கவிதை - அவளும் நானும் - புவனேஸ்வரி கலைசெல்வி
என்னைவிட அழகி அவள்
வாய்விட்டு சிரித்திடும்போது !
என்னைவிட பொறுமைசாலி அவள்
காயப்படுத்தும் உறவுகளையும் ஆதரிக்கும்போது !
என்னைவிட திறமைசாலி அவள்
வெள்ளை காகிதத்தை கவிதை மடலாக்கிடும்போது !
என்னைவிட உணர்ச்சி வசப்படுபவள் அவள்
கண்ணீரில் தலையணையை நனைத்திடும்போது !
என்னைவிட பரிசுத்தமானவள் அவள்
பிறரின் தவறுகளை சகிக்கும்போது !
என்னைவிட முட்டாள் அவள்
நகல் அன்பினில் நெகிழ்ந்திடும்போது !
தூரத்தில் இருந்து அவளை,
சில நாள் ரசிக்கிறேன்
சில நாள் வெறுக்கிறேன் !
பல நாள் அவள் தான் நான் என்ற
உண்மையையே மறு(ற )க்கிறேன் !
{kunena_discuss:779}