Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Login

Menu
 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
Pin It

19. புயலுக்கு பின் – வினோதர்ஷினி

ன்று மாலை சஞ்சய் சாந்தியை, கைபேசியில் அழைத்தார். அவரின் எண்ணை பார்த்து விட்டு, மிக்க ஆர்வத்துடன், சற்றே வேகமாக துடிக்கும் இதயத்துடன் எடுத்து பேசினாள் சாந்தி.
"ஹலோ சஞ்சய் சார்... சொல்லுங்க...."

"மேடம்... காலையிலே பேசின விஷயம் பத்தி என்னோட பார்ட்னர்ஸ் கூட பேசி ஒரு முடிவு எடுத்திருக்கேன்..."

அவர் சொல்ல தயங்கவும், சாந்தியின் இதய துடிப்பு இன்னும் அதிகரித்தது.
"பரவாயில்லை சார்.. எதுவா இருந்தாலும் சொல்லுங்க..."

"இல்லை மேடம்... உங்க கம்பெனிக்கு இப்போ வந்திருக்குற கெட்ட பேர், தரம் சரியா இல்லாததினால தானே? உங்களோட நாங்க போட்ட ஆக்ரீமேன்ட்டை நாங்க எத்துக்குறோம் ஆனால் நீங்க எங்களுக்கு கொடுக்குற பொருள் எல்லாம் எந்த விதத்திலும் தரத்தில கம்மியானதா இருக்க கூடாது....."

"புரியலையே சார்.... அப்படி தானே இப்போவும் நடக்குது?"

"இல்லை மேடம்.. பொதுவா ஒரு லாட்டுக்கு இத்தனை பீஸ் கொஞ்சம் சொன்ன டைமேன்ஷன்ல இருந்து மாறினாலும் பரவாயில்லை அப்படின்னு இருக்கு... ஆனால் இப்போ நாங்களும் கொஞ்சம் கண்டிப்பா தரம் எல்லாம் பார்க்க வேண்டி இருக்கு... அதனால இந்த மாதிரி லீனியன்ட்டா இருக்க முடியாது...."

சாந்திக்கு சற்றே அதிர்ச்சி தான்... சஞ்சய் சொல்வது போல் நடக்க வேண்டும் என்றால் ஒரு சின்ன குறையும் இல்லாமல் பொருட்களை டெலிவரி செய்ய வேண்டும்... சொல்வதற்கு சுலபமாக இருந்தாலும், இது எவ்வளவு கடினமான விஷயம் என்பது அவளுக்கு புரிந்தது. அவளின் மௌனத்தின் காரணத்தை புரிந்துக் கொண்ட சஞ்சய்,
"எனக்கு புரியுது மேடம்... ஆனால், அரவிந்த் சார் எங்களுக்கு செஞ்சிருக்கும் உதவிக்கு என்னால முடிஞ்ச அளவு பேசி உங்களுக்காக இதை செஞ்சிருக்கேன்.. இதுக்கு மேல என்னால அவங்களோட மனசை மாத்த முடியலை மேடம்..."

"எனக்கு புரியுது சார்...."

"உங்க ஆபிசில இருந்து நாளைக்கு யாரையாவது அனுப்பி வைங்க, புதுசா போட்டிருக்கிற தரம் பத்தின ஆக்ரீமேன்ட்டை பத்தி பேசனும்..."

"சரி சார்..."

"ஒரு விஷயம் ஞாபகம் வச்சுகோங்க மேடம், ஒரு சின்ன பிரச்சனை என்றால் கூட நான் உங்களுக்கு உதவ முடியாது... இந்த கான்ட்ரேக்ட்டை கேன்சல் செய்து தான் ஆகனும்..."

"புரியுது சார்... சாதாசிவம் சாரை உங்களை வந்து பார்க்க சொல்றேன்..."

"சரி மேடம்....ஆனால் ஒன்னு சொல்லவா? உங்க கணவரோட நல்ல மனசுக்கு உங்களுக்கு எந்த பிரச்சனையும் வராது... கவலையே படாதீங்க...."

மற்றபடி எப்படியோ, இப்போது கலங்கி இருந்த நிலையில், சஞ்சயின் வார்த்தைகள் அவளுக்கு புத்துணர்ச்சி அளித்தது.
"தேங்க்ஸ் சஞ்சய் சார்..." என்றாள் சற்றே தெளிந்து விட்ட குரலில்.

றுநாள் சதாசிவத்திடம், விஷயத்தை கூறி சஞ்சய்யை சென்று பார்க்க சொன்னாள். பின் அருணாவை அழைத்து வங்கி லோன் எந்த நிலையில் இருக்கிறது என்பதை அறிந்து வர சொன்னாள். அன்று மதியம் அவள் சுகந்தியை பார்ப்பதாக திட்டம். இப்போதிருக்கும் நிலையில் சுகந்தியிடம் தன்னால் சரியாக பேச முடியுமா என்று அவளுக்கு சந்தேகமாக இருந்தது. எந்த கோணத்தில் சிந்தித்தாலும், சுகந்தி மீது அவளுக்கு இரக்கம் வர மறுத்தது. பேசாமல் இன்று போகாது இருந்து விடுவோமா என்று சிந்தித்தவள், உடனேயே மனதை மாற்றிக் கொண்டாள். சுகந்தியை இன்று சந்திப்பதனால் எந்த பிரச்சனையும் மாற போவதில்லை. அத்தோடு அவள் சுகந்தியிடம் கோபமாக பேசினாள் அதில் தவறுமில்லை. மனதில் முடிவு செய்த பிறகு, குழப்பம் காணாமல் போனது. வழக்கமான வேலைகளை முடித்து விட்டு, மூன்று மணி அளவில் சுகந்தியை சந்திக்க கிளம்பினாள். சுகந்தி அவளை அவர்கள் வீடு அருகில் இருந்த கோயிலுக்கு வர சொல்லி இருந்தாள்.

கோவிலை அடைந்து சுகந்தியை தேடினாள் சாந்தி. மதிய நேரம், கோவிலில் சாமி தரிசனம் இல்லை என்பதால் கூட்டமும் இல்லை. ஒன்றிரண்டு பெரியவர்கள் மட்டுமே அங்கங்கே அமர்ந்து பேசிக் கொண்டிருந்தனர். சுகந்தி கண்ணில் படாமல் போகவே சற்றே குழப்பம் அடைந்தவள், என்ன செய்வது என்று யோசித்தாள். சுகந்தியின் கைபேசி எண்ணும் அவளிடம் இல்லை.... அவள் குழம்பி கொண்டிருக்கும் போதே, அவளின் கைபேசி சினுங்கியது. புது எண் என்பதை பார்த்து தெரிந்துக் கொண்டு, சற்று யோசனையுடனே எடுத்து,
"ஹலோ.." என்றாள்.

"ஹலோ சாந்தி.... நான் சுகந்தி பேசுறேன்... கோவிலுக்கு வந்துட்டீங்களா?"

"ஆமாம் சுகந்தி, நான் கோவில்ல தான் இருக்கேன் நீங்க எங்கே இருக்கீங்க?" என்றாள் சாந்தி சற்றே ஆச்சர்யத்துடன்.

"நானும் கோவில்ல தான் இருக்கேன்.... கோவில் உள்ளே வாங்க... அங்கே நவகிரகம் பக்கத்தில வந்தீங்கனா ஒரு மண்டபம் இருக்கும்... நான் அங்கே தான் இருக்கேன்... வாங்க..."

"சரி சுகந்தி... நான் வரேன்...." என்று சொல்லி, அழைப்பை துண்டித்து விட்டு, உள்ளே சுகந்தி சொன்ன மண்டபத்தை தேடி ஒருவழியாக கண்டுபிடித்தாள் சாந்தி.

அங்கே ஒரு தூணின் அருகில் அமர்ந்திருந்த சுகந்தி, சாந்தியை கண்டதும் எழுந்து நின்றாள். மனதில் சுகந்தியின் மீது சற்று கோபத்துடனே வந்த சாந்திக்கு, ஏனோ அவளை அங்கே பார்த்த போது, மனதில் சற்றே இரக்கம் தோன்றியது.
"சாரி சாந்தி... உங்களை அலைய வச்சுட்டேனா?"

"இல்லை அதெல்லாம் இல்லை... ஆனால் நீங்க ஏன் இப்படி உள்ளே வந்து ஒளிஞ்சுட்டு இருக்க மாதிரி இருக்கனும்..."

"நாம ரெண்டு பேரும் பேசுறது எண் கணவருக்கு தெரிவது நல்லதில்லை.... சாரி..அது தான்..."

"ப்ச்... எனக்கு புரியலை சுகந்தி... எப்படி நீங்க இப்படி ஒரு வாழ்க்கை... சாரி... இது உங்க சொந்த விஷயம் தான்...."

"உங்களுக்கு எவ்வளவு அருவெறுப்பா இருக்கும்னு எனக்கு புரியுது சாந்தி.... என் வாழ்க்கைய பத்தி சொன்னால் உங்களுக்கு புரியுமான்னு எனக்கு தெரியலை...ஏன்னா உங்க கணவர் ஒரு கணவன் எப்படி இருக்கனுமோ அதுக்கு உதாரணமா இருக்கிறவர்... என்னோட கணவர் ஒரு கணவன் எப்படி இருக்க கூடாது என்பதற்கு உதாரணம்...."

"ம்ம்ம்..."

"உங்களுக்கு டைம் இருந்தால் வாங்க இப்படி உட்கார்ந்து பேசலாம்...."

சாந்தி சரி என தலை அசைக்கவும், இருவரும், ஒரு தூணின் அருகில் சென்று அமர்ந்தனர்.

"எனக்கு இப்போ எல்லாம் தோழின்னு கூட யாரும் இல்லை சாந்தி... நானே முடிஞ்ச அளவுக்கு தள்ளி இருப்பது தான்... என்னோட கணவர் அவங்க கிட்ட எப்படி நடந்துப்பார்ன்னு தெரியாது இல்லை...."

"இப்படி ஏதோ பழைய படத்துல வர மாதிரி வசனம் பேசுறதுக்கு, கன்னத்தில நாலு அறை கொடுத்துட்டு நீங்க வெளியே வந்திருக்கலாம் இல்லை...."

சுகந்தி முகத்தில் ஒரு வறண்ட புன்னகை தோன்றியது.
"அதெல்லாம் நிஜமாகவே அவ்வளவு ஈசியான விஷயமா சாந்தி? சொல்றதுக்கு சுலபமா இருக்கலாம்... ஆனால் நடைமுறை வாழ்க்கைக்கு..."

"என்னங்க நீங்க இன்னும் எந்த காலத்தில இருக்கீங்க?"

 

  •  Start 
  •  Prev 
  •  1  2 
  •  Next 
  •  End 
Add comment
Dear readers, Comments feature is provided for sharing your comments about this article.
Please restrain from using it for other purposes.
Chillzee.in reserves all rights to remove / modify any irrelevant / inappropriate comments without any prior notification.
To read our Comment / Forum rules, please visit Chillzee Comments & Forum Rules.Thank you.
If you have any queries please contact administrator @ admin@chillzee.in

Comments  
# RE: புயலுக்கு பின் - 19Sivasindhu 2012-07-13 21:49
please update tis story
Reply | Reply with quote | Quote
# RE: புயலுக்கு பின் - 19moni 2012-07-08 09:53
hi,
very nice story :D when is next update? plz update soon :-)
Reply | Reply with quote | Quote
# RE: புயலுக்கு பின் - 19Admin 2012-06-26 09:00
Hi All,
Updated the Puyalukku Pin series :-)
Will be updating all other series this week. So keep checking.

Thanks.
Reply | Reply with quote | Quote
# RE: புயலுக்கு பின் - 19moni 2012-07-12 18:33
waiting for next update 8) :zzz
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top