தொடர்கதை - உனது கண்களில் எனது கனவினை காண போகிறேன் - 06 - பிந்து வினோத்
This is a Chillzee Originals Novel episode. Visit Chillzee Originals Novels page for other current Chillzee Original stories.
“சூப்பருடா விக்கி! ஆன்ட்டி கை மணமே தனிடா! இந்த பொடி நிறைய ஸ்டாக் வச்சிருப்பீயே, எனக்கும் கொஞ்சம் தாடா...!”
விக்கிராந்தின் லஞ்ச் பாக்ஸில் இருந்து ஸ்பூனினால் எடுத்து சாப்பிட்டுக் கொண்டே சொன்னாள் ஜான்வி, விக்கிராந்தின் தோழி!
“ஜானு, இப்படி சொல்லி நீயே எல்லாத்தையும் சாப்பிட்டா நாங்க எல்லாம் என்ன செய்றது?” ஜான்வியை பார்த்து கடுப்புடன் சொன்னான் சரவணன், விக்கிராந்தின் நண்பன்.
“ஆமாம்டா, உன் சைஸுக்கு நீ சாப்பாட்டை இப்போதே குறைச்சுக்கிறது ரொம்ப நல்லது...” கொஞ்சம் குண்டாக இருந்த நண்பனை கிண்டல் செய்தாள் ஜான்வி.
“உனக்கு ஏன்மா நான் அமுல் பேபி மாதிரி இருக்கிறதை பார்த்து பொறாமை?”
“ஆமாம்டா, எனக்கு பொறாமை பட வேற எதுவுமே இல்லை பாரு...! இன்னும் ஒரு மாசத்தில உனக்கு கல்யாணம், ஞாபகம் வச்சுக்கோ, ஒழுங்கு மரியாதையா ஜிம்முக்கு போய் கொஞ்சம் வொர்க் அவுட் செய்.... இல்லைனா ரூபிணி கிட்ட டோஸ் வாங்க போற!”
“அப்படியா சொல்ற?”
“ஆமாம்டா... ஆறு மாசம் முன்னாடி அவ உன்னைப் பார்த்தப்போ நீ நல்லா எக்சர்சைஸ் எல்லாம் செய்து ஸ்மார்ட்டா இருந்த! இப்போ ஒரு அஞ்சு கிலோ போட்டு இருப்பன்னு நினைக்கிறேன்...”
“அப்படியா??? விக்கி, நான் ரொம்ப குண்டா தெரியுறேனாடா? கல்யாணத்துக்கு வேற ஒரு மாசம் தானே இருக்கு!!”
சரவணன் படபடப்புடன் கேட்கவும், விக்கிராந்த் அவனை சமாதானம் செய்ய முயன்றான்!
“டேய் சரவணா, எப்படி இருந்தாலும் கொஞ்சம் எக்சர்சைஸ் செய்றது நல்லது தான்டா...