Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Chillzee KiMo

1 1 1 1 1 Rating 5.00 (3 Votes)
சிறுத் தொடர் - மல்லி - 01 - சிரிப்பு மல்லிகை பூ - சசிரேகா - 5.0 out of 5 based on 3 votes
Pin It

சிறுத் தொடர் - மல்லி - 01 - சிரிப்பு மல்லிகை பூ - சசிரேகா

smile

ல்லி மல்லி மல்லேய்” என கூவி கூவி பஸ் ஸ்டான்டில் குண்டு மல்லி மற்றும் மற்ற பூக்களை விற்றுக் கொண்டிருந்தான் மல்லிகார்ஜுனன், 20 வயது இளைஞன்.

”குண்டு மல்லி குண்டு மல்லி மல்லி” என அவன் சிரித்துக் கொண்டே பூக்களை விற்றுக் கொண்டு வேகமாக முல்லை பூ தொடுத்துக் கொண்டிருந்தான். அவனது கை விரல்களில் அப்படி ஒரு வேகம், பூக்களை பாராமலே அக்கம் பக்கம் பார்த்துக் கொண்டும் பேசிக்கொண்டும் அழகாக கச்சிதமாக பூக்களை தொடுத்து விப்பான். அவனது கச்சிதமாக கட்டும் பூவை வாங்கவே நிறைய பெண்கள் வருவார்கள். உதிரியாகவும் அவன் பூக்களை விற்பதுண்டு. ஆனாலும் உதிரிப்பூக்களை வாங்கி அதை தொடுத்து என இரு வேலைகள் செய்வதை விட அவன் பூக்களை அழகாக கட்டியே வைத்திருப்பான் அதை வாங்கி அந்நேரம் தலையில் வைத்துக் கொள்வார்கள் சில பெண்கள்.

பஸ் ஸ்டான்டில் அவன் பூ வியாபாரம் செய்வதால், ஸ்கூல், காலேஜ், வேலைக்குச் செல்லும் பெண்கள், வயது வித்தியாசமின்றி அவனிடம் பூவாங்குவார்கள். தினமும் கஸ்டமராகவே நிறைய பேர் இருந்தார்கள். சிறு வயதில் இருந்து பூ கூடைகளை லாரியில் இருந்து ஏற்றி இறக்கும் வேலையை செய்தவன், அவனது தாய் மறைவிற்கு பின் அந்த பூ விற்கும் தொழிலை இவன் எடுத்துக் கொண்டான். அவனது கடை சிறியதாக பெட்டிக் கடையை போன்று இருக்கும், தூசு புகையால் பூக்கள் வாடாமலிருக்க வாழை இலையை பூக்களின் மேல் போர்த்தி விப்பான். அவனது இந்த பழக்கம் வாங்குபவர்களுக்கு மிகவும் பிடிக்கும்.

அவன் தாய் இறக்கும் போது அவனுக்கு 18 வயது. அன்றிலிருந்து அவன் இந்த வேலை செய்து வருகிறான். அவனுக்கென்று ஒரு அண்ணன் இருக்கிறான், தந்தை இல்லாத குறையை அவன் தீர்த்து வைத்தான். திருமணமானபின் ஒதுங்கிவிடவே தன் வாழ்க்கையை தன் தேவைக்கு ஏற்ப வாழ்ந்துக் கொண்டிருந்தான் மல்லி என்கிற மல்லிகார்ஜுனன்.

Pencilஹாய் பிரெண்ட், கதையை படித்து விட்டு, உங்கள் கருத்தை பகிர மறக்காதீர்கள். உங்கள் ஒவ்வொரு கமன்ட்டும் எழுத்தாளருக்கு மிக பெரிய டானிக். உங்கள் கமண்ட்டை பகிர இதை க்ளிக் செய்யுங்கள் down

”மல்லி மல்லி குண்டு மல்லி சிரிப்பு மல்லி சிரிப்பு மல்லேய்” என அவன் கூவி கூவி விற்பதே வித்தியாசமாக இருக்கும். அவனிடம் அனைத்து வயதான பெண்களும், ஆண்களும் பூவை வாங்குவதால் காலையில் கடையை போட்டால் போதும் 10 மணிக்கே அத்தனையும் தீர்ந்து விடும், அடுத்து மாலை 3 மணிக்கு ஆரம்பித்தால் 7 மணி வரை ஓடும் அவ்வளவே அவனது வேலை நேரம். மீதி நேரங்களில் மூட்டை தூக்கும் வேலையை செய்துக் கொண்டு காலத்தை ஓட்டிக் கொண்டிருந்தான். அவனிடம் இருக்கும் ஒரே சிறப்பு எவ்வளவு கவலையிருந்தாலும், உடல் உபாதை மனக்கசப்பு இருந்தாலும் அவனது உதட்டில் இருக்கும் சிரிப்பு மட்டும் மாறவே மாறாது, கோபமாக வருபவனிடம் கூட அவன் சிரித்துப் பேசியே 2 நிமிடத்தில் கோபத்தை விரட்டிவிடுவான். எந்நேரமும் அவன் முகத்தில் ஜொலிக்கும் சிரிப்பு, சந்தோஷம் அந்தப் பக்கம் அவனை கடந்து செல்பவர்களையும் அவனிடம் பூ வாங்க வருபவர்களிடமும் அவனது சிரிப்பு தொற்றிக் கொண்டு அவர்களின் முகமும் சிரிப்புடன் இருக்கும்

அன்றும் அவன் அப்படியே கூவி கூவி விற்கும் போது ஸ்கூல் யூனிபார்மில் ஒரு பெண் ஓடி வந்தாள்

”மல்லி மல்லி இந்தா ஸ்வீட் எடுத்துக்க” என ஒரு பாக்சை அவனிடம் நீட்டினாள் வைதேகி, அவனோ சிரித்தான்

”என்ன பிறந்தநாளா” என கேட்க அவளோ

”இல்லை நான் 12வது பாஸ் பண்ணிட்டேன்” என சந்தோஷமாகச் சொல்ல அதைக் கேட்டுக் கொண்டே தான் தொடுத்து வைத்த பூவில் ஒரு முழம் பூவை அவளுக்கு தந்துவிட்டே ஸ்வீட் எடுத்தான்.

”நான்தான் ஏற்கனவே பூ வைச்சிருக்கேனே”

”வைச்சிக்க வைச்சிக்க இனிமே நீ பள்ளிக்கூடம் போக வேணாம்”

“ஆமாம் மல்லி” என அவள் சொல்லும் போது ஒரு பெண்மணி பூ வாங்க வரவே

”வாக்கா வாக்கா ப்ரஷா இருக்கு வாக்கா குண்டு மல்லி இருக்கு, முல்லை இருக்கு, ரோசா இருக்கு எதுக்கா வேணும்” என அவன் சிரித்துக் கொண்டே கேட்க

”நீதான் கட்டி வைச்சிருப்பியே அதுல இருந்து 2 முழம் கொடு”

”சரிக்கா” என அவனும் அதே போல 2 முழம் அளந்து பூவை அவரிடம் தர அவர் தந்த பணத்தை வாங்கிப் போட்டுக் கொண்டு மறுபடியும் கூவ ஆரம்பித்தான்

”மல்லிமல்லி மல்லி குண்டு மல்லி குண்டு மல்லி சிரிப்பு மல்லி சிரிப்பு மல்லி பூவே சிரிப்பு மல்லேய்” என அவன் கூவ வைதேகியோ

”அது என்ன சிரிப்பு மல்லி”

”பூ பூத்திருந்தா சிரிச்சிருக்குன்னு அர்த்தம், மொட்டா இருந்தா சிரிக்கலைன்னு அர்த்தம் போதுமா கிளம்பு”

“ஏன் விரட்டற” என அவள் சிணுங்க அவனுக்குப் பக்கென்றது

”நானும் 2 வருஷமா பார்க்கறேன், தினமும் என்கிட்டயே பூ வாங்கற, என்கிட்ட இப்படி வந்து சிரிச்சி வைக்கற என்ன விசயம்”

”ஒண்ணுமில்லை இப்ப சொன்னாலும் வேஸ்ட்தான், நான் மேஜர் ஆனதும் சொல்றேன் பை மல்லி”

“டாட்டா” என அவன் சொன்னதும் அவள் ஓடியேவிட்டாள். அவளது மனதில் இருப்பது அறிந்தும் அறியாமலும் அவன் மாட்டிக் கொள்ளாமல் தப்பித்துக் கொண்டிருந்தான்.

  •  Start 
  •  Prev 
  •  1  2  3  4 
  •  Next 
  •  End 

Add comment

Comments  
+1 # RE: சிறுகதை - சிரிப்பு மல்லிகை பூ - சசிரேகாmadhumathi9 2018-09-12 15:36
:sad: enna friend ippadi mudithuvitteergale? Nice story.vaaltugal melum melum ungal pani sevvane nadakka iraivanai praarthikkiren. (y) :thnkx: :GL:
Reply | Reply with quote | Quote
# RE: சிறுகதை - சிரிப்பு மல்லிகை பூ - சசிரேகாsasi 2018-09-18 15:03
Quoting madhumathi9:
:sad: enna friend ippadi mudithuvitteergale? Nice story.vaaltugal melum melum ungal pani sevvane nadakka iraivanai praarthikkiren. (y) :thnkx: :GL:

நன்றி :dance:
Reply | Reply with quote | Quote
+1 # மல்லி மல்லிவைத்தியநாதன் 2018-09-10 09:02
பாராட்ட வார்த்தையில்லை! முழுமையான படைப்பு! பலநாள் எழுதிப் பழக்கப்பட்ட திறமை படைப்பில் பளிச்சிடுகிறதுQuoting sasi:
Quoting Arthi marimuthu:
Thenu koodavachu chethu vachrukalame, 😥

:cool: nandri
Reply | Reply with quote | Quote
+1 # Malli malliArthi marimuthu 2018-09-08 10:53
Thenu koodavachu chethu vachrukalame, 😥
Reply | Reply with quote | Quote
# RE: Malli mallisasi 2018-09-08 14:35
Quoting Arthi marimuthu:
Thenu koodavachu chethu vachrukalame, 😥

:cool: nandri
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top