Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu
 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
1 1 1 1 1 Rating 5.00 (1 Vote)
சிறுகதை - மனித தெய்வம்! - ரவை - 5.0 out of 5 based on 1 vote

சிறுகதை - மனித தெய்வம்! - ரவை

Old-Man

"ப்பா! நமக்கு அதிர்ஷ்டம் தேடி வந்திருக்குப்பா! எல்லாம் நாங்க நல்லாயிருக்கணும்னு நீ தினமும் பண்ற பூஜையினாலேதான்!"

"அப்படியா! ரொம்ப சந்தோஷம்! விவரமாச் சொல்லு!"

" என் ஃபிரெண்டு மோகன், அதாம்ப்பா! உன்னோட வேலை பார்த்தாரே ஐகந்நாதன், அவருடைய ஒரே பிள்ளை!, அவனை எதேச்சையா மீட் பண்ணினேன், அவன்தான் 'இந்தா! பிடி! என்வீட்டு சாவியை! இனிமே அது உன் வீடு!" ன்னு சொல்லி என் கையிலே கொத்துச்சாவியை திணிச்சான்.

எனக்கு ஒண்ணும் புரியலே, திருதிருன்னு முழிச்சேன்.

"ஏண்டா சிலையாயிட்டே? நிஜமாத்தான்டா சொல்றேன், வயசான அப்பா, அம்மாவுக்காகத்தான் வீட்டை இத்தனைநாள் விற்காம வைச்சிருந்தேன், அடுத்த வாரம் அவங்களை நான் லண்டனுக்கு திரும்பிப்போறபோது, கூடவே அழைச்சிகிட்டுப் போறேன், பாவம்! வயசான காலத்திலே, தனியா இருக்க முடியலே!"

"அதுசரிடா! உங்க வீடு தி.நகரிலே, ரயில், பஸ், கோவில், கடைகள், பார்க், எல்லாம் சுற்றியிருக்கிற நல்ல லொகேலிடியிலே இருக்கிறதாச்சேடா!, குறைஞ்சது, ஒரு கோடி ரூபாய்க்கு போகுமேடா, அவ்வளவு பணத்துக்கு நான் எங்கேடா போவேன்?"

Pencilஹாய் பிரெண்ட், கதையை படித்து விட்டு, உங்கள் கருத்தை பகிர மறக்காதீர்கள். உங்கள் ஒவ்வொரு கமன்ட்டும் எழுத்தாளருக்கு மிக பெரிய டானிக். உங்கள் கமண்ட்டை பகிர இதை க்ளிக் செய்யுங்கள் down

"நீலு! நம்ம ரெண்டு குடும்பமும் மூணு தலைமுறையா நெருங்கிப் பழகினவங்க! எங்க வீடு, அந்தக்காலத்து வீடு! ரொம்ப அதிர்ஷ்டமான வீடு! இந்த வீட்டை விற்று வர பணம், எங்களுக்கு ஒண்ணும் பிரமாதமில்லே. ரொம்ப நெருக்கமா பழகின உனக்கு கொடுத்தா, மனசுக்கு சந்தோஷமாயிருக்கும். நீயும் எங்களை நெஞ்சார வாழ்த்துவே! உன்னாலே எவ்வளவு முடியறதோ, அதை இப்ப கொடு! நீயே மனசார விரும்பி என்ன விலை சொல்றியோ, அது போதும்! அதையும், உடனடியா கொடுக்கணுங்கிற கட்டாயமில்லே, ரெண்டு மூணு தவணையா, ரெண்டு மூணு வருஷத்திலே கொடு! நானே வந்து உங்கப்பாவிடம் பேசறேன், எப்ப வரலாம்னு, அவரிடம் பேசி முடிவு பண்ணி, எனக்கு ஃபோன் பண்ணு! வரேன்!"னு சொல்லிட்டு போயிட்டான். 

அவன் போனபிறகுதான் கவனிச்சேன், அவன் வீட்டு கொத்துச்சாவி என்கையிலே இருக்கிறதை! இதுதான் அந்த சாவி!"

அவர்கள் இருவரும் பேசிக்கொண்டிருக்கும்போதே, நீலுவின் மனைவியும் மூத்த மகனும் சேர்ந்துகொண்டனர்.

நீலு பேசிக்கொண்டிருக்கும்போதே, இருவர் முகத்திலும் மகிழ்ச்சி பொங்கி வழிந்தது!

"அப்பா! தாத்தா! இன்னுமொரு முக்கியமான விஷயம் சொல்றேன்! மோகன்அங்கிள் அதை ஏன் சொல்லலேன்னு தெரியலே, நான் வேலைசெய்கிற சுவர்ணமாளிகை கடைக்கு பின்புறத்திலேதான், அவர் வீடு இருக்கு! ........"

" ஆமாம்! தெரியுமே, அந்த வீட்டுக்குப் போய்ட்டா, தினமும் நகை வாங்கறதுக்கு சௌகரியமாயிருக்குங்கிறயா?"

மூவரும் சிரித்தனர்!

"நான் சீரியஸா பேசிண்டிருக்கேன், தாத்தா! கேளுங்க! எங்க முதலாளிக்கு அந்த வீட்டை எவ்வளவு பணம் கேட்டாலும் கொடுத்து வாங்கி, வீட்டை இடிச்சிட்டு, கடையை விரிவாக்கணுங்கிற திட்டத்திலே, மோகன்அங்கிள்கிட்ட பேச தூது அனுப்பிச்சாரு, அதுக்கு மோகன்அங்கிள் ரொம்ப கோபமா பேசி திட்டி அனுப்பிச்சிட்டாரு........"

"ஏன்டா! ரெண்டு கோடி கிடைச்சிருக்குமே, ஏன் ........?"

"அப்பா! தாத்தா! மோகன்அங்கிள் ஒரு வித்தியாசமான மனிதர். காசுக்கு ஆசைப்படாம, கொள்கைக்காக வாழறவர்!......"

"எப்படி சொல்றே?"

"மோகன்அங்கிள் சொன்ன காரணம், புதுமையாயிருந்ததுப்பா! முப்பது வருஷம் முன்பு, இதே சுவர்ணமாளிகை அந்தத் தெருவிலே ஒரு சின்ன கடையா ஆரம்பிச்சதான்! அப்ப, அந்தத் தெருவிலே, நூறுவீடுகளுக்கு நடுவிலே, நாலுகடைதான் இருந்திச்சாம். கொஞ்சம் கொஞ்சமா, கேரளாவிலேயிருந்தும், விருதுநகரிலேயிருந்தும், வியாபாரிங்க ஒவ்வொருவரா வந்து, பணத்தாசைபிடித்த வீட்டுச்சொந்தக்காரங்களை மயக்கி, வீடுகளை விலைக்கு வாங்கி, இப்ப, அந்த தெரு நூறு கடையும் நாலுவீடுமா மாறிடுச்சாம். வியாபாரிங்க, பொதுமக்களை காசைக் காட்டி ஏமாற்றி, விரட்டிட்டாங்களாம்! இந்த அநியாயத்தை தனிமனிதனாயிருந்தாலும் கட்டாயமா எதிர்ப்பேன், எவ்வளவு கொட்டிக்கொடுத்தாலும், தன் வீட்டை ஒரு வியாபாரிக்கு விற்கமாட்டேன்னு திட்டி விரட்டிட்டாராம்......."

"வெரி குட்! அப்படித்தான் கொள்கைக்காக, தான் நம்புகிற தர்மத்துக்காக, வாழணும்!"

"தாத்தா! நீ இன்னும் அந்தக் காலத்து மனிதனா, கொள்கை, தர்மம்னு பேசிண்டிருக்கே! இப்ப எல்லாமே பணம்தான்!"

' பணம்' என்ற சொல் காதில் விழுந்ததும், நீலு ஏதோ ஞாபகம் வந்ததுபோல், தந்தையின் அருகில் வந்து, பேசினார்.

"அப்பா! நீதான், நம்ம வீட்டு கதவை தட்டுகிற அதிர்ஷ்ட தேவதை உள்ளே வர, வழி செய்யணும்ப்பா!"

  •  Start 
  •  Prev 
  •  1  2  3  4 
  •  Next 
  •  End 

Add comment
Dear readers, Comments feature is provided for sharing your comments about this article.
Please restrain from using it for other purposes.
Chillzee.in reserves all rights to remove / modify any irrelevant / inappropriate comments without any prior notification.
To read our Comment / Forum rules, please visit Chillzee Comments & Forum Rules.Thank you.
If you have any queries please contact administrator @ admin@chillzee.in

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)

சுடச் சுடச்...!

 

Go to top