Chillzee சமையல் குறிப்புகள் - பட்டாணி குருமா - ரஞ்சி

தேவையான பொருட்கள்

பச்சை பட்டாணி - அரை கப்

கேரட் - 1

பீன்ஸ் - 100 கிராம்

தேங்காய் துருவல் - அரை கப்

பச்சை மிளகாய் - 7

தக்காளி - 1

பெரிய வெங்காயம் - 1

கசகசா - 1 டீஸ்பூன்

சோம்பு - 1 டீஸ்பூன்

தனியா - 3 டீஸ்பூன்

பட்டை - 2

கிராம்பு - ௪

மஞ்சள் தூள் - சிறிது

இஞ்சி - ஒரு துண்டு

பூண்டு - ஆறு பல்

கறுவேப்பிலை, கொத்தமல்லி - சிறிது

உப்பு - தேவைக்கு

எண்ணெய் - தேவையான அளவு

செய்முறை

1. பட்டாணியை ஊற வைக்கவும்.
2. வெங்காயம், தக்காளி, பீன்ஸ் மற்றும் கேரட்டை சிறிதாக நறுக்கி கொள்ளவும்.
3. கிராம்பு மற்றும் பட்டையை சற்றே நசுக்கி வைக்கவும்.
4. ஊற வைத்த பட்டாணி மற்றும் கேரட், பீன்ஸ் அனைத்தையும் ஒன்றாக சேர்த்து வேக வைத்துக் கொள்ளவும்
5. கடாயை அடுப்பில் வைத்து, பச்சை மிளகாய் மற்றும் தனியாவை லேசாக வருத்துக் கொள்ளவும்.
6. அதே கடாயில் சிறிது எண்ணெய் சேர்த்து பாதி வெங்காயம், இஞ்சி, பூண்டு அனைத்தையும் வதக்கி கொள்ளவும்.
7. தேங்காய் துருவல். சோம்பு, வதக்கிய வெங்காயம், பூண்டு, இஞ்சி மற்றும் பச்சை மிளகாய், தனியா, கசகசா அனைத்தையும் ஒன்றாக மிக்ஸியில் போட்டு, நன்றாக அரைத்துக் கொள்ளவும்.
8. கடாயை அடுப்பில் வைத்து சிறிது எண்ணெய் ஊற்றவும்.
9. எண்ணெய் சூடானதும் பட்டை மற்றும் கிராம்பை போடவும். பின் கறுவேப்பிலை, கொத்தமல்லியை போடவும்.
10. நறுக்கி வைத்துள்ள பாதி வெங்காயத்தை சேர்த்து வதக்கவும். வெங்காயம் வதங்கிய உடன் தக்காளியை சேர்த்து வதக்கவும்.
11. தக்காளி வெந்து நன்றாக கலந்த உடன், அரைத்து வைத்திருக்கும் மசாலாவையும், உப்பையும் சேர்த்து கிளறவும்.
12. குழம்பு கொதித்த உடன் வேக வைத்துள்ள பட்டாணி, கேரட், பீன்ஸ் சேர்க்கவும்.
13. தேவைக்கு தண்ணீர் சேர்த்து, சிறிது நேரம் கொதிக்கவிட்டு, குருமா தேவையான பதத்தில் வந்த உடன் இறக்கவும்.
14. சுவையான, ஆரோக்கியமான குருமா தயார்.
15. இது சப்பாத்தி மற்றும் பூரிக்கு சரியான சைடிஷ்!