Chillzee Originals - தொடர்கதை - வெற்றியின் செல்வி - 20 - Chillzee Story

This is a Chillzee Originals Novel episode. Visit Chillzee Originals Novels page for other current Chillzee Original stories.

அரசி மறுப்பாக தலை அசைத்தாள்!

“ஆமா ஆமா, காதலின்னு நடிச்சு, இப்போ கல்யாணத்துக்கும் தலைய தலைய ஆட்டுற ரொம்ப நல்லவ! ரொம்பவே பாவம் தான்! பொய் அமுதினி, உண்மை அமுதினின்னு! என்ன கொடுமை இது சந்திரிகா!”

“அவளை ஏன் தப்பு சொல்றீங்க அக்கா, எல்லாம் இந்த வெற்றி செய்ற வேலை!” என்றாள் சந்திரிகா கோபத்துடன்.

“உனக்கு எப்போவும் வெற்றி கிட்ட குறை கண்டுபிடிக்குற வேலை! சரி, நீ சொல்ற மாதிரியே இருந்தாலும், அதுக்காக கல்யாணம் செஞ்சு வச்சிருவீயா? வெற்றியை நேரா கூப்பிட்டு நமக்கு எல்லா உண்மையும் தெரியும்னு சொல்லிடலாம். பய எப்படி முழிக்குறான்னு பார்க்கலாம். நாலு திட்டு திட்டலாம். அதோட எல்லாம் முடிஞ்சிடும்.”

“அதெல்லாம் முடியாதுக்கா. வெற்றி முழிக்க மாட்டான், புதுசா ஏதாவது கதை சொல்வான்.”

“எதுவா இருந்தாலும் கேட்ருவோம் சந்திரிகா.”

“வேண்டாம் எல்லாம் நடக்குற மாதிரி நடக்கட்டும்.”

“எது நடக்கட்டும்? கல்யாணமா? உனக்கு பைத்தியமா பிடிச்சிருக்கு? ஊரு பேரு யாரு என்னன்னு முழுசா தெரியாத பொண்ணை பிடிச்சு உன் மகனுக்கு கல்யாணம் செய்து வைக்க போறீயா?”

சந்திரிகாவிடம் மர்ம புன்னகை மட்டும் பதிலாக!

“எனக்கு எதுவும் புரிய மாட்டேங்குது சந்திரிகா. உன் மனசில என்ன இருக்கு?”

“பெருசா ஒன்னுமில்லக்கா. கல்யாணத்துக்கு சம்மதம் சொல்வாங்கன்னு நானும் எதிர்பார்க்கலை. அதும் அந்த பொண்ணும் சொல்வான்னு நான் நினைக்கலை.”