Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Chillzee KiMo

Chillzee KiMo Only BooksChillzee KiMo Books

1 1 1 1 1 Rating 5.00 (1 Vote)
சிறுகதை - நவம்பர்னா ரெஸ்ட் - சசிரேகா - 5.0 out of 5 based on 1 vote
Pin It

சிறுகதை - நவம்பர்னா ரெஸ்ட் - சசிரேகா

november

மாமா” என கோபமாக அழைத்தாள் வள்ளி, பார்த்திபனோ வேலையாக இருக்கவே

”மாமா” என கத்தி அழைக்கவும்

“சொல்லுமா” என அவளை பாராமலே அமைதியாகப் பேச அவளுக்கு அதிகமான கோபமே வந்தது

”மாமா என்னை கவனிக்க கூட உனக்கு நேரமில்லையா” என கேட்டு வைக்க அவன் சிரித்தபடியே அவளைப் பார்த்தான்.

”என்னாச்சி நான் நல்லாதானே உன்னை பார்த்துக்கறேன், சரி சொல்லு என்ன விசயம்?”

“என்னவா இந்த மாசம் என்ன மாசம்ன்னு தெரியும்ல?”

“நவம்பர்தானே”

“நவம்பர்னா என்ன?”

“என்ன?”

”தீபாவளி மாமா”

“ஓ அது வேறயா, இப்பதான் கல்யாணம் ஆச்சி, அதுக்குள்ள தலை தீபாவளி வந்துடுச்சா”

“ஆமாம் மாமா தலைதீபாவளிக்கு கல்யாணம் ஆனவங்க மாமானார் வீட்டுக்குப் போகனும்ல, என் பிறந்த வீட்டுக்கு எப்ப போலாம் மாமா” என ஆர்வமாக கேட்க

“உன் பிறந்த வீட்டுக்கு வேணாம்மா, இந்த முறை நம்ம வீட்லயே தீபாவளி கொண்டாடிக்கலாம்”

“ஏன் மாமா?” என கோபமாக கேட்க

“ஏன் கோபப்படற? அமைதியா பேசு, உன் நல்லதுக்குதான் சொல்றேன், சொன்னா கேளு இந்த முறை இங்கயே நாம கொண்டாடிக்கலாம், எனக்கு நிறைய வேலைகள் இருக்கு, என்னை வேலை செய்ய விடு, நீ கிளம்பு” என சொல்ல வள்ளியோ கோபத்துடனே பாட்டியை காண சமையல்கட்டுக்குச் சென்றாள்

”பாட்டி பாருங்க பாட்டி மாமா என்ன சொல்றாருன்னு” என அவரிடம் கோபமாக பேச அவரோ

“என்னவாம் அவனுக்கு” என அவளின் கோபத்தை தனதாக்கிக்கொண்டு கேட்க

“இந்த முறை தீபாவளிக்கு என் அம்மா வீட்டுக்கு போக வேணாமாம், இதே வீட்லயே தீபாவளி கொண்டாடலாம்னு சொல்றாரு. என் அம்மா வீட்டுக்குப் போனாதானே கௌரவமா இருக்கும், அங்க வீட்லயும் எப்ப வர்றீங்கன்னு கேட்பாங்கள்ல, ஊருக்கு இந்த விசயம் தெரிஞ்சா அப்பாவை எல்லாரும் கேள்வி கேட்பாங்கள்ல, இந்த மாமா அதை புரிஞ்சிக்காம எப்ப பாரு வேலை வேலைன்னு இருக்காரு, இப்ப என்ன செய்றது பாட்டி?” என கேட்க அவரோ

”இரு நான் போய் அவன்ட்ட பேசறேன், கவலை எதுக்கு, அமைதியா இங்கயே இரு” என சொல்லிக் கொண்டே அவளை சமையல்கட்டில் விட்டுவிட்டு பார்த்திபனை காண அவன் அறைக்குச் சென்றார். ஆர்வக்கோளாரு காரணமாக வள்ளியும் பாட்டியின் பின்னாடியே சென்று அவருக்குத் தெரியாமல் அறைக்கு வெளியே ஒட்டி நின்று உள்ளே நடப்பதைக் கேட்டுக் கொண்டிருந்தாள்.

”பார்த்திபா” என கோபமாக அழைக்க அவரைப் பார்த்தவன்

“வாங்க பாட்டி” என அமைதியாக அழைத்தான்

”நான் வர்றது இருக்கட்டும், தலைதீபாவளிக்கு நீ உன் மாமனார் வீட்டுக்குப் போலயா, இதெல்லாம் சடங்கு போகலைன்னா அவங்களுக்குதான் அவமானம், ஊர் என்ன சொல்லும்?” என சொல்ல பார்த்திபனோ

”வள்ளி எங்க பாட்டி?”

Pencilஹாய் பிரெண்ட், கதையை படித்து விட்டு, உங்கள் கருத்தை பகிர மறக்காதீர்கள். உங்கள் ஒவ்வொரு கமன்ட்டும் எழுத்தாளருக்கு மிக பெரிய டானிக். உங்கள் கமண்ட்டை பகிர இதை க்ளிக் செய்யுங்கள் down

”அவள் கோபமா சமையல்கட்டுல இருக்கா” என சொல்ல நிம்மதியாக மூச்சுவிட்டவன் பொறுமையாக தன் பாட்டியிடம் பேசினான்.

”பாட்டி இந்த முறை நான் போனா அவங்களுக்கு தேவையில்லாத செலவுகள்தான் வரும் பாட்டி, இந்தச் சடங்கை விட்டுத்தள்ளுங்க வருஷா வருஷம்தான் தீபாவளி வருதே, அடுத்த வருஷம் போறோம்” என சொல்ல

”என்னடா சொல்ற? எனக்கு புரியலை தேவையில்லாத செலவுகள்னா எதை சொல்ற, உனக்கு மரியாதை செய்றது கூட தேவையில்லன்னு ஆயிடுமா இதெல்லாம் காலம் காலமா நடக்கற வழக்கம்”

“எனக்கு புரியுது பாட்டி ஆனா இப்பதான் 2 மாசம் முன்னாடி கல்யாணம் ஆச்சி. கல்யாணத்துக்கு நான்தான் எல்லா செலவும் ஏத்து கல்யாணத்தை முடிச்சேன். கல்யாணத்தன்னிக்கே என் மாமனார் சொன்னாரு கல்யாண செலவுதான் நீங்க பார்த்துக்கிட்டீங்க, தலைதீபாவளி, தலைபொங்கல் எல்லாம் எங்க செலவுதான்னு சொன்னாரு”

“அப்புறம் என்னடா அவரே சொன்னபின்னாடி போகாம இருந்தா அவங்களுக்கு கௌரவ குறைச்சல் வந்துடும், அப்படியே உனக்கும் கௌரவ பிரச்சனை வந்துடும் பார்த்தி”

“ஆனா பாட்டி போன மாசம் வள்ளியோட அம்மாவுக்கு ஹார்ட் அட்டாக் வந்துருக்கு, அதுக்கு ஏதோ ஆப்ரேஷன் பண்ணனுமாம், இந்த மாசம்தான் அதுக்கு நாள் குறிச்சிருக்காங்க, ஆப்ரேஷனுக்குத் தேவையான பணத்தை புரட்டவே என் மாமனார் ரொம்ப சிரமப்பட்டாரு. இதுல நான் என்னோட கௌரவத்துக்காக தலைதீபாவளின்னு சொல்லிட்டு அங்க போனா என்னாகும். மாப்பிள்ளை வந்தார்ன்னு ஆப்ரேஷனுக்கு வைச்ச பணத்திலதான் அவர் செலவுக்கு பணம் எடுப்பாரு. ஒரு நாள் கூத்துக்காக ஆப்ரேஷனை தள்ளி வைக்க முடியுமா, அதான் நான் போகலை.

  •  Start 
  •  Prev 
  •  1  2 
  •  Next 
  •  End 

Add comment

Comments  
# RE: சிறுகதை - நவம்பர்னா ரெஸ்ட் - சசிரேகாPR 2018-08-01 12:31
நைஸ் ஸ்டோரி :clap: இதோட இந்த பார்த்திபன் கதை முடிஞ்சிடுச்சின்னு நினைக்கிறேன் அப்படித்தானே :Q:
Reply | Reply with quote | Quote
# RE: சிறுகதை - நவம்பர்னா ரெஸ்ட் - சசிரேகாmadhumathi9 2018-07-31 07:10
wow really nice story.idhu pol kanavan kidaikka koduthu vaithirukka vendum. :clap: (y) :clap:
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top