Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu
 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
1 1 1 1 1 Rating 3.38 (8 Votes)
மனம் விரும்புதே உன்னை... - 11 - 3.4 out of 5 based on 8 votes

11. மனம் விரும்புதே உன்னை...

ர்ச்சனா சொன்னது போல் மறுநாள் அலுவலகம் வந்த நந்தினி, நேரே இந்துவின் அறைக்கு வந்து அவளை சந்தித்தாள். நிறுவனத்தை தனியே நிர்வாகம் செய்து பழகியதாலோ என்னவோ, இந்து எந்த வித உணர்ச்சியும் காட்டாது அவளை வரவேற்று அமர சொன்னாள்.

"உங்களுக்கு ரூம் ரெடி பண்ண சொல்லி இருக்கேன்... கொஞ்ச நேரம் வெயிட் பண்ணினீங்கன்னா ரூம் ரெடி ஆயிடும்... ஏதாவது சாப்பிடுறீங்களா... காபி? டீ?"

இயந்திரத்தனமாக ஒலித்த அந்த குரலை கேட்டு புன்னகைத்தாள் நந்தினி. புன்னகைக்கும் போது அவள் முகம் மேலும் அழகாவதை ஏற்றுக் கொள்ள மனம் வராத போதும் அது தான் உண்மை என்பதை உணர்ந்தாள் இந்து.

"பரவாயில்லை இந்து மேடம்... எதுவும் வேண்டாம்.... தேங்க்ஸ்...."

"நீங்க என்னை மேடம்ன்னு கூப்பிடனும்ன்னு இல்லை... நீங்க எனக்கு அக்கா முறை தானே...."

"அந்த மரியாதை எல்லாம் எனக்கு இருக்கா என்ன?"

"மதிப்பு மரியாதை எல்லாம் தானா வரனும்.. நாம கேட்டு வாங்க கூடாது..."

"நிஜம் தான்... உனக்கு எப்போதும் கீதா தானே அக்கா.... என் கூட பேச உன் பிரெண்ட்ஸ் கிட்ட பெர்மிஷன் வாங்கியாச்சா?" என்றாள் நந்தினி, அதுவரை பயன்படுத்தி கொண்டிடுந்த மரியாதை பன்மையில் இருந்து மாறி.

பேச்சில் மாற்றத்தை உணர்ந்த போதும், அதை கண்டு கொள்ளாது,
"என்னோட உண்மையான பிரெண்ட்ஸ் எப்போதும் தேவை இல்லாத விஷயத்தில தலை யிட மாட்டாங்க... அதே போல தேவை இல்லாமல் கீதா அக்கா பத்தியோ வீணா பத்தியோ பேச வேண்டாம்.... எனக்கு ஒரு பிரச்சனைனா முதல்ல எனக்காக வரவங்க அவங்க ரெண்டு பேரும் தான்...."

"அப்படி நினைச்சுட்டு தானே இருக்கே... இது வரைக்கும் ஏதாவது பிரச்சனை வந்திருக்கா? அப்படி ஏதாவது வந்தால் தான் உன் பிரெண்ட்ஸ் பத்தி உண்மை தெரியும்...."

"அந்த மாதிரி சோதனை செஞ்சு எனக்கு அவங்க ரெண்டு போரையும் பத்தி தெரிஞ்சுக்க வேண்டிய அவசியம் இல்லை... அவங்க ரெண்டு பேரும் என்ன சொன்னாலும் செஞ்சாலும் என் நல்லதுக்கு தான் செய்வாங்க...."

"அதையும் பார்ப்போம்... உங்களுக்கு தான் அட்வைஸ் பண்றது கேள்வி கேக்குறது எல்லாம் பிடிக்காதாமே... சித்தி சொன்னாங்க..."

அன்னையை மனதில் கடிந்தபடி,
"உங்களுக்கு இது இப்போவே தெரிஞ்சு இருக்கிறது நல்லது தான்... " என்ற இந்து, தொடர்ந்து,

"நீங்க என்னை இப்படியே பேர் சொல்லியே கூப்பிடலாம், எல்லோருக்கும் நம்ம உறவு முறை தெரியும் தானே..." என்றாள்.

"அப்படி பார்த்தால் நீ என்னை அக்கான்னு இல்லை கூப்பிடனும்...."

"உங்களுக்கு அது தான் பிடிக்கும்ன்னா அப்படியே கூப்பிடுறேன்.... சில பேருக்கு அக்கான்னு கூப்பிட்டா வயசு ஜாஸ்தியா தெரியுதுன்னு கோப படுவாங்க...." என்று முடிக்காது இழுத்தாள் இந்து.

"எல்லா விஷயத்திலேயும் எனக்கு பிடிச்ச மாதிரி நடக்குற மாதிரி தான்....." என்றாள் நந்தினி சிறிது ஏளனமாக.

அந்த குரலில் சற்று கடினமுற்ற மனதை, சமனப் படுத்திக் கொண்டு, நந்தினியை நேராக பார்க்காது பதில் சொன்னாள் இந்து.
"மத்த படி எப்படியோ இங்கே ஆபீஸ்ல உங்களுக்கு பிடிக்காததா எதுவும் நடக்காது... எனக்கு இருக்கிற அதே உரிமை உங்களுக்கும் இருக்கு... நம்ம பதவி பேர்ல மட்டும் தான் வித்தியாசம்....."

இந்துவை நேராக பார்த்த நந்தினியின் முகம் சற்று இளகியது. அவள் முகத்தில் அதுவரை இருந்த கண்ணுக்கு தெரியாத திரை விலகியது...
"இல்லை இந்து இது உனக்கு மட்டும் உரிமை ஆனது தான்... நான் இங்கே வேலை செய்ய.... உனக்கு உதவி செய்ய தான் வந்திருக்கேன்... என்னால உனக்கு தொல்லை எதுவும் வராமல் பார்த்துக்குறேன்...."

அந்த கனிவான குரலை கேட்ட இந்து சற்று திகைத்து தான் போனாள். இதுவரை நந்தினி இது போன்ற தோணியில் அவளிடம் பேசியதில்லை. எங்கோ இருந்த பார்வையை திருப்பி நந்தினியை பார்த்தாள். இளகியிருந்த நந்தினியின் முகம் அவளின் திகைப்பை அதிக படுத்தியது. அந்த குழப்பத்தில் இருந்து அவளை விடுவிப்பது போல், அறை கதவு தட்டப்பட்டது. உள்ளே வந்த நிலா,
"மேடம்... நந்தினி மேடத்தோட ரூம் ரெடி ஆயிடுச்சு... க்வாலிட்டி, புரொடக்ஷன் மேனேஜர்ஸ் கிட்ட நந்தினி மேடம் இனிமேல் அவங்க டிப்பார்ட்மேன்ட்ஸ் கவனிச்சுப்பாங்கன்னு இன்பார்ம் பண்ணிட்டேன்..." என்றாள்.

"தேங்க்ஸ் நிலா.." என்று, நந்தினி பக்கம் திரும்பிய இந்து, நந்தினி முகம் எப்போதும் போல் மாறி இருப்பதை உணர்ந்தாள்.

"நிலா உங்க ரூம் காட்டுவாங்க...உங்களுக்கு எந்த ஹெல்ப் வேணும்னாலும் நிலாவை கேட்கலாம்.... இல்லை என்கிட்டே சொல்லுங்க..."

"சரி தேங்க்ஸ்... அப்போ நான் என் ரூமுக்கு போறேன்...." என்றபடி எழுந்து, கை குலுக்க தன கைகளை நீட்டினாள் நந்தினி.

இந்துவும் எழுந்து, நீட்டியிருந்த அவள் கைகளை பற்றி குலுக்கி விட்டு,
"ஆல் தி பெஸ்ட்..." என்றாள்.

ந்தினியும் நிலாவும் அங்கிருந்து சென்ற பின்னர் இந்து சில நிமிடங்கள் நந்தினியை பற்றிய சிந்தனையில் செலவிட்டாள். முகத்தில் அந்த கடுமை இல்லாது, கனிவாக பேசும் நந்தினி அவளுக்கு புதியவளாக தெரிந்தாள். ஒருவேளை அவள் இப்படி தான் அன்னையிடம் பேசுவாளோ? என்னிடம் மட்டும் அவளுக்கு ஏன் எப்போதும் இந்த கோபம்?

அவளின் சிந்தனையை கலைப்பது போல் அவளின் கைபேசி சிணுங்கியது. சஞ்சீவ் அன்று மாலை அவளை சந்திக்க அலுவலகம் வருவதாக குறுந்தகவல் அனுப்பி இருந்தான். அதை பார்த்த உடன் அவளுக்கு நந்தினி மறந்து போனாள். அவனுக்கு பதில் அனுப்பி விட்டு, தன் வேலையில் கவனம் செலுத்த முயன்றாள். எப்போதும் போல் அது மிக கடினமாக இருந்தது.. சஞ்சீவை அவள் கவனத்தில் இருந்து அவளால் விலக்க முடியவில்லை.. மனம் எப்போதும் அவனையே சுற்றி கொண்டிருந்தது... படிக்கும் போது காதலிக்க கூடாது என்று பெற்றவர்கள் சொல்வது ஏன் என்பது அவளுக்கு புரிந்தது... அவள் முகத்தில் தானாக புன்னகை மலர்ந்தது... படிக்கும் போது என்றில்லையே... பணி புரியும் போதும் கூட கவனம் தேவை தானே.... அப்படி பார்த்தால் காதலிக்கும் போது மட்டும் தான் இந்த மயக்கம் எல்லாமுமா? திருமணம் முடிந்தாலும் இப்படி தானே இருக்க வேண்டும்? ஆனால் ஏன் திருமணத்தால் மனம் சிதறக் கூடும் என்று பெரியவர்கள் சொல்வதில்லை? தன்னை தானே கடிந்துக் கொண்டு, வேலையில் கவனத்தை திருப்பினாள் இந்து.  

ஒருவழியாக அன்றைய நாள் முடியவும், அவசரமாக கிளம்பினாள் இந்து. வழியில் பார்த்தவர்களுக்கு புன்னகையை வழங்கியபடி வந்தவள், வரவேற்பறையில் அமர்ந்திருந்த சற்று வயது முதிர்ந்த பெண்மணியை பார்த்தாள். அவரும் யாருடைய வரவுக்கோ காத்திருப்பது போல் அந்த பக்கம் தான் பார்த்துக் கொண்டிருந்தார். வழக்கம் போல் புன்னகையோடு நகர்ந்தவளை, அம்மா என்று அவள் பின் இருந்து ஒலித்த குரல் தடுத்து நிறுத்தியது. சற்று திகைத்து திரும்பி பார்த்தவள், நந்தினி அவசர நடையோடு வந்து அங்கே அமர்ந்திருந்த பெண்மணி பக்கம் போவதைக் கண்டாள்.

 

  •  Start 
  •  Prev 
  •  1  2  3 
  •  Next 
  •  End 
Add comment
Dear readers, Comments feature is provided for sharing your comments about this article.
Please restrain from using it for other purposes.
Chillzee.in reserves all rights to remove / modify any irrelevant / inappropriate comments without any prior notification.
To read our Comment / Forum rules, please visit Chillzee Comments & Forum Rules.Thank you.
If you have any queries please contact administrator @ admin@chillzee.in

Comments  
# SuperKiruthika 2016-06-28 21:59
Nalla Epi ...
Reply | Reply with quote | Quote
# RE: மனம் விரும்புதே உன்னை... - 11Admin 2012-05-21 19:19
Nandhini - Indhu fight is super Aadhi :lol:

And thanks for the summary :-)
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)

சுடச் சுடச்...!

 

Go to top