2018 மகளிர் தின ஸ்பெஷல் - Chillzeeயின் பின் இருக்கும் பெண்கள்

அனைவருக்கும் இனிய மகளிர் தின வாழ்த்துக்கள்!

பல வருடங்களாக நான் தொடர்ந்து விரும்பி படிக்கும் எழுத்தாளர்கள் இரண்டு பேர். ஒருவர் ரமணிச்சந்திரன், மற்றொருவர் வாஸந்தி.

இவர்களை பற்றிய செய்திகளையும் தொடர்ந்து படிப்பேன்.

சென்ற மாதம் ஒரு ஆன்லைன் ரேடியோவிற்கு வாஸந்தி அவர்கள் ஒரு பேட்டி கொடுத்திருந்தாங்க. அதில் அந்த கேள்வியாளர் ஏன் இப்போதெல்லாம் பத்திரிக்கைகளில் தொடர்கதைகள் காணாமல் போய் விட்டன என ஒரு கேள்வி கேட்டார். அதற்கு வாஸந்தியும் அவருடைய பாணியில் அழுத்தமாக பதில் சொன்னாங்க.

ஆனால் அந்த கேள்வி எனக்கு ஷாக் கொடுத்தது! நான் மேகஸின்ஸ் படித்து வருடங்கள் ஆகி விட்டன. அதனால் இப்போதைய ட்ரென்ட் தெரியவில்லை!

தொடர்கதைகள் காணாமல் போய் விட்டதா?

இதை பற்றி உடனேயே நம் chillzee டீம் பிரெண்ட்ஸிடம் கேட்டேன். அவர்கள் எப்போதும் போல கூலாக பதில் சொன்னார்கள் :-)

எனக்கு உடனே நினைவுக்கு வந்த ஒரு quote,

“உங்கள் குழந்தைகளை கஷ்டம் தெரியாமல் வளருங்கள் ஆனால் நீங்கள் போடும் உழைப்பை சொல்லி வளருங்கள்”

Parenting ஸ்டைல் என்று பார்த்தால் ஒவ்வொருவருக்கும் ஒவ்வொரு ஸ்டைல் இருக்கும். ஆனால் பொதுவாக எல்லா பெற்றோர்களுமே குழந்தைகள் நலமாக இருக்க வேண்டும் என்பதையே விரும்புகிறார்கள்.

நம்ம டீமும் அப்படி தான்! எல்லோருடைய நலனையும் யோசிக்கிறார்கள், ஆனால், என்ன, அவர்கள் போடும் உழைப்பை பற்றி வெளியே ஒரு வார்த்தையும் சொல்லாமல் ரகசியமாக மறைத்தே வைத்திருக்கிறார்கள்.

Socialize செய்யாமல் அந்த நேரத்தையும் சேர்த்து சைட்டில் ஏதாவது வேலையை இழுத்து போட்டு செய்றாங்க.

இதை பற்றி நான் யோசித்துக் கொண்டிருக்கும் போது விசாலி பிங் செய்து மகளிர் தினத்திற்கு பேட்டி போடலாமா என்று கேட்டாங்க.

நமக்கு பப்ளிசிட்டி ரொம்ப பிடிக்கும் !!! அதுவும், என்னுடைய பதினோராம் புக் வெளியிட நான் மும்முரமாக இருக்கும் இந்த டைம்ல பப்ளிசிட்டி வரம் தான்.

ஆனாலும், ஒரே ஒரு முறை நம்ம பப்ளிசிட்டியை விட்டுக் கொடுத்து, இந்த ‘லூசு’ டீமின் வீர தீர பிராதபங்கள் சிலவற்றை உங்களுக்கு சொல்லலாம் என முடிவு செய்தேன்.

Story Categories

தொடர்கதை & சிறுகதைகளை genreக்கு ஏற்றவாறு பிரித்து வைத்திருப்பது எனக்கு chillzeeயில் பிடித்த ஒரு feature.

சைட் ஆரம்பித்த நாட்களிலேயே இதை செய்யாமல், பல வருடங்களுக்கு பிறகு இப்படி பிரிக்கும் வேலை என்பது ரொம்பவே கஷ்டமான வேலை.

இந்த category ஆக பிரிக்கும் ஐடியா வந்து, வேலை செய்த போது கிட்டத்தட்ட நூற்றுக்கணக்கில் இருந்த தொடர்கதைகளுக்கே இது கஷ்டமாக தான் இருந்தது. அப்போது சிறுகதை பகுதியை யோசித்துப் பாருங்கள்!

ஒவ்வொரு கதையையும் படித்து எந்த category என்று புரிந்து, அதில் சேர்த்து, பட்டியலிட்டு....!!!! ஹப்பாடியோ!!!!

தொடர்கதைக்கு இதை செய்தது தேன்ஸ் aka தேன்மொழி என்றால் சிறுகதை பகுதிக்கு இந்த வீர தீர சாகசத்தை செய்து கலக்கியவர் கலைவாணி!

Links

உஷா எப்பா பேய் மாதிரி இருக்கா கதை எழுதி முடித்து சில மாதங்கள் ஆன நேரம், அவங்க கதை வேறு ஒரு வெப்சைட்டில் இருப்பதை பற்றி டீமுக்கு சொன்னாங்க.

அந்த வெப்சைட்டுக்கு ஈமெயில் அனுப்பி கேட்டால், டெலீட் செய்ய வேண்டுமென்றால் லிங்க் எல்லாம் நீங்கள் தான் எடுத்துக் கொடுக்கனும், நாங்க title search செய்து எல்லாம் டெலீட் செய்ய முடியாதுன்னு சொன்னார்கள்.

எனக்கு தெரிந்த அளவில் கதையை எழுதிய உஷா கேட்ட போதும் கூட அதையே தான் அந்த வெப்சைட்டின் டீம் சொன்னார்கள்.

அந்த மாதிரியான பொறுப்பற்ற பதிலுக்கு, நம்ம டீம், நீ போட்டா போட்டுக்கோ என்று விடவில்லை.

ஒவ்வொரு கதையாக தேடி கிட்டத்தட்ட இருநூறுக்கும் மேற்பட்ட லிங்க் எடுத்து அவர்களிடம் கொடுத்து, தொடர்ந்து follow-up செய்து, அனைத்து பக்கங்களையும் டெலீட் செய்ய வைத்தார்கள்.

இது நடந்த போது உஷாவின் EPMI நிறைவுப் பெற்று இருந்தது. அவங்க வேறு கதை  chillzeeயில் எழுதிக் கொண்டிருக்கவில்லை. ஆனாலும் Arnold ரேஞ்சிற்கு களத்தில் குதித்து வேலையை முடித்தார்கள் டீம்.