Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu

Friends, Chillzee KiMo is all set to be released 👏👏! Please visit Chillzee KiMo website - www.kimo.chillzee.in to learn about the subscription plans and other details.

Friends, Chillzee KiMo is all set to be released 👏👏! Please visit Chillzee KiMo website - www.kimo.chillzee.in to learn about the subscription plans and other details.

 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
1 1 1 1 1 Rating 5.00 (1 Vote)
சிறுகதை - இவன் ஒரு நியூஸன்ஸ்! - ரவை - 5.0 out of 5 based on 1 vote
Pin It

சிறுகதை - இவன் ஒரு நியூஸன்ஸ்! - ரவை

organ-donation

டாக்டர் கணேசன், நோயாளி மாதவராவை எப்படியாவது உயிர் பிழைக்கவைத்து, இன்னுமொரு பத்து ஆண்டுகளாவது வாழவைக்க துடியாய் துடிக்கிறார். 

ஆனால், அதற்கு அத்தியாவசியமானது, ஒரு மாற்று கிட்னி!

மாதவராவ் கிட்னி தானம் செய்பவருக்கு, கேட்கும் பணத்தை தர தயாராக உள்ளார்!

டாக்டர் கணேசன் கிட்னி மாற்று சிகிச்சையில் எக்ஸ்பர்ட்! தவிர, மாதவராவுக்கு அவர் வேறுவிதங்களில் கடமைப்பட்டிருக்கிறார். மத்தியதர வர்க்க குடும்பத்தில் பிறந்த கணேசனை, தன் செலவில் படிக்கவைத்து, டாக்டராக்கியது, மாதவராவ்தான்!

அவர் நியாயமான வழியில், நிறைய சம்பாதித்தார். ஆனால், அந்தப் பணத்தை பேங்கில் வைத்து சொத்து சேர்க்காமல், எல்லோருக்கும் உதவி செய்தார். கலியுக கர்ணனாகவே வாழ்ந்தார். அவர் சொல்வார், "என்னிடம் உள்ள பணம், எனக்குச் சொந்தமானதல்ல, கடவுளுக்கு சொந்தமானது, என்னிடம் கொடுத்து வைத்து, தானம் செய்யச் சொல்கிறார், அவர் சார்பில்! அவ்வளவுதான்."

அந்த மாதவராவ் இன்று கிட்னி முழுதும் பழுதாகி, உயிருக்கு ஆபத்தான நிலையில் படுத்திருக்கிறார்.

அவரை எப்படியாவது காப்பாற்றி தனது நன்றிக்கடனை தீர்க்க டாக்டர் கணேசன் துடியாய் துடிக்கிறார்.

ஆனால், இன்னும் அதற்கான வேளை வரவில்லை போலிருக்கிறது!

இதுவரையில், நான்கு பேர் கிட்னிதானம் செய்ய முன்வந்தும், அவர்களுடைய இரத்த பிரிவு மாதவராவுக்கு பொருந்தாமல் போய்விட்டது, துரதிருஷ்டமே!

மாதவராவின் ரத்தப் பிரிவு, அபூர்வமானது! சாதாரணமாக, பெற்ற குழந்தைகளின் ரத்தப் பிரிவோ, நெருங்கிய உறவினர்களின் ரத்தப் பிரிவோ, ஒத்துப்போகும். மாதவராவின் ரத்தப்பிரிவு அபூர்வமானதால், ஒத்துப்போகிற நபர் கிடைக்காமல் அல்லாட வேண்டியிருக்கிறது.

தெரிந்தவர்கள் அத்தனைபேரிடமும் சொல்லிவைத்தும், மற்ற மருத்துவமனைகளுக்கு தகவல் அனுப்பியும், பலனில்லாமல், ஒருவாரம் ஓடிவிட்டது!

மாதவராவின் உடல்நிலை மோசமாகிக் கொண்டிருக்கிறது. 

Pencilஹாய் பிரெண்ட், கதையை படித்து விட்டு, உங்கள் கருத்தை பகிர மறக்காதீர்கள். உங்கள் ஒவ்வொரு கமன்ட்டும் எழுத்தாளருக்கு மிக பெரிய டானிக். உங்கள் கமண்ட்டை பகிர இதை க்ளிக் செய்யுங்கள் down

தலையே வெடித்துவிடும்போல், டாக்டருக்கு ரத்தம் சூடேறவே, சற்று இயற்கையான காற்றை சுவாசிக்கலாமென, மருத்துவமனையின் வாசல்கேட் அருகே வந்துநின்றார்.

"ஐயா!" என்று யாரோ அழைக்கும் ஒலி வரவே, குனிந்து பார்த்தார்.

அதே பிச்சைக்காரன்!

டாக்டருக்கு எரிச்சல் எகிறிவிட்டது.

"ஏன்யா! இப்படி ஒரு வாரமா போகிறபோதும் வருகிறபோதும் பிச்சை கேட்டு உயிரை வாங்கறே? நான்தான் பிச்சை போடமாட்டேன்னு சொல்லிட்டேனில்லே, திரும்பத் திரும்ப ஏன்யா என் உயிரை வாங்கறே? வாட்ச்மேன்! இவன் ஒரு நியூஸென்ஸ்!இவனை உடனே விரட்டு!"

என்று சத்தம் போட்டார்.

தரையில் படுத்திருந்த பிச்சைக்காரன் தலையையும் கைகளையும் பலமாக ஆட்டி டாக்டரை தலைதூக்கிப் பார்த்து, ஈனஸ்வரத்தில் 'இல்லே' என்றான்.

வாட்ச்மேன், "டாக்டர்! எனக்கென்னவோ, அவன் உங்ககிட்ட பிச்சை கேட்கலை, உங்ககிட்ட வேற ஏதோ பேச துடிக்கிறான்னு தோணுது, ......."

"ஆமாம், இவன் என் சொந்தக்காரன், குடும்ப சமாசாரம் பேச நினைக்கிறானாக்கும், விரட்டுய்யா இவனை!" எரிச்சலுடன் சொன்னார், டாக்டர்!

வாட்ச்மேன் பிடிவாதமாக தான் சொன்னதையே திரும்பவும் சொன்னான்.

"டாக்டர்! இவன் உங்களைத் தவிர, உங்களைப் போல டாக்டர்களைத் தவிர, வேற யாரிடமும் கையேந்தமாட்டான். இவனாலே, எழுந்திருக்க முடியலே, பசியினாலே குரலும் எழும்பலை, அவன் என்ன சொல்றான்னு கீழே குனிந்து இவன் வாய்கிட்ட நம்ம காதை வைச்சு கேட்டாதான், இவன் என்ன சொல்றான்னு தெரியும்........"

"ஐயோ, கடவுளே! இவன் ஒருத்தன் என் உயிரை வாங்கறது போதாதுன்னு, நீயும் சேர்ந்துகிட்டியா, நான் படற அவஸ்தை எனக்குத்தான் தெரியும். உடனடியா எனக்கு ஒரு கிட்னி வேணும், நீயோ, இவனோ கொடுக்கமுடியுமா, பெரிசா பேச வந்துட்டே! விரட்டுய்யா இவனை!"

என்று டாக்டர் உரக்க கோபமாக சத்தம் போடவும், பிச்சைக்காரன் அவர் கால்களைப் பிடித்து உலுக்கினான். உயிரை கையில் பிடித்துக்கொண்டு, தெம்பை வரவழைத்து, உரக்க "நான் தரேன்" என்று கத்தினான்.

திடுக்கிட்ட டாக்டர் கணேசன், அந்த வினாடியே, பிச்சைக்காரனுடன் தரையில் அமர்ந்து, அவன் வாயருகே தன் காதுகளை வைத்து "சொல்லு, சொல்லு!" என்றார்

" நான் எந்த நேரமும் செத்துப்போயிடுவேன், என் உடம்பை தானமா தரேன், மூச்சு இருக்கிறபோதோ, போனபிறகோ, எப்போ எந்த உறுப்பு வேணுமோ, எடுத்துக்குங்க! சாகிற உயிர்களை உடனே காப்பாத்துங்க! உம், சீக்கிரம்!"

டாக்டர் கணேசனுக்கு, தெய்வமே நேரில் வந்து காட்சி தந்ததுபோலிருந்தது!

அலக்காக, அவரே, அவனை தூக்கிக்கொண்டு, மருத்துவமனைக்குள் ஓடினார்.

  •  Start 
  •  Prev 
  •  1  2  3 
  •  Next 
  •  End 

Add comment
Dear readers, Comments feature is provided for sharing your comments about this article.
Please restrain from using it for other purposes.
Chillzee.in reserves all rights to remove / modify any irrelevant / inappropriate comments without any prior notification.
To read our Comment / Forum rules, please visit Chillzee Comments & Forum Rules.Thank you.
If you have any queries please contact administrator @ admin@chillzee.in

Comments  
# RE: சிறுகதை - இவன் ஒரு நியூஸன்ஸ்! - ரவைTamilthendral 2018-11-17 21:09
Amazing :clap: arumaiyana kathai karu :clap:
Reply | Reply with quote | Quote
# RE: சிறுகதை - இவன் ஒரு நியூஸன்ஸ்! - ரவைRaVai 2018-12-01 19:10
தாமதத்துக்கு மன்னிக்கவும்.பாராட்டுக்கு நன்றி
Reply | Reply with quote | Quote
# ION by RavaiSahithyaraj 2018-11-16 12:38
Ji kathaiyin Karu arumai. Innamum padithavangale organ donation pathina awareness illama iruppathu aruthathirku uriyadhu. It has to change. Nice story. :thnkx:
Reply | Reply with quote | Quote
# RE: ION by RavaiRaVai 2018-11-16 12:49
சசி, சத்யராஜ் இருவருக்கும் மிக்க நன்றி. த௰வுசெ௰து இந்த செ௰தி௰ பரப்பவும்
Reply | Reply with quote | Quote
# RE: சிறுகதை - இவன் ஒரு நியூஸன்ஸ்! - ரவைsasi 2018-11-16 11:31
கதை அருமையாக உள்ளது தானத்தை பற்றி அழகாக குறிப்பிட்டிருந்தீர்கள் ஐயா அந்த விளம்பர நோட்டீஸ் உண்மையில் பயனுள்ளதே முருகன் எப்பவுமே கிரேட்தான் :clap:
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top