Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu

Chillzee KiMo - கதை பிரியர்களுக்கான Chillzeeயின் புதிய சேவை!

1 1 1 1 1 Rating 5.00 (2 Votes)
தொடர்கதை - ஐ லவ் யூ - 23 - Chillzee Story - 5.0 out of 5 based on 2 votes
Pin It

தொடர்கதை - ஐ லவ் யூ - 23 - Chillzee Story

I love you

வெற்றி கதையை கேட்டுவிட்டான் என்ற அதிர்ச்சியில் தமிழ்ச்செல்வியாக கதையை நிறுத்தும் வரை, சந்திரிகா, அரசி, ஏன் யசோதாவும் கூட அவளுடைய கதையின் உள்ளே போயிருந்தார்கள்.

இவன் ஏன் இங்கே நிற்கிறான் என்று அவள் எரிச்சல் பட, அந்த நேரத்தில் மற்ற மூன்று பேரும் மெல்ல மெல்ல கதை உலகத்தில் இருந்து வெளியே வந்தார்கள். வெற்றியும் கூட அவளுடைய கற்பனை கதையின் மாயாஜாலத்தில் இருந்து வெளியே வந்து அங்கிருந்து நகர்ந்து சென்றான்.

“ஏன் தமிழ் கதையை நிறுத்திட்ட?” – யசோதா

“நாங்க சந்திச்சதை கேட்டீங்க, சொன்னேன்ன்ன்ன்ன்”

“சந்திச்சதையா கேட்டேன் எப்படி லவ் செய்ய ஆரம்பிச்சீங்கன்னுல கேட்டேன்” – அரசி.

தமிழ்ச்செல்வி பாவமாக முகத்தை வைத்துக் கொண்டு அரசியை பார்த்தாள்.

“நான் சந்திச்ச கதையை தான அக்கா கேட்டேன். இருக்கட்டும் மெதுவா முழு கதையைக் கேட்டுக்கலாம்” – சந்திரிகா

சந்திரிகா தமிழ்ச்செல்விக்காக பரிந்து பேசியது யசோதா, அரசி இரண்டு பேருக்குமே ஆச்சர்யமாக இருந்தது.

யசோதாவும், தமிழ்ச்செல்வியும் அங்கிருந்து போன பிறகு மனதில் நினைத்ததை நேராக கேட்டாள் அரசி.

“அவ சொன்னது முழுக்க கற்பனைன்னு உனக்கும் தெரியும். அப்புறம் ஏன் அவளுக்கு வக்காலத்து வாங்குற?”

“பாவம் சின்ன பொண்ணு”

“ரொம்ப சின்ன பொண்ணு! உன்ன புரிஞ்சுக்கவே முடியலை சந்திரிகா! அவங்க டிராமாவை உடைக்கனும்னு சொல்ற, ஆனா நீயே உதவவும் செய்ற”

“வெற்றி வாயில இருந்து உண்மை வரணும்னு ஆசை படுறேன் ஆனா தமிழ்ச்செல்வி பாவம்”

“பாவம் பாவம்ன்னு சொல்ற. அவ ஒன்னும் விரலை சப்புற குழந்தை இல்ல. தெரிஞ்சே ஆள் மாறாட்டம் செஞ்சுட்டு இருக்கா”

Pencilஹாய் பிரெண்ட், அத்தியாயத்தை படித்து விட்டு, உங்கள் கருத்தை பகிர மறக்காதீர்கள். உங்கள் ஒவ்வொரு கமன்ட்டும் எழுத்தாளருக்கு மிக பெரிய டானிக். உங்கள் கமண்ட்டை பகிர இதை க்ளிக் செய்யுங்கள் down

“வேற வழி இல்லாம செய்றா. எனக்கு அவளை பிடிச்சிருக்குக்கா. வெற்றி காதலிக்குற பொண்ணு இவ இல்லாம போனா போகட்டும். இவளை என் பொண்ணா தத்தெடுத்துக்கலாம்னு தோணுது”

“உனக்கு கிறுக்கு தான் பிடிச்சிருக்கு. இவ மேல அப்படி பாசம் பாராட்டுறதுக்கு வெற்றி விரும்புற பொண்ணை கண்டுபிடிச்சு உன் பாசத்தை கொட்டு”

“அதெல்லாம் நடக்கும்ன்னு தோணலை. யோசிச்சு பாருங்க, வெற்றி நம்ம கிட்ட அவளை பத்தி என்ன சொன்னான். அவ பால் மாதிரி கலரு. சிரிச்சா அவ்வளோ அழகு, பார்த்தா அப்படி அழகு. கை பட்டு மாறி இருக்கும். நடந்தா தேரு மாறி இருக்கும். கண்ணு மீனு மாதிரி இருக்கும்

இதே தான்.

எப்போவாவது அவ குணம் இப்படி. நல்ல பண்பான பொண்ணு. இந்தளவுக்கு படிச்சிருக்கா. இப்போ இத்தகை செய்றா. அவ குடும்பம் இப்படின்னு எதையாவது சொல்லி இருக்கானா?

அவனுக்கு வந்திருக்கது காதலே இல்ல”

“எல்லா அம்மாக்களும் காலம் காலமா சொல்ற கதை தான இது?”

“இங்கே பாருங்க, நான் காதலுக்கு எதிரி கிடையாது. வெற்றி காதலிக்குறேன்னு சொன்ன பொண்ணு நல்ல பொண்ணா கெட்ட பொண்ணான்னு ஒரு விபரமும் தெரியாது. அவன் அதெல்லாம் சொல்லவும் மாட்டேங்குறான். அந்த பொண்ணை கண் முன்னாடி கொண்டு வரவும் மாட்டேங்குறான். நான் என்ன செய்ய?”

“வேற நல்ல பொண்ணா பார்த்து கல்யாணம் செஞ்சு வை’

“எனக்கு வேலையே இல்லாம உங்க மருமக தமிழ்ச்செல்வியை கொண்டு வந்திருக்காளே”

“என்ன சொல்ல வர நீ?”

“வெற்றி காதலிச்ச பொண்ணு இவ இல்லன்னு தெரியும். நம்ம கிட்ட போய் சொல்லிட்டு இருக்கான்னும் தெரியும். ஆனால் வெற்றி இவளை கல்யாணம் செய்துக்கிட்டா எனக்கு முழு சம்மதம்.”

“நாலு நாளுக்கு முன்னால நீ தானே டிராமாவை உடைக்க போறேன், கல்யாணத்தை நிறுத்த போறேன்னு சொன்ன?”

தொடர்புடையவை: உங்களுக்கு இதுவும் கூட பிடிக்கலாம்... -

மீனுவின் "மழையின்றி நான் நனைகின்றேன்" - காதல் கலந்த தொடர்கதை...

படிக்கத் தவறாதீர்கள்..

“உண்மை வெளியே வராம கல்யாணம் நடக்காது. அது நூறு சதவிகிதம் நிஜம். வெற்றி காதல்ன்னு சொன்னது மேல எனக்கு நம்பிக்கை இல்லை. அவன் ஜாலியா சுத்த பொய் சொல்றான்னு தோணுது. தமிழ்ச்செல்வியோ, வெற்றியோ உண்மையை சொல்லிட்டா---“

“அம்மா தாயே எனக்கு தலை சுத்துது! பொறுமையா முடிவு செய்”

ரசியும், சந்திரிகாவும் மும்முரமாக விவாதத்தில் ஈடுப் பட்டிருக்கும் நேரத்தில், தமிழ்ச்செல்வி பல்லைக் கடித்துக் கொண்டிருந்தாள்.

வேறென்ன யசோதா அவளுடைய காதல் கதையை சொல்லி கலாய்த்துக் கொண்டிருந்தாள்.

“எப்போவும் sad cat மாதிரி பார்ப்பீயே அது போல முழிக்க போறேன்னு பார்த்தா, நீ என்ன அடிச்சு தாக்குற? என்ன கற்பனை சக்தி. வெற்றியே அசந்து போய் பார்த்தான்னு சொல்ற”

  •  Start 
  •  Prev 
  •  1  2 
  •  Next 
  •  End 

About the Author

Chillzee Story

On-going Stories

Like to read stories? Now you can read full novels at Chillzee KiMo. No wait time,  No ads, No restrictions!!!

Add comment

Comments  
# RE: தொடர்கதை - ஐ லவ் யூ - 23 - Chillzee Storysaaru 2019-03-01 06:39
Nice update
Reply | Reply with quote | Quote
# RE: தொடர்கதை - ஐ லவ் யூ - 23 - Chillzee Storymahinagaraj 2019-02-27 10:28
செம சூப்பர் மேம்.. :clap: :clap:
வெற்றிக்கு சிரிக்க கூட தெரியுமா.. :Q: :P
:thnkx:
Reply | Reply with quote | Quote
# RE: தொடர்கதை - ஐ லவ் யூ - 23 - Chillzee Storyதீபக் 2019-02-26 20:30
Super story really getting its feel to read ji
Reply | Reply with quote | Quote
# RE: தொடர்கதை - ஐ லவ் யூ - 23 - Chillzee StoryAdharvJo 2019-02-26 14:01
Poonagai arasanai parthu selvi track mathuranga :dance: Ease!! :D
:cool: update ma'am 👌👏👏👏 mathaji dhool kalakuringa 👍 look forward to read next update. Thank you and keep rocking.
Reply | Reply with quote | Quote
# RE: தொடர்கதை - ஐ லவ் யூ - 23 - Chillzee Storymadhumathi9 2019-02-26 13:00
:clap: nice epi.thamilkku kaadhal mottu arumbu vida aarambithu vittathu. (y) :thnkx: 4 this epi. :GL:
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top