Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu
 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
1 1 1 1 1 Rating 5.00 (1 Vote)
தொடர்கதை - என்றென்றும் உன்னுடன்... - 01 - 26 - வினோதா - 5.0 out of 5 based on 1 vote
Pin It

26. என்றென்றும் உன்னுடன்... - 01 - வினோதா

Endrendrum unnudan

காற்றில் பறந்து கண் மீது விழுந்த முடிக் கற்றையை கையால் ஒதுக்கி விட்டு, காரை ஒட்டிக் கொண்டிருந்த மித்ரனின் பக்கம் பார்த்தாள் சரண்யா.

அவள் பின் சீட்டில் அமர்ந்திருந்ததால், அவனின் பக்கவாட்டு தோற்றம் மட்டுமே அவளின் பார்வையில் விழுந்தது...

தயக்கத்துடன் ரியர் வியூ கண்ணாடியைப் பார்த்தாள்...

அங்கே அவனின் கண்களும், நாசியும் பிம்பமாக தெரிந்தது...

முன் சீட்டில் அமர்ந்து அவனுடன் கதை பேசிக் கொண்டிருந்த நிஷாவிடம் அவன் முழு கவனமும் இருந்ததால், எந்த வித பதற்றமும் இல்லாமல் அவனின் கண்களை கண்ணாடியில் உற்றுக் கவனித்தாள்...

காலியாக இருந்த சாலை மீது கவனம் வைத்தப் படி நிஷாவின் பேச்சை கேட்டுக் கொண்டிருந்ததாலோ என்னவோ அவனின் கண்கள் சிறிதாகி கூர்மையுடன் பளபளத்தன... ஆனாலும் கனிவும், மென்மையும் நிறைந்து இருந்தன...

பார்வையை திருப்ப முடியாமல் கண்ணாடியைப் பார்த்தப் படி இருந்தவளுக்கு, மித்ரனுடனான  முதல் சில சந்திப்புகளில் அவன் சிங்கம், புலி என காட்டு விலங்குகள் போல என யோசித்தது நினைவு வந்தது...

அவளின் உதட்டில் கீற்றாக மெல்லிய புன்னகை தோன்றியது...

அனைவரிடமும் நல்ல பக்கமும் கெட்ட பக்கமும் இருப்பது போல் அது மித்ரனின் கெட்ட பக்கம் போலும்...

அவள் விஷயத்தில் அந்த சிங்கம் புலி அளவில் இருந்து எந்த அளவிற்கு மாறிப் போயிருக்கிறான் அவன்...

அப்போதெல்லாம் கடித்து குதறுபவனைப் போல கோபமும், கடின போக்குமாக இருந்தவன் இப்போது அதெல்லாம் முற்றிலுமாக காணாமல் போய், எவ்வளவு மென்மையானவனாக இருக்கிறான்...

அவன் அம்மா, தங்கை சொல்வதை வைத்துப் பார்த்தால் இது தான் அவனின் நிஜ முகம்... அவளுக்கு பிடித்திருக்கும் முகமும் கூட...!!!!

பார்வையை கண்ணாடியின் மீதே வைத்து ஏதேதோ யோசித்துக் கொண்டிருந்தவள்,

“அம்மாக்கு போர் அடிக்குது போலருக்கு நிஷா, அம்மாக்கும் ஏதாவது கதை சொல்லு...” என்ற மித்ரனின் குரலில் தன்னுணர்வைப் பெற்றாள்...

ரிவர் வியூ கண்ணாடியிலேயே பதிந்திருந்த அவளின் பார்வையில், இப்போது மித்ரனின் கண்கள் அந்தக் கண்ணாடி வழியே அவளை நேராக பார்த்துக் கொண்டிருப்பது தெரிந்தது...

ஒரு வினாடி தடுமாறிப் போனாள்...

ஆனாலும் உடனே சமாளித்துக் கொண்டு பார்வையை கண்ணாடியை விட்டுத் திருப்பிக் கொண்டாள்...

கண்ணாடியில் அவனின் முகம் அவளுக்கு தெரிகிறது என்றால், அவன் பார்க்கும் போது அவள் தெரிவாள் என்பது ஏன் முன்பே யோசிக்கவில்லை..??

கேள்விக்கு பதில் தெரியவில்லை...

ஆனால் அது எதையும் யோசிக்கத் தோன்றவில்லை என்பது தான் நிஜம் என்பது அவளுக்கு புரிந்தது...

மித்ரன் அவள் பக்கமாக கண்ணாடியை வைத்திருந்தான் என்பது புரிந்ததாலோஎன்னவோ அவளினுள் மெல்லிய பூங்காற்றாய் ஒரு இதம் பரவியது...

“லெவன் ஆகப் போகுது சரண்... ஏதாவது லைட்டா சாப்பிட்டுட்டு போகலாமா??? அங்கே போய் அவங்களை நேரா பார்க்கவாவது உனக்குத் தெம்பு வேணுமே...”

கிண்டல் போல இல்லாமல் நிஜமான அக்கறையுடனே ஒலித்தது மித்ரனின் குரல்.

“இல்லை வேண்டாம் மித்ரன். திரும்பி வரும் போது சாப்பிட்டுக்கலாம்... இப்போ வேண்டாம்...” என்று மறுத்தாள் சரண்யா.

கண்ணாடியின் வழியே அவளை மீண்டும் ஒரு பார்வை பார்த்து விட்டு, வேறு எதுவும் கேட்காமல், முன்பு போல நிஷாவிடம் திரும்பி பேசினான் மித்ரன்.

கோபியின் வீட்டிற்கு மித்ரனுடன் செல்கிறாள் என்பதை நம்பவே சரண்யாவிற்கு கடினமாக இருந்தது...!!!!!

அதுவும் மித்ரனை திருமணம் செய்துக் கொள்வதை பற்றி பேச செல்கிறாள்...

இந்த ட்ரிப்பை பற்றி முடிவு செய்தது முதலே மனதில் உறுத்தும் சஞ்சலம் இப்போதும் தோன்றியது...

ஆனால் இந்த உறுத்தல் எல்லாம் கோபியின் வீட்டில் மித்ரனை எப்படி நடத்துவார்கள் என்ற கவலையில் தான்...

மற்றபடி மித்ரன் பற்றிய விஷயத்தில் அவளின் மனமும் மாறித் தான் போயிருந்தது...

கோபியின் அப்பாவிடம் அவர்களுக்கான வரவேற்ப்பு எப்படி இருக்கும் என்பதை அவளால் அனுமானிக்க முடிந்தது...

எதை எல்லாமோ தாங்கி விட்டோம்... இதை தாங்க மாட்டோமா என்று மனநிலையிலேயே தான் அந்த வீட்டை நோக்கி சென்றாள்.

  •  Start 
  •  Prev 
  •  1  2 
  •  Next 
  •  End 

Add comment
Dear readers, Comments feature is provided for sharing your comments about this article.
Please restrain from using it for other purposes.
Chillzee.in reserves all rights to remove / modify any irrelevant / inappropriate comments without any prior notification.
To read our Comment / Forum rules, please visit Chillzee Comments & Forum Rules.Thank you.
If you have any queries please contact administrator @ admin@chillzee.in

Comments  
# RE: தொடர்கதை - என்றென்றும் உன்னுடன்... - 01 - 26 - வினோதாThenmozhi 2019-06-02 19:42
sema sweet Binds.

Adutha epi-la adika pora idi minnalukku munadi oru refresher-a ithu ;-)

Very pleasant read :-)
Reply | Reply with quote | Quote
# RE: தொடர்கதை - என்றென்றும் உன்னுடன்... - 01 - 26 - வினோதாmadhumathi9 2019-05-21 14:37
:clap: nice epi.romba late aaga koduthu irunthaalum romba nalla irukku. :thnkx: & :GL:
Reply | Reply with quote | Quote
# RE: தொடர்கதை - என்றென்றும் உன்னுடன்... - 01 - 26 - வினோதாSrivi 2019-05-21 08:34
Late aanalum latest a vandhrukeenga sis..sema...
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top