Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu
 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
1 1 1 1 1 Rating 5.00 (1 Vote)
சிறுகதை - தாயிற் சிறந்த கோயிலுமில்லை! - ரவை - 5.0 out of 5 based on 1 vote
Pin It

சிறுகதை - தாயிற் சிறந்த கோயிலுமில்லை! - ரவை

mother

ம்மா காரசாரமாக அப்பாவிடம் பேசிக்கொண்டிருந்ததைக் கேட்ட சரவணன், ஒரு முடிவுக்கு வந்தான். அந்த முடிவை எவருக்காகவும் மாற்றிக்கொள்ளக்கூடாது என மனதில் வைராக்கியத்தை ஏற்றிக்கொண்டான்.

" இத பாருங்க! உங்க தம்பிங்க மூணுபேரும் ரொம்ப கெட்டிக்காரங்க! உங்க காலிலே விழுந்து ' அண்ணா! உங்களைப் போல உண்டான்னு', ரெண்டு வார்த்தை சொன்னவுடனே, உங்களுக்கு உச்சி குளிர்ந்து, அவங்க சொல்றதுக்கெல்லாம் தலையாட்டிவிட்டு, என் தலையிலே பாரத்தை போடுவீங்க! நான் ஒண்ணும் கல்யாணமாகி புதுசா குடித்தனம் பண்ண வந்த இருபத்தைந்து வயசு பொண்ணல்ல; எனக்கு ஐம்பது வயசாயிடுத்து, கல்யாணமாகி இருபத்தைந்து வருஷமாயிடுத்து, இதுவரையிலே நாம என்ன சுகத்தைக் கண்டோம்? .........."

" சுகன்யா! இப்ப என்னாயிடுத்துன்னு, இப்படி எண்ணெயிலே போட்ட கடுகு மாதிரி, வெடிக்கிறே?....."

" இன்னும் என்ன நடக்கணும்? உங்க அம்மாவுக்கும் தம்பிகளுக்கும் பணத்தாலேயும் உடம்பாலேயும் நாம நிறைய செய்தாச்சு! உங்களுக்கு இருபது வயதிலே, உங்கப்பா உங்க தலையிலே பாரத்தை இறக்கிவைச்சிட்டு கண்ணை மூடிட்டார். அன்னியிலிருந்து முப்பத்தைந்து வருஷமா, என்னையும் என் பிள்ளையையும் கவனிக்கக்கூட நேரமில்லாம, அம்மா, தம்பிகளுக்கு நீங்க செஞ்சது போதும். இனிமேலாவது, உங்களை நம்பி வந்திருக்கிற என்னையும், நம்மை நம்பி பிறந்திருக்கிற ஒத்தைப் பிள்ளையையும் கவனிங்கன்னு சொல்றேன்........"

சுகன்யா சொன்னதில் தவறில்லை என்பதை, நடராஜனும் ஒப்புக்கொண்டாலும், வயதான தாயாரை அவள் வாழ்வின் இறுதிக் காலத்தில் கூட வைத்துக்கொண்டு பராமரிக்கமாட்டேன் என எப்படி சொல்லமுடியும்?

Pencilஹாய் பிரெண்ட், அத்தியாயத்தை படித்து விட்டு, உங்கள் கருத்தை பகிர மறக்காதீர்கள். உங்கள் ஒவ்வொரு கமன்ட்டும் எழுத்தாளருக்கு மிக பெரிய டானிக். உங்கள் கமண்ட்டை பகிர இதை க்ளிக் செய்யுங்கள் down

" சுகன்யா! நீ சொல்றதெல்லாம் சரி, ஆனா பெற்ற தாயை, அவளுடைய இறுதி நாட்களிலே, காப்பாற்ற முடியாதுன்னு எப்படி அவளை வராதேன்னு அவ வயிற்றிலே பிறந்த நான் சொல்றது?"

" ஏன், மூணு தம்பிகளுக்கு அந்தக் கடமை இல்லையா?"

" ஒருத்தன் துபாயிலே இருக்கான், அம்மாவுக்கு துபாய் வெயில் தாங்காது! அடுத்தவன், டில்லியிலே இருக்கான், டில்லி வெயிலும் சரி, குளிரும் சரி, ஆஸ்த்மாக்காரி அம்மாவுக்கு ஒத்துக்காது, மூணாவது தம்பியின் பெண்டாட்டி, ஒரு பஞ்சாபி! மாமிசம் சாப்பிடறவ! அவ சமைக்கிற சாப்பாட்டை அம்மா சாப்பிடமாட்டா! நான் ஒருத்தன்தான் சென்னையிலே இருக்கேன், நான்தான் அம்மாவை கவனிச்சுக்கணும். அப்பா காலமானபிறகு இவ்வளவு வருஷங்களிலே, அம்மா ஒருமுறைகூட நம்மோடு ஒருநாள் தங்கினதில்லே, தன்னந்தனியா அவ சீர்காழியிலே, யாருக்கும் பாரமா இருக்கக்கூடாதுன்னு, இருந்துட்டா! இப்ப அவளாலே தனியா இருக்கமுடியலே, அதனாலேதான்......."

" அதென்ன ஒருபக்கமாவே பேசறீங்க? உங்களுக்கு மனசாட்சியே கிடையாதா? அம்மா, அம்மா, அம்மா! எப்பவுமே அம்மாதானா? தவறிக்கூட என்னைப்பற்றி நினைக்கவே மாட்டீங்களா? தைராய்ட் தொந்தரவினாலே, நான் செத்துப் பிழைச்சது மறந்துட்டீங்களா? மைக்ரேன் தலைவலியினாலே, துடிக்கிறதை பார்த்ததில்லையா? போதாக்குறைக்கு, இப்ப மெனோபாஸ் தொந்தரவு வேற! எப்ப கொட்டுமோன்னு பயந்து சாகிறேன், உங்களுக்கோ ஆபீஸ் வேலையிலே, வீட்டிலே இருக்கிற நேரமே குறைவு! சரவணன் பாவம்! சேர்ந்திருக்கிற புது வேலையிலே, ராப்பகலா அலையவேண்டியிருக்கு, வீட்டிலே நம்ம மூணுபேருக்கே இடம் போறலை, வேலைக்காரி வேற வேலையிலிருந்து நின்னுட்டா! மனசாட்சியை தொட்டு சொல்லுங்க! உங்கம்மாவை என்னாலே பார்த்துக்கமுடியுமா?........."

நடராஜன் வாயடைத்து நின்றார்!

சரவணன் இவர்களின் பேச்சை கேட்கவே பிடிக்காமல், வெளியேறினான்.

"சுகன்யா! சீர்காழியிலிருந்து, நம்ம பக்கத்து வீட்டு மூர்த்தி போன் பண்ணினான்......"

" அம்மாவுக்கு இழுப்பு ரொம்ப மோசமாயிருக்கு, உடனே வந்து அழைச்சிண்டு போங்கன்னு சொல்லியிருப்பானே!"

" ஆமாம்!"

" உடனே ஓடிப்போய் கூட்டிண்டு வந்து நிக்காதீங்க! முதல்லே, உங்க தம்பிங்க மூணுபேருக்கும் போன் பண்ணி விஷயத்தை சொல்லி, பணம் அனுப்பச் சொல்லுங்க! நம்ம வீட்டுக்கு பக்கத்திலிருக்கிற ஆஸ்பத்திரியிலே அம்மாவை அட்மிட் பண்ணி ட்ரீட்மெண்ட் கொடுக்கப்போறோம், நிறைய செலவாகும். மொத்த செலவையும் நீங்கதான் ஏத்துக்கணும். என்னாலே முடிந்தது, தினமும் போய் அம்மாவை பார்த்துக்கிறதுதான்!னு தெளிவா சொல்லி உடனே பணம் அனுப்பச் சொல்லுங்க!"

" நீ சொல்றதும் சரிதான்! ரெண்டுமூணு நாளிலே பணம் கைக்கு வந்ததும், சீர்காழி போய் அம்மாவை அழைச்சிண்டு வந்து ஆஸ்பத்திரியிலே அட்மிட் பண்ணிடுவோம்........."

இவர்கள் பேச்சை வெளிவராந்தாவில் நின்று கேட்டுக்கொண்டிருந்த சரவணன், வீட்டுக்குள் நுழையாமல், வெளியேறினான்.

"சுகன்யா! காலையிலே வெளியிலே போன சரவணனை இன்னும் காணோமே, எங்கே போயிருப்பான்? உங்கிட்ட ஏதாவது சொல்லிட்டுப் போனானா?"

  •  Start 
  •  Prev 
  •  1  2 
  •  Next 
  •  End 
Add comment
Dear readers, Comments feature is provided for sharing your comments about this article.
Please restrain from using it for other purposes.
Chillzee.in reserves all rights to remove / modify any irrelevant / inappropriate comments without any prior notification.
To read our Comment / Forum rules, please visit Chillzee Comments & Forum Rules.Thank you.
If you have any queries please contact administrator @ admin@chillzee.in

Comments  
# RE: சிறுகதை - தாயிற் சிறந்த கோயிலுமில்லை! - ரவைabimahesh 2019-03-01 21:26
Romba azhagana kathai Sir.. Thank you :-)
Reply | Reply with quote | Quote
# RE: சிறுகதை - தாயிற் சிறந்த கோயிலுமில்லை! - ரவைRaVai 2019-03-01 21:38
நன்றி, அபிமகேஷ்!
Reply | Reply with quote | Quote
# RE: சிறுகதை - தாயிற் சிறந்த கோயிலுமில்லை! - ரவைmadhumathi9 2019-02-28 15:52
Vaaltugal :clap: :clap: miga nalla kathai. (y) mikka nandri aiya. :hatsoff: :GL:
Reply | Reply with quote | Quote
# RE: சிறுகதை - தாயிற் சிறந்த கோயிலுமில்லை! - ரவைRaVai 2019-02-28 17:29
மிக்க நன்றி, மதுமதியம்மா! பெண்ணினமே அன்பின் சின்னம்! அதிலும் தாய் தியாகமூர்த்தி!
Reply | Reply with quote | Quote
# RE: சிறுகதை - தாயிற் சிறந்த கோயிலுமில்லை! - ரவைkarna 2019-02-28 10:03
அம்மா ஒற்றை வார்த்தை பெரிய அகராதி.இந்த பதிவிற்கு நன்றி ஐயா
Reply | Reply with quote | Quote
# RE: சிறுகதை - தாயிற் சிறந்த கோயிலுமில்லை! - ரவைRaVai 2019-02-28 10:35
நன்றி, கர்ணா! எனக்குத் தெரியும், தாய்க்குப் பிறந்த மக்களுக்கு தாயின் நினைவும், அவளைப்பற்றிய புகழ்ச்சியும் தேனினும் இனிக்குமென்று!
இந்தத் தாய்க்குலத்தை எல்லா பெண்களையுமே மனதார வணங்கத் துவங்கிவிட்டால், உலகம் உய்யும்!
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top