சின்ன சின்ன ஆசைகள் - புவனேஸ்வரி
பூக்கள் எல்லாம் பேச வேண்டும் !
காற்றெல்லாம் பாட வேண்டும் !
அருவிகள் எல்லாம் ஆட வேண்டும் !
குருவிகள் நம் வீட்டில் வாழ வேண்டும் !
கட்டி அணைக்கும் மழை வேண்டும் !
படமெடுக்கும் மின்னல் வேண்டும் !
பயம் போக்கும் இடி வேண்டும் !
நான் நனைவதை தடுக்காத சூழல் வேண்டும் !
வீசும் காற்றுக்குள் இசை வேண்டும் !
பேசுவதெல்லாம் தமிழாக வேண்டும் !
கேட்பது எல்லாம் மெய்யாயிருத்தல் வேண்டும் !
சந்தேகம் காணாத சுற்றம் வேண்டும் !
பிரிவு இல்லா நட்பு வேண்டும் !
துறவு இல்லா உறவுகள் வேண்டும் !
அடிமை படுத்தாத ஆண் வேண்டும் !
அவனை போற்றி பாடிடும் பெண்ணாக வேண்டும் !
பசுமையை தாங்கிய நிலம் வேண்டும் !
பசுக்கள் மீதும் கருணை வேண்டும் !
இயற்கையோடு ஒன்றிட வேண்டும் !
செயற்கைக்கு முற்றுப்புள்ளி வைத்திட வேண்டும் !
தினம் தினம் புதிதொரு நட்பு வேண்டும் !
புன்னகை தேசத்தில் உலவிட வேண்டும் !
சுயநலமில்லாத உள்ளம் வேண்டும் !
சுரப்பது அன்பாய் இருத்தல் வேண்டும் !
ஜாதிகள் ஜ்வாலையால் எரித்திட வேண்டும் !
இனம் மறந்து இணையும் இதயம் வேண்டும் !
மதங்களை சமப்படுத்தும் பார்வை வேண்டும் !
உயிரை உயிராய் மதிக்க வேண்டும் !
எழுதுகோளை துறக்காத விரல்கள் வேண்டும் !
எண்ணங்களுக்கு உயிர் தர வேண்டும் !
தமிழ் பேசுவதில் திமிர் வேண்டும் !
உயிர்பிரியும் வேளையிலும் தமிழ்ப்பற்று வேண்டும் !