தொடர்கதை - சுஷ்ருதா – 15 - சித்ரா
ஜன்னல் வழியே தெரிந்த கொய்யா மரத்தின் மேலே அவசரமாய் ஒரு அணில் ஏறியது ,சற்றே தன் வாலை தூக்கியபடி கீச் கீச் என்று ஒரே சத்தம் ,
சற்று ஏறுவது ,சற்று நிற்பது மறுபடி ஏறுவது என்று மாற்றி மாற்றி செய்தது ,ஆனாலும் இடைவிடாமல் கீச் சத்தம் ,
காக்காயோ ,பூனையோ ஏதோ ஒன்று அருகில் இருக்கிறது ,அதனால் தன் குட்டிகளுக்கு ஆபத்து ,என்பதால் தான் இந்த கீச் கீச் சத்தம் ,தன் குட்டியை காப்பாற்ற இந்த ஜீவனுக்கு இருக்கும் அக்கறை ஏன் தன் பெற்றோர்களுக்கு இல்லாமல் போனது ,என்ற எண்ணம் தோன்றியது சீதாவின் மனதில் .
காதலித்து கல்யாணம் செய்துகொள்வது ஒரு தெய்வ குற்றமா ..
அதற்கு தண்டனை என்று இந்த ஒதுக்கம் தேவைதானா ,இதனால் தனிமை படுத்தப்பட்டு ,பாதுகாப்பு இல்லா உணர்வோடு அவர்கள் தவிக்க வேண்டுமா
அப்படி ஒரு சூழ்நிலையில் அவர்களை கொண்டு தள்ளுவதில் யாருக்கு என்ன லாபம்
ஒத்த அலைவரிசையில் இருப்பவரை தன் வாழ்க்கை துணையாக ,காலா காலத்துக்கும் இனிமையாய் துணை வருவார் என்று உணர்ந்து கணித்து ,தானே தேர்ந்து எடுத்துக்கொள்வது அவ்வளவு பெரிய குற்றமா ..
அதற்கு விலையாக அதுவரை தன் கூட நின்ற ரத்த சொந்தத்தை ,அவர்கள் உறவை இழக்க வேண்டுமா
பறவைகள் ,விலங்குகள் வாழ்க்கை எவ்வளவோ தேவலை போலிருக்கிறதே
இதோ இது போல் உயிருக்கு ஆபத்து என்ற நிலையை தவிர்த்து ,மற்றதெல்லாம் இனிமை இனிமைதான் .
தங்களுக்கு பொருத்தமான துணையை தானே தேர்ந்து எடுத்துக்கொள்ளலாம் ,அதனுடன் ஒரு கவலை இல்லாமல் கூடி மகிழலாம் ,ஜாதி அந்தஸ்து பேதம் கிடையாது
தனக்கு பிடித்த ,மற்றும் பாதுகாப்பான இடத்தில் அழகாய் கூடு கட்டி ,குஞ்சு பொரித்து ,அதற்கு வாழும் கலையை கற்பித்து ,சுதந்திரமாய் பறக்க விட்டு விடுவது என்று எப்படி ஒரு வரைமுறைப்படுத்தப்பட்ட அழகான வாழ்க்கை .
இதில் இன்னும் சிறப்பான விஷயம் ,இவை அனைத்தையும் செய்ய அவைகளுக்கு உதவி தேவையில்லை ,தன் கையே தனக்கு உதவி ,இன்னும் சொல்லப்போனால் தன் வாயே தனக்கு உதவி ,
அந்த சின்னச்சிறு அலகால் எவ்வளவு அழகாக கூட்டை பின்னும் ,
இது போன்ற சுதந்திரம் மனிதனுக்கு இல்லை ,
மேன் இஸ் எ சோசியல் அனிமல் ,தனியாய் வாழ முடியாது ,சமுதாயத்துடன் சேர்ந்து வாழ்வதும் அவ்வளவு எளிதான விஷயம் கிடையாது
தன் மனதில் ஓடிய எண்ணங்களின் கனம் தாங்காமல் ,தலையை உலுக்கிக்கொண்டாள் சீதா .
சற்று தள்ளி இருந்த தன் மொபைலை எடுத்து ,தனக்கு பிடித்த பாடல் வரிசையை ஓட விட்டால் .
அது மிக இனிமையாய் வீணை நாதத்துடன் ,இன்கேம் இன்கேம் இன்கேம் காவாளே ' என்று பாட ஆரம்பிக்க
அந்த இனிமையில் மனம் லயிக்க ,சமையலை கவனிக்க ஆரம்பித்தாள் .
இன்று செகண்ட் சாட்டர்டே என்பதால் அவளுக்கு லீவு
இன்று உணவு முடிந்தவுடன் கிடைக்கும் சந்தர்ப்பத்தில் ஆனந்தனுடன் பேசி விட வேண்டும் என்று எண்ணிக்கொண்டாள் .
டாக்டருடன் பேசி கிட்டத்தட்ட ஒரு வாரம் ஓடி போய் விட்டது ,நாளை ஞாயிற்று கிழமை வந்தால் ஒரு வாரம் பூர்த்தி
நாளையும் வருவானா பார்க்குக்கு ,என்ற நினைப்பே இனிமை தந்தது .
நாளை சென்று அவனை சந்தித்தால் ,வீட்டில் பேசினாளா என்று கேட்பான் .
வார நடுவிலே அவன் அப்படி போன் செய்து கேட்பான் என்ற ஒரு நப்பாசையும் மனதில் ஒரு ஓரத்தில் இருந்தது .
ஆனால் அவனுக்கு வேறு வேலை இல்லையா ,ஏதோ பாவம் பார்த்தால் ஏதேது உன் எதிர்பார்ப்பு எங்கோ போகிறதே என்றும் ஒரு மனம் இடித்தது .
ஆக அந்த வாரம் முழுமையும் அந்த எண்ணத்தில் தான் கழிந்தது .
இதோ ஞாயிற்று கிழமையே வரப்போகுது ,அவனை நேரிலேயே சந்தித்து விடலாம் .
அப்போது அவனுக்கு சொல்ல ஒரு நல்ல பதில் தேவை ,அதற்குள் ஆனந்தனுடன் பேசி ஒரு முடிவுக்கு வர வேண்டும் என்று யோசித்தபடி ,கீரையை ஆய்ந்து வேக வைத்து,ஒரு பூண்டு திருப்பு தட்டி போட்டு மசித்தாள் .
இப்படித்தான் குழந்தைக்கு கொடுக்க வேண்டும் என்று ஒரு டீச்சர் கூற கேட்டு ,செய்து கொடுத்து ,குழந்தையும் அதை விரும்பி சாப்பிட
சற்று அவகாசம் கிடைக்கும் போதெல்லாம் ,கீரை வாங்கி இதை செய்வதை வழக்கமாக கொண்டாள் .
அப்படியே தங்களுக்கு கத்திரிக்காய் முருங்கைக்காய் சாம்பார்
About the Author
Chitra
Like Chitra Kailash's stories? Now you can read Chitra Kailash's full novels at Chillzee KiMo. No wait time, No ads, No restrictions!!!
Completed Stories
On-going Stories
- Sushrutha (Updated fortnightly on Friday Morning)
More articles from this author
Come join the FUN!
Download Chillzee Jokes for Android
(Click the image to get the app from Google Play Store)
Copyright © 2019 Chillzee.in. All Rights Reserved.
Powered by 
Website Maintenance by SujWin Solutions.
sashi indha Sunday sita-va meet panuvangala