Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Chillzee KiMo TEN (Tamil - English - Novel) Contest 2019


1 1 1 1 1 Rating 5.00 (1 Vote)
சிறுகதை - ஜூலைன்னா - இன்னொரு லவ் ஸ்டோரி – சசிரேகா - 5.0 out of 5 based on 1 vote
Pin It

சிறுகதை - ஜூலைன்னா - இன்னொரு லவ் ஸ்டோரி – சசிரேகா

love

காலேஜ்க்குள் இருந்த ஒரு பெரிய மரத்தடியில் சோகமே உருவாக கன்னத்தில் கையை வைத்தப்படி கையில் ஒரு காதல் கடிதத்துடன் அமர்ந்திருந்தான் கார்த்திக். கார்த்திக்கை தேடி காலேஜ் முழுவதும் அலைந்து திரிந்த அசோக்கும், கிஷோரும் கார்த்திக் இருக்கும் மரத்தடியிடம் வந்து அமர்ந்தார்கள்.

”எங்கல்லாம் உன்னை தேடறது சொல்லிட்டு போறதில்லையா?” என அசோக் கத்த கிஷோரோ

”இப்ப எதுக்கு மரத்துக்கு உன் கண்ணீரால தண்ணீர் சப்ளை செய்ற மச்சி. அதான் தேடிப்பிடிச்சி 6 மாசத்தில ஒரு லவ்வரை பிடிச்சி லவ் பண்ண ஆரம்பிச்சிட்டியே அப்புறம் என்ன கேடு உனக்கு” என கேட்க அசோக்கோ அவனது சோகத்தைக் கண்டு அமைதியாகப் பேசினான்

”கார்த்திக் என்னாச்சி ஏன் கன்னத்தில கைவைச்சிட்டு இருக்க எங்க கன்னத்தைக் காட்டு” என அவனது கையை விலக்கி பார்க்க அங்கோ 4 விரல்கள் பதிந்திருந்து கன்னம் சிவந்திருந்தது

”டேய் யார்டா அடிச்சா உன்னை” என கோபமாக கேட்டான் கிஷோர். அதற்கு கார்த்திக் விக்கி விக்கி அழுதான்

”அழாதடா கார்த்திக் யார்டா அடிச்சா சொல்றா இன்னிக்கே அவனை கொன்னு இதே மரத்தடியில புதைச்சிடறேன்” என அசோக் ஆக்ரோஷமாக கத்த கார்த்திக்கோ

”வேணாம் மச்சி விடுடா”

“என்னாச்சிடா சொல்லு யார் அடிச்சா உன்னை?”

”என் லவ்வர்டா”

“என்னடா சொல்ற அவள் ஏன் உன்னை அடிக்கறா, நீங்கதான் லவ் பண்ண ஆரம்பிச்சி இந்த ஜூலை மாசம் முழுக்க லவ்வா இருந்தீங்களே 1 மாசம் ஆயிடுச்சே இப்ப ஏன் அடிச்சா?”

என அசோக் கேட்க கார்த்திக்கோ விக்கிக்கொண்டே பேசினான்.

”அது

அசோக்

அவள் நேத்து காலேஜ் விட்டுப்போறப்ப எனக்கு ஒரு லவ் லெட்டர் கொடுத்தா மச்சி.

அதை விடிய விடிய நான் படிச்சிட்டு

காலையில அவள் முன்னாடி போய் நின்னேன்

அடிச்சிட்டா”

“டேய் ஒழுங்கா சொல்லு நீ சொன்னதில நிறைய சென்சார் கட் இருக்கே மச்சி, பாதி விழுங்கி பாதி சொல்லாதடா இப்பதான் உனக்குன்னு ஒருத்தி கிடைச்சா அவள் அடிக்கற அளவுக்கு நீ என்னடா தப்பு பண்ண?”

“இல்லை மச்சி அவள் தந்த லட்டர்ல கனவுல உன்னை நான் கிஸ் பண்ணேன், நீயும் பண்றியான்னு கேட்டா மச்சி, அதான் காலையில அவளுக்கு கிஸ் பண்ணலாம்னு கிட்டப் போனேன் பளார்ன்னு அடிச்சிட்டு இதுக்காகதான் என் கூட நீ பழகினியா, ஐ ஹேட் யூன்னு சொல்லி திட்டிட்டு போயிட்டா” என தேம்பி தேம்பி கண்ணீர் விட்டவனிடம் கிஷோர்

”டேய் அழாதடா யாராவது பார்த்தா அசிங்கமாயிடும் இரு, அவள்ட்ட போய் பொறுமையா பேசலாம் அழாத மச்சி”

“அவள்ட்ட பேசறதுல என்னடா இருக்கு அவள்தானே கிஸ் கேட்டா? இப்ப என்னடான்னா அடிக்கறா, இது தப்பு மச்சி இதை சும்மா விடறதாயில்லை” என அசோக் சொல்ல கிஷோரோ

”இல்லைடா கார்த்திக் மேலயும் சரி அவன் லவ்வர் மேலயும் தப்பு இருக்கறதா எனக்கு தெரியலை, ஏதோ குழப்பம் நடந்திருக்கு” என சொல்ல

”எல்லா குழப்பத்துக்கும் இந்த லெட்டர்தான் காரணம்” என கார்த்திக் கையில் இருந்த லெட்டரை விசிறி அடிக்க அதை பொறுக்கி எடுத்த அசோக் அவனிடம்

”மச்சான் இது உன் பர்சனல், நான் படிக்கலாமா எனக்கு உன் பர்மிஷன் வேணும் மச்சி” என சொல்ல கார்த்திக்கும்

”படிச்சிப்பாருடா அவள்தான் கிஸ் கேட்டா, நான் கொடுத்த அதுக்கு என்னை அடிச்சிட்டா, எனக்கு நியாயம் வேணும் மச்சி” என கார்த்திக் கோபமாகச் சொல்ல அசோக்கும் லெட்டரைப் பிரித்தான்.

”என்னடா இது கையெழுத்து கோழி கிறுக்கின மாதிரி ஒண்ணுமே புரியலை, இதை எப்படிடா நீ படிச்ச”

“புரியலை அதனாலதான் விடிய விடிய எழுத்துக்கூட்டி படிச்சேன்”

“வாட்ஸ்அப் காலத்தில இந்த லெட்டர் தேவையாடா மச்சி” என கிஷோர் சொல்லிவிட்டு அசோக்கிடம் சென்று அவனும் இவனுமாக அந்த லெட்டரை திக்கித் திணறி கஷ்டப்பட்டு அவளது கிறுக்கலான கையெழுத்தை புரிந்துக் கொண்டு எப்படியோ படிக்கலானார்கள்

”அன்புள்ள கார்த்திக்.

உன்னை காதலிக்க ஆரம்பித்து இத்துடன் 1 மாதம் ஓடிவிட்டது. எப்படித்தான் இந்த 1 மாதத்தில் நாங்கள் போனதே தெரியலை” என அசோக் சொல்ல கிஷோர்

”டேய் அது நாங்கள் இல்லைடா நாட்கள்” என சொல்ல தலையில் அடித்துக் கொண்டு  லெட்டரை தொடர்ந்து படித்தான்

”நேரம் காலம் இல்லாமல் உன்னுடன் வழகியதை நினைத்து சந்தேகமாக உள்ளது” என கிஷோர் படிக்க அசோக் திட்டினான்

  •  Start 
  •  Prev 
  •  1  2  3 
  •  Next 
  •  End 

Add comment

Comments  
# RE: சிறுகதை - ஜூலைன்னா - இன்னொரு லவ் ஸ்டோரி – சசிரேகாmadhumathi9 2018-07-01 05:31
facepalm oru ponno pona innoru ponna :Q: :eek:
Reply | Reply with quote | Quote
# RE: சிறுகதை - ஜூலைன்னா - இன்னொரு லவ் ஸ்டோரி – சசிரேகாThenmozhi 2018-06-30 15:00
oruthangalai mattum than love seiyanumnu ivarku yaravathu oruthar solli koduthirukalam :-)
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top