் இப்போ நாகரிகம் பார்க்கிற நிலைமையில் நாங்கள் இல்லை.... உங்களுக்கே தெரியும் இப்போ நீங்க கவிதா இண்டஸ்ட்ரீஸ்-ல இருந்து வாங்கிட்டு இருக்கிற பொருளோட விலை மார்க்கெட் ரேட்டை விட கம்மி.... நீங்க ரொம்ப நாளா ரெகுலரா இருக்கும் கஸ்டமர் என்கிற ஒரே காரணத்திற்க்காக தான் அரவிந்த் உங்களுக்கு இந்த சலுகை எல்லாம் கொடுத்திருந்தார்... சரி நீங்க எங்களுக்கு உதவி எல்லாம் செய்ய வேண்டாம்... உங்க வார்த்தையை காப்பாத்துங்க போதும்... அரவிந்த் கிட்ட நீங்க முன்னாடி போட்டிருந்த காண்டிரேக்ட் படி இன்னும் ஒரு ரெண்டு மாசம் எங்க பொருளை வாங்கிக்கோங்க... அப்புறம் உங்க இஷ்டம் போல செய்ங்க..." என்றாள் சாந்தி.

சஞ்சய் உடனடியாக எதுவும் சொல்லவில்லை. ஆனால் சாந்தியின் பேச்சு அவரை சற்று இளக வைத்திருப்பதாக தான் தோன்றியது...

"சாரி சாந்தி மேடம்... இப்போ நான் உடனே இதை பத்தி முடிவு எடுக்க முடியாது... இந்த கம்பனிக்கு இன்னும் ரெண்டு பார்ட்னர்ஸ் இருக்காங்க... அவங்களை கேட்டு தான் முடிவு செய்யனும்... நான் அவங்க கிட்ட பேசிட்டு சொல்றேன்..."

அவர் இந்த அளவிற்கு இறங்கி வந்ததே பரவாயில்லை என தோன்ற,
"தேங்க்ஸ் சார்... நாளைக்கு காலையிலே உங்க முடிவு தெரிஞ்சுக்கலாமா? என்னோட செகரட்டரியை உங்களுக்கு போன் பண்ண சொல்றேன்...."

"சரிம்மா... அதுக்கு முன்னாடியே எதாவது முடிவு எடுத்தால் நானே உனக்கு சொல்றேன்..."

"ரொம்ப தேங்க்ஸ் சார்...."

அங்கிருந்து கிளம்பிய சாந்திக்கு மனது சற்று லேசாக இருந்தது. சஞ்சய் கட்டாயம் இன்னும் இரண்டு மாததிர்க்கேனும் ஓகே சொல்வார் என்று தான் தோன்றியது. வேறு கம்பனியை அவர்கள் நாடி சென்றாலும், விலையிலோ அல்லது தரத்திலோ அவர்கள் விட்டுக் கொடுத்து தான் ஆக வேண்டும்.

 

  •  Start 
  •  Prev 
  •  1  2 
  •  Next 
  •  End 
Add comment

Comments  
# RE: புயலுக்கு பின் - 18Admin 2012-06-23 14:40
Sorry for the delay in publishing the next part :-(

The next part will be published on 27th June
Reply | Reply with quote | Quote
# Divya Bharathi / VaishuNanthini 2012-06-18 22:46
Sorry..
I have been a bit busy...

Will post the next episode in another 1 or 2 days...

Sorry for keeping you waited...
Reply | Reply with quote | Quote
# RE: Divya Bharathi / VaishuVaishu 2012-06-19 02:50
Hi Vino Darshini,
No need for any sorry.. We are reading it for free :-) I can understand your time constraints...

Looking forward to read the next part thsi week :-)
Reply | Reply with quote | Quote
# புயலுக்கு பின் - 18Divya Bharathi 2012-06-14 09:43
Please update the next part ASAP.. Waiting for a longggg timeee... :-)
Reply | Reply with quote | Quote
# RE: புயலுக்கு பின் - 18Vaishu 2012-06-12 05:21
Hey Vinodarshini, I have been following the story right from the start! Please update and finish it soon. Please :-)
Reply | Reply with quote | Quote
# RE: புயலுக்கு பின் - 18Thenmozhi 2012-06-12 05:58
Hi Vaishu, Vinodarshini is working on the next part. She is currently away on some personal task. The new episode will be posted very soon.

Thanks for your interest and support :-)
Reply | Reply with quote | Quote
# RE: புயலுக்கு பின் - 18Admin 2012-05-26 03:24
Vino... Seekkiram Aravindhai sari yaakki office-kku anuppunga... hero ippadi bed rest eduthaal nalla illai...

BTW, the wrappo between Aravind and Shanthi is great :) Nice couple...
Reply | Reply with quote | Quote
# RE: புயலுக்கு பின் - 18Nanthini 2012-05-26 06:51
Neenga solli aachu illai... seekirame sari panniduvom... :-)
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top