Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu
 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
1 1 1 1 1 Rating 5.00 (1 Vote)
சிறுகதை - இதில் யாருக்கும் வெட்கமில்லை! - ரவை - 5.0 out of 5 based on 1 vote
Pin It

சிறுகதை - இதில் யாருக்கும் வெட்கமில்லை! - ரவை

woman

 "தோ போறாளே, பொதிமாடுமாதிரி, அவ யாரு?"

" அவளா? ஒரு பொம்பளை வளர்த்த ஆம்பளை!"

" பார்த்தாலே தெரியுது, அடங்கா பிடாரின்னு!"

" அவ காதிலே விழுந்துடப் போவுது, நம்மை நார் நாரா கிழிச்சிடுவா, வா! போகலாம்!"

 எப்படியிருக்கு, ஒரு பெண்ணைப் பற்றி இரண்டு ஆண்களின் விமரிசனம்!

 கவனிச்சீங்களா, அவ இப்படி இருக்கறதுக்கு காரணம், அவளை வளர்த்தது, அவள் தாயாம்! தகப்பன் வளர்த்திருந்தால், இப்படி இருக்கமாட்டாளாம், ஒரே கல்லிலே ரெண்டு மாங்காய்னு சொல்றமாதிரி, ஒரு விமரிசனத்திலே அம்மா, பெண் இரண்டுபேர் மீதிலும், சேற்றை வாரி இறைத்ததை!

 ஆண்பிள்ளை வயிற்றிலே கருவாகி பிரசவமான ஒரு உயிர் காட்டமுடியுமா?

 பெண் வயிற்றிலே கருவாகி உருவாகி பிறந்து தாய்ப்பால் குடித்து வளர்ந்தவங்கதானே, எல்லா ஆண்களும்! பின் ஏன் மற்ற பெண்களை இப்படி அநாகரிகமாக வசை பாடுகிறார்கள்!

 ஆமாம், ஆண், ஒருத்தியை ஆசைகாட்டி மோசம் செய்துவிட்டு, பொறுப்பில்லாமல், ஓடிவிட்டால், அந்த ஒருத்தி, தான் பெற்ற குழந்தையுடன் தற்கொலை செய்துகொண்டு சாகவேண்டியதுதானா?

 அவள் சமுதாயத்தில் துணிந்து எதிர்நீச்சல்போட்டு, மகளை வளர்த்து, ஆளாக்கக்கூடாதா?

 அந்த மகளும் மற்றவர்களைப் போல, தலைநிமிர்ந்து வாழக்கூடாதா?

 சமுதாயத்தில் இரட்டை வேடம் போடுகிற ஆண்களின் கூட்டம் அன்றுதொட்டு இன்றுவரை பெருகி வருகிறதே தவிர, குறைவதாகவே தெரியவில்லை!

 " ஆணும் பெண்ணும் நிகரெனக் கொள்வதால், அறிவிலோங்கி இவ்வையம் தழைக்குமாம்" என்றான் முண்டாசுக் கவிஞன்!

 " மாதர்தம்மை இழிவு செய்யும் மடமையை கொளுத்துவோம்!" என்றான் கூடவே!

 அவன் காலத்தில் கூடுதலாகவே இருந்திருக்குமோ, பெண்களை இழிவு செய்வது!

 நீங்களே நியாயத்தை சொல்லுங்கள்! அந்தப் பெண் ஆம்பளைமாதிரி இருக்கான்னு வசை பொழியறாங்களே, அவ வேறெப்படி இருக்கமுடியும்? அவள் பார்க்கிற வேலை அப்படி, ஆம், அவள் ஒரு பெண் போலீஸ்!

 அவள் படிப்புக்கும் ஏழ்மைக்கும், கலெக்டர் உத்தியோகமோ, ஆபீஸர் பதவியோவா கிடைக்கும்?

 எதற்கும் அஞ்சாமல், அவள் பணியில் சேர்ந்து ஐந்தாண்டுகள் ஆகிவிட்டன! அவள் தாய்க்கு இப்போது, அவள்தான் பாதுகாப்பு! 

 " டேய்! அவங்க போலீஸோட அம்மாடா! மரியாதையா நடந்துக்க!"

 பொதுமக்கள், போலீஸ் கண்டு மிரளலாம், போலீஸ் மிரளுமோ?

 போலீஸ்கார மகளுக்கும் அந்த சிக்கல் நிறையவே ஏற்பட்டது!

 இந்த ஒரு விஷயத்தில், ஆண்களுக்குள் பதவிபாகுபாடே கிடையாது. ஆம், சக போலீஸ்காரனிலிருந்து, உயர் போலீஸ் அதிகாரி வரை எல்லாரும் ஒரேமாதிரிதான் அசடு வழிந்தார்கள். 

 சாமர்த்தியமாக, அவர்களை விரோதித்துக்கொள்ளாமலும், அதே சமயம் பலியாகாமலும், அவள் சமாளித்து வந்தாள்.

 தாயிடம் நடப்பவைகளை சொல்லி, "ஏம்மா! எல்லா ஆம்பளைங்களும் இந்த விஷயத்திலே ஒரே மாதிரி நடந்துக்கிறாங்க? அவங்களுக்கு வீட்டிலே தாய், சகோதரி, மகள் யாருமே கிடையாதா? அவர்களிடமும் இப்படித்தான் நடந்துகொள்வார்களா? அப்படியென்ன இருக்கு, இந்த பெண்ணுடலில்!"

 தாய் மகளை அணைத்துக்கொண்டு, ஆறுதல் கூறுவாள்.

 " ஒரு நிமிட, ஒரே ஒரு நிமிட, சுகத்துக்காக, நாயாய் பேயாய் அலைகிற ஜன்மங்கள், எல்லா காலத்திலும் உண்டு. கேவலம் என்னன்னா, அந்த சுகமும் உண்மையல்ல; மனம் அப்படி உணருகிறது! இல்லாதவைகளையெல்லாம் இருப்பதாக நினைத்து மயங்குகிறது! 

உடலில் உள்ள மேடும் பள்ளமும் பார்க்கிறவங்க கண்களிலே கற்பனைகளை ஊட்டி தடுமாற வைக்கிறது. அதிலும் தனக்கென்று வாழ்க்கைப்பட்டவளிடம் பார்த்தபின்பும், பிறரிடம் அதையே தேடுகிற, மோகிக்கிற, கொடுமை இருக்கிறதே, ச்சே! நாயினும் கேவலம்!இந்த விஷயத்தில் பெண்களும் தவறு செய்வதும் உண்டு. 

 நீயும் நானும் வயிறு காயாமலிருக்க, வாழ்கிறோம், அவர்கள் உண்ட சோறு ஜீரணமாகாமல் உருண்டு புரளுகிறார்கள்! அந்த வேங்கைகளுக்கு இரையாகாமல் போராடுவதே நமக்கு வாழ்க்கை ஆகிவிட்டது.

 இதற்கு ஒரு விடிவுகாலம், இறைவன், எப்படி நமக்கு அமைத்து தரப்போகிறான் என்பதைத்தான் நான் ஒவ்வொருநாளும் கவனித்துக் காத்திருக்கிறேன்............"

 " அம்மா! நானும் அந்த நம்பிக்கையிலேதான் வாழ்கிறேன். எனக்கென்னவோ, கிழக்கில் உதிக்கும் சூரியன் தன் பணியை எதைப்பற்றியும் கவலைப்படாமலும், எதையும் எதிர்பார்க்காமலும், வானில் பவனி வந்து மாலையில் மேற்கில் மறைகிறதோ, அதுபோல், நாமும் உறங்கி, உண்டு, விழித்து, உழைத்து, இயந்திரம்போல் வாழ்வோம்!"

  •  Start 
  •  Prev 
  •  1  2  3 
  •  Next 
  •  End 

Add comment
Dear readers, Comments feature is provided for sharing your comments about this article.
Please restrain from using it for other purposes.
Chillzee.in reserves all rights to remove / modify any irrelevant / inappropriate comments without any prior notification.
To read our Comment / Forum rules, please visit Chillzee Comments & Forum Rules.Thank you.
If you have any queries please contact administrator @ admin@chillzee.in

Comments  
# RE: சிறுகதை - இதில் யாருக்கும் வெட்கமில்லை! - ரவைhari k 2019-04-26 14:57
superbbb story sir....pengalin nilamaya ivlo crcta solirukiga awesome sir.... :hatsoff: :hatsoff:
Reply | Reply with quote | Quote
# RE: சிறுகதை - இதில் யாருக்கும் வெட்கமில்லை! - ரவைரவை. 2019-04-26 16:28
Thanks Hari! Your concurrance with my views is a great success to my story!
Reply | Reply with quote | Quote
# RE: சிறுகதை - இதில் யாருக்கும் வெட்கமில்லை! - ரவைmadhumathi9 2019-04-26 12:02
:clap: nalla kathai.unmaiyil nadappathai appadiye ezhuthi irukkireergal.vaaltugal. :clap: eppothaan thiruntha pigiraargalo intha maathiri piravigal? Viththiyaasamaana kathai karu kondu ezhuthi asathureenga sir. :GL:
Reply | Reply with quote | Quote
# RE: சிறுகதை - இதில் யாருக்கும் வெட்கமில்லை! - ரவைரவை. 2019-04-26 13:07
மிக்க நன்றி மதுமதிம்மா! தாங்கள் தருகிற உற்சாகத்தின் வீச்சில், இன்னும் நிறைய சாதிக்க முடியும் என நம்புகிறேன்.
Reply | Reply with quote | Quote
# RE: சிறுகதை - இதில் யாருக்கும் வெட்கமில்லை! - ரவைJebamalar 2019-04-26 11:18
Nice story sir... ஒவ்வொரு கதையும் ஒவ்வொரு விதமாக உண்மை நிலையை எடுத்துக் காட்டுவதாக உள்ளது. இன்னும் எழுதுங்கள்.. தங்களின் வார்த்தைகள் என்னும் கத்தி துஷ்டர்களை நிர்மூலமாக்கி சமுதாயத்தில் சுதந்திர காற்றை வீச செய்யட்டும்...
Reply | Reply with quote | Quote
# RE: சிறுகதை - இதில் யாருக்கும் வெட்கமில்லை! - ரவைரவை. 2019-04-26 11:31
மிக்க நன்றி, ஜெபமலர்! எல்லோருக்கும் இந்தக் கொடுமை தெரிந்திருந்தும், சுயநலமாக, கண்டும் காணாத்துபோல, நழுவுகிறார்கள்! பெண்ணினம் தலை நிமிரவேண்டாமா? சரிபாதி மக்கட்தொகை, பெண்கள்தான்! அவர்களுக்காக பேசுகிறேன், உங்களைப் போன்றவர்களின் ஆதரவு என் பணியை மேலும் தீவிரமாக்கும்! வாழ்த்துக்கள்!
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top