தொடர்கதை - மலரே ஒரு வார்த்தை பேசு... இப்படிக்கு பூங்காற்று...! - 29 - பிந்து வினோத்

ஒரு ஆட்டோவில் கோயம்பேடு பஸ் நிலையம் நோக்கி சென்றுக் கொண்டிருந்த சுவாதியின் மனம் புண் பட்டிருந்தது ஆனால் அதிசயத்திலும் அதிசயமாக திடப் படவும் செய்திருந்தது...

தன்னுடைய அன்பு உண்மையானது என்பதை நிருபித்து விட வேண்டும் என்ற உணர்வு அழுத்தமாக அவளுள் தோன்றி இருந்தது.

வீட்டில் அவள் இல்லை என்று தெரிந்த அடுத்த வினாடியே விஷாகன் அவளை போனில் தொடர்புக் கொள்வான். சித்தப்பா வீட்டிற்கு அவளைத் தேடி வருவான் என்பது அவளுக்கு தெரியும். அதில் அவளுக்கு சின்னதாகவும் சந்தேகம் இல்லை...

அதன் பின்பாவது அவளை மருமகளாக ஏற்றுக் கொள்வார்களா???

அவளின் யோசனையை தடை செய்வதுப் போல, திடீரென சடன் ப்ரேக்குடன் நின்றது அவள் பயணமாகிக் கொண்டிருந்த ஆட்டோ... கூடவே வேறு சில வாகனங்கள் சடன் ப்ரேக்கிட்டு நிற்கும் சத்தமும் கேட்டது...

விழுந்து விடாமல் இருக்க, சீட்டின் முன் இருந்த கம்பியை பிடித்துக் கொண்ட சுவாதி, என்ன விஷயம் என்று தெரிந்துக் கொள்ள எட்டிப் பார்த்தாள்...

“ஆக்ஸிடன்ட் ம்மா...” என்று அவளுக்கு சுருக்கமாக விபரம் சொன்னார் ஆட்டோ டிரைவர்....

யாரோ ஒரு இளைஞன் பைக்கில் இருந்து விழுந்திருந்தான்... அவனின் தலைப் பகுதியில் இருந்து ரத்தம் சிந்திக் கொண்டிருந்தது...

அச்சச்சோ பாவம் என்று சிலர் சொல்லிக் கொண்டிருக்க, வாகனவாசிகள் சிலர் அந்த விபத்தினால் ஏற்பட்டிருந்த திடீர் போக்குவரத்து நெரிசலை தாண்டி செல்ல முயற்சி செய்துக் கொண்டிருந்தனர்.

சுவாதிக்கு அவளுடைய பெற்றோரின் விபத்து மனதினுள் ஃப்ளாஷ் அடிக்க, ஆட்டோவில் இருந்து இறங்கி அடிப்பட்டிருந்தவனின் அருகே சென்றாள்... மற்றவர்கள் பக்கத்தில் போகலாமா