Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu
 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
1 1 1 1 1 Rating 5.00 (1 Vote)
சிறுகதை - அவளை மடக்கறேன், பார்! - ரவை - 5.0 out of 5 based on 1 vote

 " ஒரு நிமிஷம்! நான் வசுமதி மேடத்தைத் தான், வசுமதியம்மான்னு தமிழிலே மரியாதையாக சொன்னேன். இருந்தாலும், எனக்கும் ஏனோ உங்களோட பேசலாம்னு தோணுது,....."

 உள்ளே போய் ஹாலில், சோபாவில், இருவரும் அமர்ந்தனர்.

" காபி, டீ, கூல்டிரிங்ஸ் என்ன குடிக்கிறீங்க?"

" அம்மா! உங்களோட பேசறதே ஜில்லுனு கூல்டிரிங்ஸ் குடிச்சாமாதிரியிருக்கு, பெற்ற மகனோட ஒரு தாய் எத்தனை அன்பா, பிரியமா, பாசமா பேசுவாங்களோ, அப்படி பேசறீங்க, நீங்க! இன்றைய பொழுது எனக்கு ஒரு புது வாழ்க்கையையே தந்திருக்கு........."

" உன்...உங்க...பேரு?"

" அம்மா! நான் உங்க மகன்மாதிரி! என்னை நீங்க, நீ, உன், வா, போன்னே ஒருமையிலே பேசலாம்........என் பெயர், முத்து!"

" ஆகா! முத்து! முத்தான பேர்! உங்க அப்பா, அம்மா ரொம்ப புத்திசாலிங்க! சத்தான மகனுக்கு முத்தான பேர் பொருத்தமா வைச்சிருக்காங்க, உங்க வீட்டிலே நீங்க....இல்லை, இல்லை, நீ காலையிலே என்ன குடிப்பே?"

" டீ"

" நான் காபி குடிப்பேன், என்னோட சேர்ந்து நீயும் இப்ப காபி குடி! ( உள்ளே பார்த்து) ரெண்டு காபி கொண்டா!"

" நீங்க இந்த ஊருக்கு ஐந்து வருஷம் முன்புதான் வந்தீங்கன்னு நினைக்கிறேன், உங்க சொந்த ஊர்?"

 "முத்து! நீ வசுவை பேட்டி எடுக்க வந்தியா?"

" இல்லைம்மா! எங்க முதலாளி ஒரு சினிமா தயாரிப்பாளர்! அவர் உங்க மகளோட பேசணுமாம், எப்ப வரலாம்னு கேட்டுண்டு வரச்சொன்னார்."

" அப்படியா! சரி, முதல்லே, காபியை குடி! ஆறிப்போயிடும்."

காபி குடித்துக்கொண்டே, பேச்சு தொடர்ந்தது.

" முத்து! உன் பேரை ஏன் திருப்பி திருப்பி சொல்றேன்னா, எனக்கு அந்தப் பேரு ரொம்ப பிடிச்சிருக்கு!"

" எனக்கும் நீங்க கூப்பிடறது பிடிச்சிருக்கு, கூப்பிடுங்கம்மா!"

" முத்து! நாங்க, இங்கே வருவதற்கு முன்பு, மயிலாடுதுறையிலே கூறைநாடுன்னு ஒரு பகுதியிலே, பரம்பரையா வாழ்ந்துவந்தோம். வசுவின் அப்பாவுக்கு நெசவுத் தொழில்!"

" ஆச்சரியமாயிருக்கே! எப்படி எதுக்காக திடீர்னு முடிவெடுத்து இங்கே வந்தீங்க, உங்க மகளை நடிக்கவைச்சீங்க, கோடீஸ்வரியானீங்க? அம்மா! உங்களுக்கே இதை நினைச்சா, கனவா, நனவான்னு சந்தேகம் வரலை?"

" முத்து! எனக்கோ, என் புருஷனுக்கோ ஒண்ணும் தெரியாது, எங்களுக்கு தெரிஞ்சதெல்லாம் நெசவுத்தொழில் மட்டுந்தான். படிப்பும் ரொம்ப கம்மி! ஆனா, நாங்க தெரிந்தோ, தெரியாமலோ, செய்த ஒரே நல்ல காரியம், எங்க ஒரே வாரிசை, மகளை, வசுவை நன்னா படிக்கவைச்சோம், ஆட்டம், பாட்டு, நடிப்பு, கற்றுக்க இருக்கிற காசை செலவு செய்தோம், வசு, கூடப் படிச்சவங்க, சொல்லிக்கொடுத்த வாத்தியாருங்க, எல்லாரிடமும் பேசி தைரியமா முடிவெடுத்து நடிக்கிற தொழில்லே இறங்கி இன்னிக்கி இந்த நிலைக்கு வந்திருக்கா!"

" வாவ்! கடவுள் அருள் உங்களுக்கு பரிபூரணமாயிருக்கு! முப்பது வருஷமாகியும் இந்த தொழில்லே முன்னுக்கு வரமுடியாம வறுமையிலே வாடறவங்க நிறைய பேர் இருக்காங்க!"

" வசுவுக்கு இந்த சின்ன வயசிலேயே பெரிய பெரிய விஷயங்கள் எல்லாம் தெரியும். அவ அடிக்கடி சொல்லுவா, இந்த உலகத்திலே இருக்கிற ஒவ்வொருத்தரையும் ஆட்டிப் படைக்கிற ஆண்டவன், நம்மை கருவியா வைச்சு ஏதோ செய்யறான், இன்னிக்கு உயரத்திலே நம்மை வைச்சிருக்கிற அதே ஆண்டவன், நாளைக்கு நினைச்சான்னா, மலையிலிருந்நு கல்லை உருட்டிவிடறாமாதிரி நம்மையும் ஒரே நாளிலே குப்புறக்கத் தள்ளிடுவான், அதனாலே இந்த வாழ்வு நிரந்தரம்னு நினைச்சு பேயாட்டம் போடக்கூடாது, அதே நேரத்திலே நம்ம சுயமரியாதையையும் யாருக்காகவும் எதுக்காகவும் விட்டுக்கொடுக்கக்கூடாதுன்னு அடிக்கடி சொல்லுவா........."

" அம்மா! இந்த உண்மை சினிமா தொழிலுக்கு நூற்றுக்கு நூறு பொருந்தும். அம்மா! வசுமதி மேடமும் நீங்களும் மட்டும்தான் இருக்கீங்களா? உங்க கணவர்......?"

" அவர் யாரு, வசுவோட அப்பாவாச்சே! வசுவைவிட ஒருபடி மேலே! அவர் இன்னமும் கூறைநாட்டிலே நெசவுத் தொழில் செய்துகிட்டு சந்தோஷமாயிருக்கார், இந்த ஊருக்கு வரமாட்டேங்குறாரு, அப்பப்ப, வந்து பார்த்துட்டு போவாரு, ........முத்து! எழுந்து எங்கூட வாயேன்,........"

 வசுமதியின் அம்மா முன்னே நடக்க, முத்து அவள் பின்னே சென்றான்.

 பின்புறத்தில், ஒரு சிறிய அறை! பூட்டியிருந்தது. அதை திறந்தாள். உள்ளே, பெட்டிகள்! அவைகளையும் திறந்தாள். அவைகளின் உள்ளே, பழைய துணிகள்!

 " முத்து! வசு அப்பப்ப இந்த அறைக்கு வந்து இந்த துணிகளை பார்த்துவிட்டுப் போவாள், ஏன் தெரியுமா? இப்ப வாழ்கிற வசதிகளிலே மயங்கி பழசை மறந்துவிடக்கூடாதில்லையா?"

 முத்து அந்த இடத்திலேயே அவள் காலில் விழுந்தான். 

 " அம்மா! நீங்களும் சரி, உங்க மகளும் சரி, பெரிய ஞானிகள்! அதனாலேதான் வசுமதி மேடத்துக்கு கிட்டே யாரும் நெருங்கமுடியாம மரியாதையா தள்ளி நின்னு பேசறாங்க, அதே சமயம் கிட்ட நெருங்கமுடியாத வெறுப்பை வார்த்தைகளிலே கொட்டி தப்பா பேசறாங்க!"

Add comment
Dear readers, Comments feature is provided for sharing your comments about this article.
Please restrain from using it for other purposes.
Chillzee.in reserves all rights to remove / modify any irrelevant / inappropriate comments without any prior notification.
To read our Comment / Forum rules, please visit Chillzee Comments & Forum Rules.Thank you.
If you have any queries please contact administrator @ admin@chillzee.in

Comments  
# RE: சிறுகதை - அவளை மடக்கறேன், பார்! - ரவைabimahesh 2019-03-14 22:38
Nice Story Sir!! :thnkx:
Reply | Reply with quote | Quote
# RE: சிறுகதை - அவளை மடக்கறேன், பார்! - ரவைரவை 2019-03-15 05:43
நன்றி, அபிமகேஷ்!
Reply | Reply with quote | Quote
# RE: சிறுகதை - அவளை மடக்கறேன், பார்! - ரவைmadhumathi9 2019-03-14 14:20
:clap: :clap: wow arumaiyaa kathai.vaaltugal sir.intha maathiri irunthaal avargalukkum vaaltugal sir. :hatsoff: to you sir.nadigai eppadi irukka vendum endru solli irukkeenga. (y) :GL:
Reply | Reply with quote | Quote
# RE: சிறுகதை - அவளை மடக்கறேன், பார்! - ரவைரவை 2019-03-14 18:28
Thanks Madhumma! Happy you liked the story!
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top