" உப்ப் .. நான் இப்போ சண்டை போடுற மூட்ல இல்ல தர்ஷினி "
" நானும் சண்டை போடா சொல்லலியே ..சரி என்ன விஷயம் சொல்லுங்க ?"
" வீட்டுக்கு தானே போற ? நானும் உன்கூட வரேன் " என்றான் கதிர் .. அவனை விநோதமாய் பார்த்து வைத்தாள் காவியா ..
" ஆர் யூ ஒகே கதிர் ? இப்போ நாம சேர்ந்து பைக்ல போனா யாரும் ஒன்னும் சொல்ல மாட்டாங்களா ?"
" ப்ச்ச்ச் .. ஏன் இப்படி படுத்துற தர்ஷினி "
" சரி சரி .. உங்க பைக் எங்க அது என்ன என்னாச்சு ?" என அடுத்த கேள்விக்கு தாவினாள் .
" அது .... அது ரிஷி கொண்டு போயிட்டான் "
" அப்படியா ? அப்போ ரிஷி அண்ணாவுடைய பைக் ?" என்று அவள் கேட்க
" அம்மா தாயே, நான் நடந்தே வரேன் .,..நீ போ " என்று கையெடுத்து கும்பிட்டான் .. அவன் செய்கையில் களுக்கென சிரித்தாள் காவியா .. அவள் சிரிப்பினில் அவனுக்கும் நிம்மதி பிறந்தாலும், அதை வெளிக்காட்டி கொள்ளாமல் எரிச்சலாகவே , " இப்போ என்ன சொல்லுற ? நான் ஏறிக்கவா வேண்டாமா ? " என்றான்.
அவனை மேலும் கீழும் பார்த்துவிட்டு
" சரி சரி இன்னைக்கு ஒரு நாள் அட்ஜஸ்ட் பண்ணிக்கிறேன் " என்றாள் .
" இருந்தாலும் ரொம்பதான் ஓவர் " என்று முணுமுணுத்தபடி ஸ்கூட்டியின் பின்னால் ஏறி கொண்டான் கதிர் .. கண்ணாடியை சரி செய்வது போல அவன் கோபமான முகத்தை " சோ ஸ்வீட் " என்று ரசித்து விட்டு ஸ்கூட்டியை எடுத்தாள் காவியதர்ஷினி .. அங்கு நடந்த அந்த நாடகத்தை மிகவும் குரோதத்துடன் பார்த்தன இரு விழிகள் .. வேற யாரு நம்ம குணாதான் !
சாலை நெரிசலை சமாளித்து இருவரும் வீட்டிற்கு செல்வதற்குள் மாலையாகி இருந்தது .. எப்போதும் அமைதியாய் இருக்கும் அவள் வீட்டில் இன்று சிரிப்பு சத்தம் வாசலை நிரப்பி இருந்தது .. தேன்நிலா, மதியழகன் , ஷக்தி , மித்ரா, அன்பெழிலன் , முகில்மதி, வைஷ்ணவி, ஆதிஷ்வர் தேவசிவன் , நாராயணன் அனைவரும் சேர்ந்து கிரிக்கெட் விளையாடி கொண்டிருந்தனர் ..
" ஷக்தி அவுட் " என்று ஆர்பரித்தான் அன்பு .. " இல்ல .. இல்ல அவுட் இல்ல " என்று ஷக்தி மறுக்கவும், மித்ராவும்
" ஆமா மாமா அவுட் இல்ல எனக்கு தெரியும் .. நான் தான் மேட்ச் ஒழுங்கா கவனிச்சேன் " என்றாள் .. மொத்தமாய் அனைவரும் " ஓஹோ " என்று கூச்சல் போட்டு அவளை வெட்கப்பட வைத்தனர் ..
" யாரு நீதானே ? இவனுக்காக அண்டபுழுகு ஆகாசபுழுகு சொல்லுவியே சங்கு " என்று நிலா வார ,
" ஆமா என்னமோ , நீ மட்டும் யோக்கியமா தேனு .. ? ஒண்ணுமே இல்லாத விஷயத்துக்கு எல்லாம் என் அண்ணா மேல கோபபடுறது மாதிரி நடிக்கலையா ? " என்று சிரித்தாள் ..
" நீ சொன்னியா மது ?" என்று அவள் பார்வையாலேயே மதியழகனை மிரட்ட
" ஹே குட்டிமா , நான் வாயே திறக்கல" என்று உடனே மறுத்தான் மதி ..
" வேற யாரு சொல்லி இருப்பா , நம்ம சிங்கபூர் குட்டிசாத்தானின் வேலையாய் தான் இருக்கும் " என்றான் ஷக்தி ..
" அடடே வீட்டுக்கு விருந்தாளி வந்துருக்காங்க " என்று வாசலை பார்த்து கை தட்டி கொண்டே கூறினான் ஷாந்தனு .. அவனும் மதியழகனுடன் அங்கு வந்திருந்தான் ..
" ஆமா குட்டி .. உங்க பேரென்ன ?" என்று அவன் அருகில் மண்டியிட்டு கதிர் கொஞ்ச , அந்த காட்சியை கண்களுக்குள் நிரப்பி கொண்டாள் காவியதர்ஷினி .. தங்களுக்கும் திருமணமாகி தங்களது மகனை அவன் இப்படித்தான் கொஞ்சுவானா ? என்று கற்பனை குதிரையின் முதுகில் சவுக்கடி கொடுத்து அதிவேகமாய் ஓடினாள் .. அப்படி ஓடி கொண்டிருந்தவளை தொட்டு நிறுத்தினார் லக்ஷ்மி ..
" காவியா "
" எப்படி இருக்கீங்கம்மா ?"
" நல்ல இருக்கேன்டா .. நீதான் இளைச்சுட்ட . சரியா சாப்டறது இல்லையா ?"
" அப்படி எல்லாம் ஒன்னும் இல்லம்மா , வேலை கொஞ்சம் அதிகம் .." என்றாள் சமாதானமாய். அவள் கன்னத்தை ஆசையாய் வருடியப்படி கதிரையும் பார்த்தார் லக்ஷ்மி .. சற்றுமுன் இருவரும் ஜோடியாய் இருவரும் வருவதை பார்த்ததும் , மனதிற்குள் அவருக்கு மின்னல் வெட்டியது .. மித்ராவை போலவே , காவியா மீது அவருக்கு அன்பும் இணக்கமும் அதிகமாகவே இருந்தது .." எல்லாம் நல்லபடியா நடந்தா சரிதான்" என்று மனதிற்குள் நினைத்தார் அவர் ..
" என்ன மித்ராம்மா உங்க அம்மா காபி கொண்டு வரேன்னு மயக்கம் போட்டுட்டாளா ?" என்றார் காபி பிரியர் தேவசிவம் ..
" அதானே .. சித்து ... சித்ரா ..எங்க இருக்க ?" என்று மித்ரா குரல் கொடுக்க தோசை கரண்டியுடன் வந்தார் சித்ரா ..
" ஏன்டீ , கல்யாணம் ஆகியும் திருந்த மாட்டியா நீ "
" உனக்கு கூடத்தான் கல்யாணம் ஆகி இத்தனை வருஷம் ஆச்சு அம்மா , நீ என்னை அடிக்கிறதை நிறுத்துனியா ? அதே ரத்தம் அப்படியேதான் இருக்கும் " என்றவள் சித்ரா அருகில் வரவும் ஷக்தியின் பின்னால் ஒளிந்து கொண்டாள் ..
"உனக்கு ஷக்தி பக்கத்துல நிக்கணும் .,.அதுக்கு அம்மா ஒரு சாக்கா மித்ரா ?" என்று எடுத்து கொடுத்தான் அன்பு ..