Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu
 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
1 1 1 1 1 Rating 5.00 (1 Vote)
தொடர்கதை - கனவுகள் மட்டும் எனதே எனது... - 05 [Summer special series] - 5.0 out of 5 based on 1 vote
Pin It

05. கனவுகள் மட்டும் எனதே எனது... - வினோதா

05.நாட்கள் நீளுதே...

"ரண்டு பேரும் சேர்ந்து நில்லுங்க நான் ஆரத்தி எடுக்கிறேன்"

சாந்தியின் அருகே நின்றிருந்த வள்ளி, ஆச்சர்யத்துடன் அவள் காதில் கிசுகிசுத்தாள்.

"இது உங்க அம்மா தானா? இல்லை அவங்களை மாதிரியே இருக்க வேற யாராவதா?"


Kanavugal mattum enathe enathu"கடுபேத்தாதே வள்ளி! அம்மா தான்!"

சாந்தியின் அம்மா மங்கா ஆரத்தி எடுத்து முடிக்க, மற்றவர்கள் உள்ளே சென்றனர். எஸ் குமரனிடம் பேசியபடி உள்ளே சென்று விட, சாந்தி மற்றும் வள்ளி நந்தினியுடன் இருந்தனர்.

"நானும் மங்கா ஆன்ட்டியும் ஜூஸ் எடுத்துட்டு வரோம்..." என்று சொல்லிவிட்டு அனாமிகா மங்காவுடன் கிட்சன் பக்கம் சென்று மறைந்தாள்.

"உங்க அம்மாக்கு எஸ்.கேவை பார்த்தாலே பிடிக்காது, என்ன அதிசயமா வந்து ஆரத்தி எல்லாம் எடுக்குறாங்க?"

"ஒரு தடவை இந்த லூசு அம்மாவை கலாட்டா செய்ததாலே அவன் மேல கடுப்பா இருந்தாங்க. ஆனாலும் அவங்களுக்கு அவனை பிடிக்கும். இப்போ அவனுக்கு கல்யாணம் ஆனதில் அவங்களுக்கு ரொம்ப சந்தோஷம்..."

"அவனை எந்த லேடிக்கு தான் பிடிக்கலை? என்ன தான் செய்வான்னே தெரியலை! என்னோட அத்தைக்கு அவன் பேரை சொன்னாலே போதும், முகத்துல அப்படி ஒரு பிரகாசம் தெரியும்! ஆனாலும் அவனை மாதிரி பப்ளிக்கா flirt செய்றவங்களை நம்பலாம், உன்னை போல நல்ல பொண்ணு மாதிரி இருந்துட்டு..."

வள்ளி வாக்கியத்தை முடிக்கும் முன் குறுக்கிட்ட சாந்தி,

"அம்மா தாயே கொஞ்சம் நேரம் வாயை மூடிட்டு இருக்கீயா? அம்மா காதுல ஏதாவது விழுந்தது நான் அவ்வளவு தான்!" என்றாள் அவசரமாக.

"இப்படியே சொல்லிட்டு எவ்வளவு நாள் இருக்க போற? உனக்கு வயசு என்னன்னு ஞாபகம் இருக்குல? எஸ்.கேக்கு கூட கல்யாணம் ஆகிடுச்சு!"

"உனக்கு காரணம் தெரியாத மாதிரி கேட்காத வள்ளி. ஷக்திக்கு ஒரு நல்ல வேலை கிடைச்ச உடனேயே வீட்டுல சொல்லிட வேண்டியது தான்!"

"நான் தான் ஹெல்ப் செய்றேன்னு சொல்றேனே, ஏன் இரண்டு பேரும் அடம் பிடிக்குறீங்க?"

"இல்லைப்பா, அவன் ஒரு டைப். அவனா தான் வாழ்க்கையில் முன்னேறனும்னு அடம் பிடிக்கிறான்"

"ரிடிகுலஸ்! உங்களுக்கு அறுபதாம் கல்யாணமும், கலயாணமும் சேர்ந்தே தான் நடக்க போகுது!"

"அடிபாவி! உன் கருநாக்கை வச்சு இப்படி எல்லாம் சாபம் கொடுக்காதே! இன்னும் ஒரு வருஷத்துக்குள்ள எங்க கல்யாணம் நடக்குதா இல்லையா பாரு!"

ள்ளியும், சாந்தியும் தங்களின் பேச்சு மும்முரத்தில் அன்றைய கதாநாயகி நந்தினியை மறந்து போயிருந்தார்கள்.

நந்தினிக்கு காதில் கேட்ட அவர்களின் பேச்சு சுவாரசியமானதாக இருந்தாலும் கருத்தில் படவில்லை. அவளின் மனதினுள் பல கோடி கேள்விகள், குழப்பங்கள்!

சதீஷ் குமார்..!

அவனை பற்றி என்ன தெரியுமா அவளுக்கு?

பெரிதாக எதுவுமே தெரியாது! எந்த தைரியத்தில் இந்த முடிவை எடுத்தாள் அவள்?

சாந்தியிடம் திருமணத்திற்கு சம்மதம் என்று சொன்ன வினாடியில் இருந்தே இந்த கேள்வி அவளை குடைந்துக் கொண்டே இருக்கிறது.

ஆனால் அவளிடம் பதில் இல்லை...!

உண்மையில் பதிலை தெரிந்துக் கொள்ள அவள் விரும்பவில்லை!

ஆனால் இந்த வினாடி வரை அன்புடன் வளர்த்த அம்மாவிற்கு தெரியாமல் திருமணம் செய்துக் கொண்டதை குறித்த வருத்தத்தை தவிர அவளுக்கு வேறு எந்த வருத்தமும் இல்லை.

ந்தினி தன் சிந்தனையில் ஆழ்ந்திருக்க, அனாமிகாவும், மங்காவும் கோப்பைகளில் நிரப்பிய ஜூஸுடன் வந்தார்கள்.

"இந்த பேகேஜ்ட் ஜூஸ் எடுத்துட்டு வர இரண்டு பேர் தேவையா?"

"சாந்தி! வாயை மூடு! சின்ன பொண்ணு, அவ வந்து வேலை செய்றா, இங்கே உட்கார்ந்து கதை பேசிட்டு இருக்க நீ? இந்த அதிகமான பேச்சினால என்னைக்கு எந்த வம்பை விலைக்கு வாங்க போறேன்னு தெரியலை."

"ஆன்ட்டி, அவளை ஒரு அப்பாவியா பார்த்து மாட்டி விட்ருங்க! அதுக்கு அப்புறம் அவராச்சு சாந்தி ஆச்சு! சீக்கிரமா கல்யாணம் செய்து வைங்க" என்றாள் வள்ளி.

"அதை ஏன்மா கேட்குற? இவளுக்கு கல்யாணத்துக்கு வரன் தேட ஆரம்பிச்சு மூணு வருஷம் மேல ஆச்சு. எப்போ பாரு அதில்லை இதில்லைன்னு ஒரே குறை! இவங்க அப்பா போட்டோ கூட நான் பார்க்கலை, எங்க அம்மா, அப்பாவே எல்லாம் பேசி முடிவு செய்து வச்சிருந்தாங்க. சம்பிரதாயம்னு சொல்லி ஒரு நாள் அவரும் அவங்க குடும்பமும் வந்தாங்க அப்போ கூட அவரை சரியா பார்த்தேன்னு கூட சொல்ல முடியாது! இவ என்னடான்னா கேள்வி மேல கேள்வியா கேட்குறா... வள்ளி, உனக்கு நிறைய பேர் தெரியுமே... நல்ல பையனா யாரவது இருந்தால் சொல்லேன். தமிழ் பையனா இருக்கனும். செட்டில் ஆனவனா இருக்கனும்... வேற எந்த ரெஸ்ட்ரிக்ஷனும் இல்லை..."

"சொல்றேன் ஆன்ட்டி. குமார்க்கிட்டேயும் சொல்லி வைக்கிறேன்..."

"குமரன் இங்கே தான் இருந்தான். நானே அவன் கிட்ட சொல்றேன்..."

பரபரப்பாக குமரனை தேடி சென்ற மங்கா ஐந்து நிமிடத்தில், குமரனுடன் திரும்பி வந்தாள்.

"வள்ளி, ஆன்ட்டி அங்கிள் வீட்டில இருக்காருன்னு பார்க்க கூப்பிடுறாங்க, நீயும் வாயேன்..." என்று மனைவியையும் அழைத்தான் குமரன்.

"இவருக்கு எங்கே போனாலும் நானும் கூட வரணும். நான் போயிட்டு வரேன்..." என்று சொன்னபடி சோபாவில் இருந்து எழுந்தாள் வள்ளி.

"இரு இரு நானும் வரேன்..." என்றபடி அவளுடன் எழுந்த வள்ளி, நந்தினியிடம்,

"எங்க வீட்டுக்கு போயிட்டு வந்திடுறோம், நந்தினி..." என்றாள்.

நந்தினி அமைதியாக தலை அசைத்தாள்.

வர்கள் அனைவரும் சென்று விட, அனாமிகா நந்தினியின் அருகே சென்று அமர்ந்தாள்.

"ரொம்ப சந்தோஷமா இருக்கேன் நான்! இவ்வளவு நாள் வீட்டில நானும் அண்ணாவும்  மட்டும் தான். அவனும் கொஞ்சம் நேரம் மட்டும் வீட்டில இருப்பான். ரொம்ப போர் அடிக்கும். இனிமேல் நீங்க இருக்கீங்களே! உங்களை நந்தினி கூப்பிடட்டுமா? உங்களுக்கு பிடிக்கலைனா சொல்லுங்க"

"நந்தினினே கூப்பிடுங்க..."

"நான் சின்ன பொண்ணு, எனக்கெதுக்கு மரியாதை எல்லாம்? நீ வா போன்னே சொல்லுங்க... எங்க வீட்டுல எல்லோரையும் அப்படி தான் பேசுவோம்... அண்ணா, சாந்தி எல்லோரையும் நான் நீ வான்னு தான் பேசுவேன்..."

நந்தினி முகத்தில் புன்னகை தோன்றியது!

"என் கிட்டேயும் அப்படியே பேசலாம். மரியாதை கொடுத்து பேசணும்னு இல்லை."

"அப்பாடியோ! தேங்க்ஸ் நந்தினி! எனக்கு இந்த ங்க போட்டு பேசுறது சரியா வரவே வராது! இன்னைக்கு நைட்டுக்கு என்ன டின்னர் செய்யலாம்? உனக்கு என்ன பிடிக்கும் சொல்லு?"

"நீ தான் குக் செய்வீயா? நான் வேணா இன்னைக்கு சமைக்கவா?"

"வேண்டாம் வேண்டாம்... இன்னைக்கு உனக்கு ஸ்பெஷல் டே! எந்த வேலையும் நீ செய்ய கூடாது. சமையலுக்கு ஒருத்தங்க இருக்காங்க. ஈவ்னிங் வந்து குக் செய்வாங்க. அவங்க ஹஸ்பன்ட்க்கு உடம்பு சரியில்லை அதனால் இரண்டு மூணு மாசமா சரியா வரதில்லை. நான் ரெடி டூ ஈட் வச்சு எதாவது ரெடி செய்வேன்... சப்பாத்தி செய்யவா? ப்ரோசன் சப்பாத்தி இருக்கு..."

  •  Start 
  •  Prev 
  •  1  2  3  4 
  •  Next 
  •  End 

Add comment
Dear readers, Comments feature is provided for sharing your comments about this article.
Please restrain from using it for other purposes.
Chillzee.in reserves all rights to remove / modify any irrelevant / inappropriate comments without any prior notification.
To read our Comment / Forum rules, please visit Chillzee Comments & Forum Rules.Thank you.
If you have any queries please contact administrator @ admin@chillzee.in

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top