Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu
 நிறைவுப்பெற்ற கதைகள் (Completed stories) --- தொடர் கதைகள் (Ongoing stories) --- ஆசிரியர் வாரியாக தொகுக்கப் பட்ட நிறைவுப்பெற்ற கதைகள் (Completed stories by Author) --- தமிழ் தொடர் அத்தியாயங்கள் (Tamil Episodes) --- கதைகள் (Stories) --- காதல் தொடர்கள் (Romantic stories) --- சிறு கதைகள் (Short stories) --- காதல் சிறு கதைகள் (Romantic short stories) --- Chillzeeயில் எழுதுங்கள் (Write @ Chillzee) --- வகை வாரியாக பிரிக்கப் பட்ட சிறு கதைகள் (Short stories by category) --
1 1 1 1 1 Rating 5.00 (1 Vote)
மனம் விரும்புதே உன்னை... - 09 - 5.0 out of 5 based on 1 vote

9. மனம் விரும்புதே உன்னை...

ஞ்சீவுடன் வெளியில் செல்லவதற்காக கிளம்ப தொடங்கிய இந்து, என்ன உடை அணிவது என்று சிறிது தயங்கினாள். சேலை அணித்து செல்ல வேண்டும் என்று தோன்றிய ஆவலை கஷ்டப்பட்டு அடக்கினாள். அன்று சேலை அணித்து சென்றால் சஞ்சீவ் சொன்னதற்காக செய்ததாக இருக்கும்... அதற்கு இன்னும் கொஞ்ச நாள் ஆகட்டும்... அவளின் குழப்பத்தை தீர்ப்பது போல் வீணா அவளை செல் போனில் அழைத்தாள். வழக்கம் போல் தோழியை கேலி செய்தாலும், அவளுக்கு உதவவும் செய்தாள் வீணா. சுடிதார் அணிவது என்று இந்து ஏற்கனவே முடிவு செய்திருந்ததால், எதை அணித்து செல்வது என்று வீணாவிடம் ஆலோசித்து முடிவு செய்தாள். அவளின் கடந்த பிறந்தநாளுக்கு வாங்கிய அந்த பேபி பிங்க் கலர் சுடிதாரை அணித்து, நீண்ட கூந்தலை சற்று தூக்கி வாரி பின்னி முடித்த போது, தான் அழகாக தோன்றுவதாக இந்துவிற்கே தோன்றியது. சொன்னது போல் சரியாக நான்கு மணிக்கு வந்த சஞ்சீவின் கண்களில் தோன்றிய பாராட்டு, அன்று அலங்கரிக்க எடுத்துக் கொண்ட சிறிது கூடுதல் நேரத்திற்கு கிடைத்த பரிசாக தோன்றியது. அர்ச்சனா வெளியில் சென்றிருந்ததால், கனகாவிடம் மட்டும் சொல்லி விட்டு கிளம்பினாள் இந்து.

கார் சிறிது தூரம் சென்ற பின் அவள் பக்கம் திரும்பினான் சஞ்சீவ். என்ன என்பது போல் பார்த்தவளிடம்,
"கனகா... உங்க வீட்டில வேலை செய்றவங்க தானே... அவங்க கிட்ட கூட சொல்லிட்டு தான் கிளம்புவீங்களா?"

"கனகா ரொம்ப நாளா எங்க வீட்டிலே இருக்காங்க... சொல்லிட்டு கிளம்பனும்ன்னு இல்லை தான்.... ஆனால் சின்ன வயசில இருந்து அம்மா அப்பா வீட்டில இல்லை என்றால், கனகா கிட்ட சொல்லிட்டு கிளம்புறது எனக்கு பழக்கம் ஆயிடுச்சு..."

"ம்ம்ம்ம்... உங்க குடும்பமே ரொம்ப வித்தியாசமான குடும்பம் தான்...."

அவனுக்கு பதில் சொல்லாது புன்னகைத்தவள், கார் அடையார் பக்கம் செல்வதை உணர்ந்து,

"இப்போ எங்கே போறோம்?" என்றாள்.

கண்களில் ஒரு 'பளிச்சுடன்' திரும்பி பார்த்தவன்,

"ஏன் பயமா இருக்கா?"

"பயமா அப்படின்னா...."

"நக்கல்ஸ்?????"

"பயம் எல்லாம் இல்லை... பீச்ன்னு சொன்னீங்களே மெரினா பீச்ன்னு நினைச்சேன்...." என்றாள் இந்து புன்சிரிப்போடு.

"சும்மா பீச்சுக்கு போறதா இருந்தா மெரீனாக்கு போகலாம்... ஆனால் நான் உங்க கிட்ட பேசனுமே..."

அவன் முடிக்கும் முன் அவளின் கை பேசி சிணுங்கியது. அவனிடம் சைகையிலே சொல்லிவிட்டு எடுத்து பேசினாள்.

"சொல்லுங்க அக்கா..."

"......"

"இல்லை... மெரீனா பீச் இல்லை அக்கா...."

"...."

"சரி...."

அவள் மேலும் சில 'சரி' போடவும், அவளை பார்த்து கேலியாக சிரித்தான் சஞ்சீவ். பதிலுக்கு புன்னகைத்த போதும், அந்த பக்கம் கீதா சொன்னவற்றை அவள் கவனத்துடன் கேட்டுக் கொண்டாள். கடைசியாக அவள், கைபேசியை அணைத்து வைக்கவும், அதற்காகவே காத்திருந்தவன் போல்,

"உங்க பிரெண்ட்ஸ விட ஆன்ட்டியே பரவாயில்லை போல இருக்கு... என்ன ஒரே அட்வைஸ் மழையா? அண்ணிக்கும் என் மேல இவ்வளவு நம்பிக்கையா?"

"அட்வைஸ் தான்... ஆனால் நீங்க நினைக்கிற மாதிரி இல்லை... அக்கா பொதுவா ரொம்ப இருட்டுற வரைக்கும் இருக்க வேண்டாம்... ரொம்ப லோன்லியா இருக்கிற இடத்துக்கு போக வேண்டாம் அப்படி எல்லாம் சொன்னாங்க.... நம்ம நல்லதுக்கு தானே சொல்றாங்க... கேட்பதில தப்பு இல்லை தானே...."

"ம்ம்ம்ம்... ஆனால் நாம ரெண்டு பெரும் சின்ன குழந்தைகளா என்ன? இதெல்லாம் நமக்கே தெரியாதா? எனக்கு பொதுவா இந்த மாதிரி அட்வைஸ் கேக்குறது பிடிக்காது...."

"எனக்கும் பிடிக்கும்ன்னு இல்லை... ஆனால் அது யார் சொல்றாங்க என்பதை பொறுத்தது... இப்போ அம்மா, கீதா அக்கா, வீணா இவங்க யாராவது சொன்னால் கேட்பேன்... வேற யாரவது என்றால் எனக்கும் போர் தான் அடிக்கும்....."

"ஏன் இந்து... எப்படி இது நீங்க மூணு பேரும் இவ்வளவு க்ளோஸ் பிரெண்ட்ஸா இருக்கீங்க?? ஸ்கூல் டைம் காலேஜ் டைமில ஓகே... ஆனால் இப்படி கல்யாணம் ஆன பின்னாலும் இப்படி எப்படி உங்க மூணு பேராலையும் பிரெண்ட்ஷிப் மெயின்டைன் பண்ண முடியுது??? என்னோட ஸ்கூல் காலேஜ் பிரெண்ட்ஸோட எனக்கு இப்போ அவ்வளவா டச் கூட இல்லை..."

"பெரிசா ரகசியம் எல்லாம் எதுவும் இல்லை... உண்மையா சொல்ல போனால் கொஞ்சம் லக்-ன்னும் சொல்லலாம்..."

"லக்கா?"

"சின்ன வயசில நாங்க பிரெண்ட்ஸ் ஆனது ஒன்னும் பெரிய விஷயம் இல்லை... அப்புறம் ஸ்கூல் காலேஜ் கூட அப்படி தான்... ஆனால் அப்புறம்... கொஞ்சம் லக் தான்.... முதல்ல வீணாவை எடுத்துப்போம்... அவளோட அத்தை லக்ஷ்மி ஆன்ட்டியும் எங்க அம்மாவும் பழைய பிரெண்ட்ஸ்... அவங்களுக்கு எங்க மூணு பேரோட பிரெண்ட்ஷிப் பத்தி முன்னாடியே தெரியும்... சோ அதனால அவங்களுக்கு எந்த பிரச்சனையும் இல்லை... அடுத்தது... உங்க அண்ணி விஷயம் பார்த்தால்... அது உங்க அண்ணாவோட ஹெல்ப்... அவருக்கும் எங்க மூணு பேரையும் காலேஜ்ல இருந்தே தெரியும் தானே... அப்புறம் எங்க அம்மாக்கும் உங்க அம்மாக்கும் கூட எதோ ஓரளவு பரிச்சயம் இருக்கும்ன்னு நினைக்கிறேன்... அதனால பெரிசா பிரச்சனை இல்லை... அதுவும் இல்லாமல் எங்க மூணு பேர் பேமிலிலேயும் பண விஷயத்தில பெரிய தட்டு பாடு கிடையாது அதுவும் கூட ஒரு காரணமாக இருக்கலாம்......"

"ம்ம்ம்ம்... வீணா மேரேஜூம் லவ் மேரேஜா?"

"ஆமாம்... அது ஒரு பேரி டேல் (fairy tale) மேரேஜ்... அவினாஷும் வீணாவும் லவ் பண்றது தெரியாமலே,லக்ஷ்மி ஆன்ட்டி வீணாவை தான் அவங்க பையனுக்கு கல்யாணம் பண்ணி வைப்பேன்னு அடம் பிடிச்சு வீணா வீட்டிலேயும் பேசி கல்யாணம் நடத்தி வச்சாங்க... அவங்க ரெண்டு பேரும் லவ் பண்ணின விஷயம் கல்யாணத்துக்கு அப்புறம் தான் அவங்க ரெண்டு குடும்பத்துக்குமே தெரியும்..."

"வித்தியாசமான கதையா இருக்கு..."

"சில சமயம் நிஜ வாழ்க்கையில நடக்குறது எல்லாம் அப்படி தான்..."

"ஆனால் அவினாஷோட அம்மாக்கு உங்க வீணாவை எப்படி தெரியும்?"

"நான் சொன்னேன்ல லக்ஷ்மி ஆன்ட்டியும் எங்க அம்மாவும் க்ளோஸ் பிரெண்ட்ஸ். எங்க வீட்டுக்கு வரும் போது நிறைய தடவை வீணாவை பார்த்திருக்காங்க...அவளோட அந்த துடுக்கான பேச்சு, பழக்க வழக்கம் எல்லாம் அவங்களுக்கு ரொம்ப பிடிச்சு போச்சு... அவளை மாதிரி ஒரு உயிரோட்டமான பொண்ணு தான் மருமகளா வரணும்னு அவங்களுக்கு ஆசை, அதனாலே அவள் படிப்பு முடியுறதுக்காக காத்திருந்து, வீணா வீட்டில பேசி கல்யாணம் முடிச்சிட்டாங்க... லக்ஷ்மி ஆன்ட்டி மாதிரி ஒரு மாமியார் கிடைக்க கொடுத்து வைக்கனும்...."

"அது என்ன? அப்படி என்ன அவங்க கிட்ட ஸ்பெஷல்?"

"பொதுவா யூத்துக்கு பிடிச்ச மாதிரி அம்மா அப்பான்னு சொல்வாங்களே... அதே மாதிரி மருமகளுக்கு பிடிச்ச மாமியார்னு வச்சுக்கோங்க...சின்ன வயசில லக்ஷ்மி ஆன்ட்டி குடும்பத்தில கொஞ்சம் பணத்துக்கு கஷ்டம் தான்.... அவங்க ரொம்பவே கஷ்ட பட்டிருக்காங்க.. அவங்களால அவங்களுக்கு விருப்பமான படிப்பை கூட தொடர முடியலை.... அம்மா ஹெல்ப் பண்றேன்னு சொன்னாலும் அவங்க ஒத்துக்கலை.. ஒருநாள் எங்க வீட்டு பங்க்ஷன்ல அவங்களை பார்த்து பிடிச்சு போய் அசோக் அங்கிள் அவங்களை விரும்பி கல்யாணம் பண்ணிக்கிட்டார்... அங்கிள் ரொம்ப முற்போக்கான எண்ணம் கொண்டவர்... கல்யாணத்துக்கு அப்புறம் அவருக்கு நிகரா மனைவிக்கும் கம்பெனியில பதவி கொடுத்து அவங்களுக்கு நிர்வாகம் பத்தி எல்லாம் சொல்லி கொடுத்தார்... ஆன்ட்டிக்கும் அதில் இண்டரெஸ்ட் இருந்ததாலே சீக்கிரமா எல்லாம் கத்துக் கிட்டாங்க... அங்கிள் இறந்தப் பிறகு ஆன்ட்டி தான் தனியா அவங்க கம்பனியை பார்த்துக்கிட்டாங்க... நடுவில வந்த பிரச்சனை எல்லாத்தையும் தனியாவே நின்னு சமாளிச்சாங்க... இப்பவும் அவினாஷுக்கும், வீணாக்கும் சுதத்திரம் கொடுப்பதிலையா இருக்கட்டும்... இல்லை அட்வைஸ் பண்றதிலையா இருக்கட்டும்... அவங்களுக்கு நிகர் அவங்க தான்... ரொம்ப மாடர்ன் மாமியார்னு வச்சுக்கோங்க...வீணாக்கு பொதுவா இந்த படிப்பு, கரியர் (career) இதில எல்லாம் அவ்வளவு இண்டரெஸ்ட் இல்லை... ஆனால் அவளே இப்போ புதிசா பிசினெஸ் தொடங்குரதை பத்தி பேசுராள்ன்னா எல்லாம் ஆன்ட்டியோட இன்ப்ளுயென்ஸ் தான்.... அவங்களுக்கு வீணா ஒரு மகள் மாதிரி தான்... வீணாக்கும் அவங்க அம்மா மாதிரி தான்... வீணாவோட அம்மாவே சொல்வாங்க லக்ஷ்மி ஆன்ட்டி தான் வீணாவோட அம்மா மாதிரி தோணுதுன்னு...."

"ம்ம்ம் ஒரே பையன் இருக்கிற வீட்டில அம்மா இப்படி இருக்கிறது ரொம்பவே அதிசயம் தான்....."

சிறிது நேர அமைதிக்கு பின், அவனே தொடர்ந்தான்.

"ஏன் இந்து, உங்களுக்கும், அண்ணிக்கும், அவினாஷ் வீணா லவ் விஷயம் தெரியுமா?"

"தெரியாமல் எப்படி... எங்க பெர்மிஷன் இல்லாமல் யாரும் பேச முடியாது தெரியுமா???"

கேள்வியோடு பார்த்தவனை, பார்த்து விளையாட்டாக தலை அசைத்தவள்,

"வீணாக்கு மட்டும் இல்லை கீதா அக்காக்கும் அப்படி தான்... நாங்க ரெண்டு பேரும் இல்லைன்னா அவங்க ரெண்டு பேரும் இன்னும் ப்ரொபோஸ் பண்ணி இருப்பாங்களோ என்னவோ...."

"நிஜமாகவா???" என்றான் சஞ்சீவ் ஆச்சர்யத்துடன்.

 

  •  Start 
  •  Prev 
  •  1  2  3  4 
  •  Next 
  •  End 
Add comment
Dear readers, Comments feature is provided for sharing your comments about this article.
Please restrain from using it for other purposes.
Chillzee.in reserves all rights to remove / modify any irrelevant / inappropriate comments without any prior notification.
To read our Comment / Forum rules, please visit Chillzee Comments & Forum Rules.Thank you.
If you have any queries please contact administrator @ admin@chillzee.in

Comments  
# manam virumbhuthey unnaiyoga 2013-06-10 15:29
ea88b
Reply | Reply with quote | Quote
# RE: மனம் விரும்புதே உன்னை... - 09Anusha Chillzee 2012-05-03 07:30
Aadhi unga heroine 'ROMBA' yosikiraanga..
Reply | Reply with quote | Quote
# RE: மனம் விரும்புதே உன்னை... - 09Geethalakshmi 2012-05-02 18:10
I like this story. Good one. Thanks
Reply | Reply with quote | Quote
# RE: மனம் விரும்புதே உன்னை... - 09Thenmozhi 2012-05-02 18:30
Thanks Geethalakshmi!
Quoting Geethalakshmi:
I like this story. Good one. Thanks
Reply | Reply with quote | Quote
+1 # RE: மனம் விரும்புதே உன்னை... - 09Admin 2012-05-02 00:53
Hmmm.... yosichu mudivu edukka poraangalaa??? Interesting.... :-)

Situation song super Aadhi... No one can can beat you on this :-)
Reply | Reply with quote | Quote
+1 # RE: மனம் விரும்புதே உன்னை... - 09Thenmozhi 2012-05-02 18:30
:) Pinna puthusa ethavathu kathayila vendaamaa?

Thanks for ur comment abt situation song :)

Quoting Shanthi - Chillzee Admin:
Hmmm.... yosichu mudivu edukka poraangalaa??? Interesting.... :-)

Situation song super Aadhi... No one can can beat you on this :-)
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)

சுடச் சுடச்...!

 

Go to top