Chillzee சமையல் குறிப்புகள் - Healthy Recipes - சீமைத் திணை (Quinoa) ப்ரேக்பாஸ்ட்

உப்பு சேர்க்க அவசியம் இல்லாத காலை உணவு இது. இது புரதம் மற்றும் கால்சியம் நிறைந்த உணவும் கூட.

1/2 கப் குறைந்த கொழுப்பு (அல்லது) கொழுப்பு நீக்கப் பட்ட பால்

1/4 கப் சீமைத் திணை (Quinoa)

1 டேபிள் ஸ்பூன் தேன் அல்லது பிரவுன் சுகர்

1 டேபிள் ஸ்பூன் சிறிதாக நறுக்கிய பாதாம் (அல்லது) வால்நட்

1 டேபிள் ஸ்பூன் உலர்ந்த திராட்சை (அல்லது) சிறிதாக நறுக்கிய ஸ்ட்ராபெரி

சீமைத் திணையை தண்ணீர் பயன்படுத்தி நன்றாக அலசவும்.

ஒரு பாத்திரத்தில் பாலை கொதிக்க வைக்கவும்.

பிறகு சீமைத் திணையை சேர்த்து மீண்டும் கொதிக்க வைக்கவும்.

கொதித்ததும், மூடி வைத்து சிம்மில் வைக்கவும். சீமைத் திணைபாலை உறிஞ்சும் வரை வைக்க வேண்டும். இதற்கு சுமார் 15 நிமிடங்கள் ஆகும்.

இப்போது, நன்றாக கிளறி விட்டு, தேன், பாதாம், உலர்ந்த திராட்சை சேர்க்கவும். மீண்டும் கிளறி, மூடிப் போட்டு, 15 நிமிடங்கள் வைக்கவும்.

ஆரோக்கியமான சீமைத் திணை ப்ரேக்பாஸ்ட் தயார்!

ரொம்பவும் ட்ரையாகாமல் இருக்க கூடுதலாக இரண்டு டேபிள்ஸ்பூன் பால் சேர்க்கவும்.

DASH டையட் பின்பற்றுபவர்களும் இதை காலை உணவாக உண்ணலாம்.

தானியங்கள் மற்றும் தானிய பொருட்கள் – 1 செர்விங்

பழங்கள் – 0.25 செர்விங்

பால் உணவுகள் - 0.5 செர்விங் (கூடுதலாக 2 டேபிள்ஸ்பூன் பால் சேர்த்தால், 0.625 செர்விங்)

நட்ஸ் – 0.25 செர்விங்

இனிப்பு – 1