Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Chillzee KiMo TEN (Tamil - English - Novel) Contest 2019


1 1 1 1 1 Rating 5.00 (2 Votes)
தொடர்கதை - யானும் நீயும் எவ்வழி அறிதும் - 12 - சாகம்பரி குமார் - 5.0 out of 5 based on 2 votes

“குருவே…  நீங்கள் சொன்னபடி பூஜைக்கு அனைத்தையும் தயார் செய்து விட்டேன்.”

“வேறு என்ன விசயம் சிம்ஹா?”

“ஒரு சர்வதேச கருத்தரங்கு இமாலயத்தில் நடக்க இருக்கிறது. அதில் நான் கலந்து கொள்ள வேண்டும்… ஆன்மீகம் தொடர்புடைய விசயங்கள் அறிவியல் விளக்கங்களுடன் அங்கு டிஸ்கஸ் செய்யப்படுகின்றன. ஆரா.. சக்ரா சக்தி… அஷ்டமாசித்தி.. ”

“நீ எதைபற்றி பேசப் போகிறாய்…”

“விண்வெளி பிரவேசம் ”

“சரி நன்றாக பேசு. ஆனால்… அது அறிவியல் சார்ந்த கருத்தரங்கம். ஆதாரம் இல்லாத எதையும் பேசக் கூடாது. ஏனெனில் நாம் சொல்லும் விசயங்களில் ஒரே ஒரு செய்தி யூகமாக இருந்தாலும் அவர்கள் மற்றவற்றை புறந்தள்ளி விடுவார்கள். பிறகு அந்த உண்மைகளுக்கு அங்கீகாரம் கிடைக்காது.”

“புரிகிறது குருவே… நான் சில கணக்கீடுகளை மட்டுமே சொல்ல போகிறேன்…”

“நல்லது நீ கிளம்பலாம்” என்று அவனை அனுப்பி வைத்தார்.

அவன் இமாலயாவிற்கு கிளம்பும் முன் ஹனிகாவை சந்தித்தால் நல்லது என்று நினைத்தான். அந்த கருத்தரங்கம் முடிய மூன்று நாட்களாகும். அதுவரை ஹனிகாவை தொடர்பு கொள்ள முடியாது. விஸ்ரா பற்றி தெரிந்து கொள்ள வேண்டும்.

அவன் வழக்கமான இடத்திற்கு சென்று தியானத்தில் அமர்ந்தான்.

ஹனிகா இரவு வானத்தில் சிம்ஹனின் வரவை எதிர்நோக்கி காத்திருந்தாள். “ஹாய்”

வந்துவிட்டான்…! ஆர்வமாக இருளில் தேடினாள்.

“சொல்லுங்க மேம்… ரொம்ப ஆர்வமான தேடலாக இருக்கும்போல்…” 

“ஆமாம் ஆமாம்… ரொம்பவும் இண்ட்ரஸ்டிங்கான ஒரு விசயம்பற்றி பேச வேண்டும்.”

“சொல்லுங்க…”

“சிம்ஹன்… நான் ஆன்ட்ரமீடா ஏலியன்களின் ஸ்பேஸ் ஷட்டிலை பார்த்தேன்.”

“அந்த அரை ஒளிவேகத்தில் செல்லும் ஷட்டிலையா? எங்கே…?”

“ஒரு ரகசியமான இடத்தில்… என் அண்ணன் அதனை சிறை பிடித்து வைத்திருந்தான். கர்ஷான்தான் அங்கு என்னை அழைத்து சென்றார்.”

“எப்படி இருந்தது”

“ம்… அது நாங்கள் யூகித்திருந்ததைபோல குவார்ட்ஸ் மூலம்தான் இயங்குகிறது. அதற்கான கருவியை அங்கு பார்த்தேன்..” ஆர்வமாக அனைத்தையும் சொன்னாள். அவள் ஆக்ஸிஜன்பற்றி சொன்ன்போது…

“இல்லை எனக்கு வேறு ஒன்று தோன்றுகிறது. அவர்கல் ஆக்ஸிஜனை உணவாக கொள்பவர்களாக இருக்கலாம். பிரணவ பிரஜைகள்போல…”

“அப்படி என்றால்…”

“அவர்களுக்கு உணவு தேவையில்லை. அவர்களுக்கு தேவையான சக்தி ஆக்ஸிஜனிலிருந்து கிடைத்து விடும்.  நேரடியாக ரத்தத்தில் கலந்து விடும். அப்படி இருந்தால் அவர்களது ஆயுட்காலம் அதிகமாக இருக்கும். நீ சொன்னதற்கு மாறாக  இருக்கும்.”

“அப்படி இருக்குமா?”

“இருந்தால்…?”

“சிம்ஹன்… இதைபற்றி ஏதாவது தெரியுமா பாருங்கள்?” அவனிடம் ஸ்பேஸ் ஷட்டிலில் இருந்து எடுத்து வந்திருந்த எலெக்ட்ரானிக் பொருளை காட்டினாள்.

அதனை வாங்கி பார்த்தவன்…

“இது ஒரு குறிப்பேடு ஹனிகா. எலெக்ட்ரானிக் பொருள் அல்ல. கவர்தான் அப்படி இருக்கிறது.”

அவன் அதனை பிரித்து விட்டான். அதில் சிறு குறிப்புகள் இருந்தன. சில படங்கள்கூட வரையப்பட்டிருந்தன.

“அதில் என்ன எழுதியிருக்கிறது…?”

“எனக்கு புரியவில்லை. சில படங்களை புரிந்து கொள்ள முடிகிறது. ம்… இது அவர்களுடைய ஸ்பேஸ் மேப்பாக இருக்கலாம்… அவனைபற்றிய குறிப்புகளாக இருக்கலாம்… இது என்ன?”

அந்த குறிப்பேடின் நடுவிலிருந்த ஒரு மெல்லிய அட்டையை எடுத்தான்.

“இது மெமரி கார்டாக இருக்கும் போல…இதற்குரிய ரீடர் எங்கிருக்கிறது” அந்த டைரியை ஆராய்ந்தான். டைரியின் கடைசியிலிருந்த ஒரு ஸ்லாட்டில் அதனை பொருத்தினான். ஆச்சரியப்படத்தக்க விதத்தில் அந்த டைரி உயிர் பெற்றது.

சில விஷூவல்கள் தெரிய ஆரம்பித்தன…. ஒரு ஏலியனின் இமேஜ்… அப்புறம் சில தகவல்கள்…புரியாத மொழியில் இருந்தன. அவற்றை முழுவதுமாக பார்த்து விட்டு சிம்ஹன் சொன்னான்.

“இன்ட்ரஸ்டிங்… இந்த ஏலியன் தன்னை பற்றிய குறிப்புகளை பதிவு செய்து வைத்திருக்கிறது. சில விசுவல்களை பார்க்கும்போது சிரிப்பும் வருகிறது. அதனுடைய ஸ்பேஸ் ஷட்டில்பற்றியும் இருக்கிறது. ம்… இது வசிக்கும் இடமாக இருக்கலாம். அதற்குகூட ரூட் மேப் போட்டு வைத்திருக்கிறது… அப்புறம் அந்த வீட்டில் இருக்கும் பொருட்களை பற்றியும் அவற்றை எப்படி பயன்படுத்துவது என்றும்  படம் பிடித்து வைத்திருக்கிறது.. கூடவே சில ஏலியன்களின் இமேஜும் இருக்கிறது…”

About the Author

Sagampari

Completed Stories
On-going Stories

Like to read stories? Now you can read full novels at Chillzee KiMo. No wait time,  No ads, No restrictions!!!

Add comment

Comments  
# RE: தொடர்கதை - யானும் நீயும் எவ்வழி அறிதும் - 12 - சாகம்பரி குமார்AdharvJo 2019-05-24 21:23
who is this granny oru velai indha aliens oda avathar aga irukkumo :Q: sema dazzling epi Ms sagampari :clap: :clap: :hatsoff: to your R&D (y) Indha information ellam therinjika sema exciting aga irukku :yes: look forward to see what happens next. thank you and keep rocking.
Reply | Reply with quote | Quote
# RE: தொடர்கதை - யானும் நீயும் எவ்வழி அறிதும் - 12 - சாகம்பரி குமார்Srivi 2019-05-22 00:29
Intriguing and interesting..woo..sema sema..
Reply | Reply with quote | Quote
# RE: தொடர்கதை - யானும் நீயும் எவ்வழி அறிதும் - 12 - சாகம்பரி குமார்Sagampari 2019-05-23 13:48
Thank you srivi :-)
Reply | Reply with quote | Quote
# RE: தொடர்கதை - யானும் நீயும் எவ்வழி அறிதும் - 12 - சாகம்பரி குமார்madhumathi9 2019-05-21 18:13
:clap: nice epi.interesting aaga irukku.avar hanikaavin thaayaaga irukkumo :Q:
Egarly waiting 4 next epi. :GL: (y)
Reply | Reply with quote | Quote
# RE: தொடர்கதை - யானும் நீயும் எவ்வழி அறிதும் - 12 - சாகம்பரி குமார்Sagampari 2019-05-23 13:47
Thank you Madhumathi..
Oh.. she is not Manila's mom..
Guess who..This is a science fiction story
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top