Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Chillzee KiMo

Chillzee KiMo Only BooksChillzee KiMo Books

1 1 1 1 1 Rating 5.00 (2 Votes)
சிறுகதை - பிப்ரவரினா ப்ரபோஸ் (February - love Propose) – சசிரேகா - 5.0 out of 5 based on 2 votes
Pin It

சிறுகதை - பிப்ரவரினா ப்ரபோஸ் (February - love Propose) – சசிரேகா

propose

கும்பகோணம்

12-வது வகுப்பறையில்

டேய் முதல் பென்ஞ்சில மல்லிப்பூ வைச்சிட்டு இருக்கா பாரு, அவள் அழகா இருக்காள்ல” என ஆர்வமாக சுப்ரமணி என்கிற சுப்பு தன் நண்பன் மணியிடம் கேட்க அதற்கு அவனும் பூ வைத்த பெண்ணைப் பார்த்துவிட்டு சுப்புவிடம்

”யாரு அவளா? அவள் பேரு கூட வித்யா தானே”

”ஆமாம்”

”அழகாதான் இருக்கா ஆனா, வேணாம் சுப்பு அவள் பஞ்சாயத்து தலைவர் பொண்ணு, நீ ஏதாவது செஞ்சி பிரச்சனை ஆனா அவ்ளோதான் பஞ்சாயத்து நடக்கும் உன் அண்ணனுக்குத் தெரிஞ்சா என்னாகும் யோசி”

“அண்ணாக்கு தெரியாம எப்படியாவது நான் அவகிட்ட என் லவ் சொல்லப் போறேன்”

“லவ்வா எப்ப இருந்து நீ அவளை காதலிக்கிற”

“அவள் இந்த க்ளாஸ்க்கு வந்ததிலிருந்து”

“அவள் வந்தே 6 மாசம்தானே ஆகுது”

“இருக்கட்டுமே அவளை நான் போனவருஷம் வேற ஸ்கூல்ல பார்த்தேன். 10வது முடிச்சிட்டு பாலிடெக்னிக் போகாம இந்த ஸ்கூல்ல சேர்ந்துட்டா, என்னோட அதிர்ஷ்டத்தைப் பாரேன். அவளுக்காக நான் பாலிடெக்னிக் படிக்கனுமான்னு பயந்தேன் ஆனா, அவளே இங்க வந்துட்டா ப்ளஸ்டூ பரிட்சை முடியட்டும், அவள் எந்த காலேஜ்ல படிக்கறாளோ அதே காலேஜ்ல நானும் சேர்ந்து ஒண்ணா படிச்சி அவளை நான் கல்யாணம் பண்ணிக்குவேனே” என்றான் சுப்பு ஆசையாக

“சரிடா ஆனா அவள் பெரிய இடத்து பொண்ணாச்சே”

”எல்லாம் நான் பார்த்துக்கிறேன்” என அவர்கள் இருவரும் பேசிக் கொண்டிருக்க வாத்தியார் கத்தினார்

”டேய் சுப்பு அங்க என்ன வெட்டிப்பேச்சு, ஒழுங்கா படிக்கறதில்லை ஆனா பேச்சுக்கொண்ணும் குறைச்சல் இல்லை ஒழுங்கா பாடத்தை கவனி” என முழு வகுப்புக்கும் கேட்குமாறு கத்த அவனுக்கு வெறுப்பே வந்தது

”இந்தாளு தொல்லை தாங்க முடியலை. வித்யாக்கு லவ் சொல்றதுக்கு முன்னாடி இந்தாளு பொண்ணு வனஜாவுக்கு லவ் சொல்லியிருக்கனும்னு தோணுது, அப்பதான் என்னை திட்டாம இருப்பாரு”

“டேய் வேணாம்டா ஏதாவது ஒரு பொண்ணோட இரு, வனஜாக்கு நீ லவ் சொன்ன உன் சீட்டு கிழிஞ்சிடும் இந்த வாத்தியார்தான் அடுத்த வருஷம் நமக்கு பிரின்சிபாலா வரப்போறாரு”

“தெரியும் அதனாலதான் விட்டேன். ஆனா இந்த முறை இவளை நான் விடறதாயில்லை”

“சரி பரவாயில்ல இந்த மாசம் பிப்ரவரிதான், காதலர் தினம் வரப்போகுது அன்னிக்கு சொல்லிடு அன்னிக்கு ஸ்கூல் லீவு விடமாட்டாங்க உனக்கு வசதிதான்”

“எதுக்குடா அத்தனை நாள் காத்திருக்கனும் இன்னிக்கே சொல்றேன்”

”சரி முயற்சி பண்ணு ஆனா பார்த்துடா நீ மாட்டி, என்னை மாட்ட வைச்சிடாத” என சொல்லும் போதே பெல் அடிக்கவும் அடுத்து கணக்கு வாத்தியார் வந்தார். சுப்புவின் அண்ணன் பிரபு

”டேய் அண்ணா வந்துட்டாரு அமைதியா இரு” என சொல்லி பாடத்தையும் வித்யாவையும் மாறி மாறிப்பார்த்துக்  கொண்டே நேரத்தை ஓட்டினான்.

மாலை பெல் அடிக்கவும் அனைவரும் எழுந்து வெளியே செல்ல சுப்பு மட்டும் அவசரமாக வித்யாவை தேடிச் சென்றான்

”வித்யா வித்யா” என அழைக்க அவளும் திரும்பினாள். பள்ளி சீருடை பாவாடை தாவணியில் இருந்தாள். அவனும் பள்ளி சீருடையில் இருந்தான். ப்ளு கலருக்கு வெள்ளை நிற தாவணி, அவனும் ப்ளூ பேன்ட்க்கு வெள்ளை நிற சர்ட் அணிந்திருந்தான். அவள் முன் தயங்கியபடி வேரத்து விறுவிறுத்து நின்றான்.

”என்ன சுப்பு” என்றாள்

”அது அது உன்கிட்ட ஒண்ணு சொல்லனும்”

“சொல்லு”

“அதான் எப்படி சொல்றதுன்னு யோசிக்கறேன்”

“என்ன விசயம் சுப்பு”

“அது அது எப்படின்னா அது நான் வந்து உன்னை நான் அது முன்ன நீ படிச்ச ஸ்கூல்ல உன்னைப் பார்த்தேன்”

”ஓ அப்படியா சரி வேற”

“இதான் சொல்ல வந்தேன்” என வியர்த்து போய் பயத்துடன் அவளை விட்டு விலகி ஓடினான்.

சைக்கிள் ஸ்டான்டிடம் வந்து மூச்சிரைத்து நின்றான்

”என்னடா சுப்பு என்னாச்சி லவ் சொல்லிட்டியா” என மணி கேட்க

”இல்லைடா முடியலை, பயமா இருந்திச்சி அதான்” என சுப்பு சொல்ல

”சரி விடு எப்படியோ 6 மாசம் கழிச்சி பேசவாவது செஞ்சியே, பரவாயில்ல விடு ப்ளஸ்டூ வரைக்கும் அவள் இங்கதானே இருப்பா பொறுமையா சொல்லிக்கலாம்”

  •  Start 
  •  Prev 
  •  1  2  3  4 
  •  Next 
  •  End 

Add comment

Comments  
# RE: சிறுகதை - பிப்ரவரினா ப்ரபோஸ் (February - love Propose) – சசிரேகாvijayalakshmi 2018-05-28 13:36
:clap:
Reply | Reply with quote | Quote
# RE: சிறுகதை - பிப்ரவரினா ப்ரபோஸ் (February - love Propose) – சசிரேகாராணி 2018-05-28 13:30
கதை நல்லாயிருக்கு :clap:
Reply | Reply with quote | Quote
# RE: சிறுகதை - பிப்ரவரினா ப்ரபோஸ் (February - love Propose) – சசிரேகாராஜேந்திரன் 2018-05-28 13:26
nice story :cool:
Reply | Reply with quote | Quote
# RE: சிறுகதை - பிப்ரவரினா ப்ரபோஸ் (February - love Propose) – சசிரேகாmadhumathi9 2018-05-27 14:16
:clap: nice story. (y) but padikkira vayasula kadhal avvalavu sariya padala.
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top