தொடர்கதை - ராணி... மகாராணி... - 10 - ராசு
மோனி கண் விழித்த போது அவள் மீண்டும் தான் மருத்துவமனையில் இருப்பதை அறிந்து கொண்டாள்.
அவளுக்கு தன் மீதே வெறுப்பாக வந்தது.
வாழ முடியாமல்தான் அவள் இந்த முடிவை எடுத்ததே. தன்னை ஏன் காப்பாற்றினார்கள்? என்று தோன்றியது.
அறையில் இருந்த செவிலி அவள் கண் விழித்ததைக் கண்டுவிட்டு வெளியில் சென்றாள். அவள் அறையைப் பார்க்கும் போது கவனமாக மருந்துகள் அகற்றப் பட்டிருந்தன.
அவள் சாப்பிட்டிருந்த மருந்தின் வீரியத்தை அகற்றுவதற்காக அவள் என்ன மாதிரி பட்டுவிட்டாள். அதன் பிறகும் மீண்டும் அந்த வேலையைச் செய்வாளா என்ன?
விரக்தியுடன் நினைத்துக் கொண்டாள்.
அறைக் கதவைத் திறந்து கொண்டு ஒரு நடுத்தர வயது மனிதர் வந்தார்.
அவள் கேள்வியுடன் அவரை நோக்கினாள்.
"என்னம்மா மோனி எப்படியிருக்கே?"
அவர் பதில் சொல்லாமல் அவரை யார் என வெறித்துப் பார்த்தாள்.
"என்னை யாருன்னு யோசிக்கிறியா? நீ தங்கியிருந்தியே அந்த விடுதியின் சட்ட ஆலோசகர் நான்தான்."
அவர் ஏன் தன்னைப் பார்க்க வந்திருக்கிறார் என்று அவளுக்குப் புரிந்தது.
விரக்தியுடன் சிரித்தாள்.
"இப்ப என்ன நடந்துடுச்சுன்னு நீ இந்த மாதிரி முடிவை எடுத்தேம்மா? அதுதான் எதுவும் நடக்காமல் உன்னைக் காப்பாற்றியாயிற்றே."
"எனக்கு இந்த மாதிரி நடக்கப் போகுதுன்னு உங்களுக்கு முன்பே எப்படி தெரியும் சார்?"
அவள் நேரடியாக கேள்விக்கு வந்தாள்.
"தெரியும்மா."
"அப்படின்னா ஏன் என்கிட்டே முன்பே சொல்லலை? சொல்லியிருந்தால் நான் முன்னெச்சரிக்கையாக இருந்திருப்பேன் அல்லவா?"
அவர் எந்த பதிலும் சொல்லாமல் அவளையேப் பார்த்தார்.
"என்ன சார் எந்த பதிலும் சொல்லாமல் என்னையே பார்க்கறீங்க?"
"நான் உன்கிட்ட முன்பே வந்து உன்னோட காதலனைப் பற்றித் தவறாக சொல்லியிருந்தால் நீ நம்பியிருப்பியா? முதலில் என்னை எதற்காக நீ நம்பனும்? நான் யாருன்னே உனக்குத் தெரியாதபோது நீ என்னை நம்பாமல் போனாலும் தப்பில்லை."
அவர் சொன்னது நூறு சதம் உண்மை என்று அவள் மனதிற்குப் புரிந்தது.
"உண்மைதான் சார். இப்ப உங்ள் பேச்சை வைத்தே கேட்கிறேன். நீங்க ஏன் எனக்குச் செய்யனும்?"
"இது சரியான கேள்விம்மா. நான் சம்பந்தமேயில்லாத உனக்கு உதவி செய்ததற்குக் காரணம் எனக்கு மிகவும் வேண்டியவர்கள் சொல்லித்தான்."
"அது யார்னு நான் தெரிஞ்சுக்கலாமா?"
"கண்டிப்பாம்மா. நேரம் வரும்போது நானே சொல்றேன்."
"அது வரைக்கும் நான் இருப்பேன்னு உங்களுக்கு எப்படி நம்பிக்கை?"
"இப்ப நீ தவறான முடிவெடுக்கிறது எத்தனை சிரமம்னு இந்நேரத்துக்குப் புரிஞ்சுக்கிட்டிருப்பே."
அவர் சொன்னது சரிதான் என்று புரிந்தது.
"உனக்கு எதுவும் தவறா நேரலைம்மா. உன் மனது சரியாகற வரைக்கும் நீ அந்த விடுதியிலேயே வேலை செய்யலாம். நல்ல கௌரவமான வேலைதாம்மா. அதற்கு நான் உத்தரவாதம்."
அவள் யோசித்தாள்.
"உனக்கு விருப்பம் இல்லை என்றால் நீ உங்கள் ஊருக்கே சென்றுவிடலாம்."
அப்படி அவர் வாய் சொன்னாலும், இன்னும் சில நாட்கள் அவள் இங்கேயே இருக்க வேண்டும் என்று அவருக்குத் தோன்றியது.
அப்போதுதான் மகாராணியால் அங்கே சில நாட்கள் நீடித்திருக்க முடியும்.
இத்தனை காலம் அவர் அவளைப் பார்த்திருக்கிறார். அவள் இத்தனை மகிழ்ச்சியாக இருந்து அவர் பார்த்ததே இல்லை.
அவளது இந்த மகிழ்ச்சி நீடிக்க வேண்டும் என்று அவர் மனதார விரும்பினார்.
மோனிக்கும் சில நாட்கள் வேலை பார்க்கலாமே என்று தோன்றியது.
அவள் சம்மதம் சொல்ல, அந்த விடுதியின் நிர்வாகப் பிரிவில் அவளுக்கு வேலை கிடைத்தது.
தனது அறையில் அமர்ந்திருந்த மகாராணிக்கு ராஜன் பாபுவுடன் கோயிலுக்குச் சென்று வந்தது பற்றி யோசித்துக் கொண்டிருந்தாள்.
அவன் அந்த ஒரு கோயிலுடன் அவளை அழைத்து வந்துவிடவில்லை.
பட்டுக்கோட்டையில் உள்ள நாடியம்மன் கோயிலுக்கும் அழைத்துச் சென்றான்.
நாடியம்மன் கோயில் திருவிழா எத்தனை நாட்கள், எவ்வளவு சிறப்பாக நடக்கும் என்று அவன் சொல்லச் சொல்ல அவளுக்கு ஆவலாயிருந்தது.
அதுவும் தேரோட்டத்தில் சாலை முழுவதும் மக்கள் தலைதான் தெரியும் என்று அவன் சொல்லி, மணிக்கூண்டு என்று நான்கு சாலைகள் சந்திப்பை காட்டினான்.
"நீயும் இந்த வருடம் பார்க்கத்தானே போறே."
About the Author
RaSu
Like RaSu's stories? Now you can read RaSu's full novels at Chillzee KiMo. No wait time, No ads, No restrictions!!!
Completed Stories
- Neeyirunthaal naaniruppen
- Nee illaatha vaazhvu verumaiyadi
- Yaaraval yaar avalo
- Nee thaan en santhosham
- Ennai edho seithu vittaai
- Pesum deivam
- Oru Kootu kiligal
- Mounam etharku
- Sinthai mayanguthadi unnale
On-going Stories
- Rani... Mahaarani… (Updated weekly on Monday evenings)
More articles from this author
Come join the FUN!
Download Chillzee Jokes for Android
(Click the image to get the app from Google Play Store)
Copyright © 2019 Chillzee.in. All Rights Reserved.
Powered by 
Website Maintenance by SujWin Solutions.
Thank you and keep rocking!!