Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Menu

Chillzee KiMo - கதை பிரியர்களுக்கான Chillzeeயின் புதிய சேவை!

1 1 1 1 1 Rating 5.00 (2 Votes)
தொடர்கதை - யானும் நீயும் எவ்வழி அறிதும் - 17 - சாகம்பரி குமார் - 5.0 out of 5 based on 2 votes
Pin It

தொடர்கதை - யானும் நீயும் எவ்வழி அறிதும் - 17 - சாகம்பரி குமார்

Yaanum neeyum evvazhi arithum

னிகா யூனிஃபார்மை அணிந்து கொண்டு கர்ஷானை பார்க்க சென்றாள். அங்கே ராஸ்பினும் இருந்தான். இருவரும் பேசிக் கொண்டிருந்தனர்.

“ஹைனஸ்… இவ்வளவு சிறிய வயதில் நீங்கள் பெரிய பொறுப்பை வகிப்பது எனக்கு ஆச்சரியமாக உள்ளது. எவ்வளவு அனுபவம் திறமை இதற்கு தேவைப்படும் என்று எனக்குத் தெரியும்..” என்று சொல்லிக் கொண்டிருந்தவர் ஹனிகாவை கண்டதும்…

“யெஸ் ஹனிகா… நீ இங்கேயே இருந்து ரிப்போர்ட் செய்ய வேண்டும்.  நம் விருந்தினரை கவனிக்கும் ட்யூட்டி இனி உன்னுடையதுதான்” என்றார்.

“யெஸ் ஸர்…”

இவனை எதற்கு அவள் கவனிக்க வேண்டுமாம்? அவள் என்ன ஹவுஸ் கீப்பரா? ஒரு ஸ்பேஸ் கார்டின் வேலை இதுவல்லவே! முகம் மாறாமல் காக்க சிரமப்பட்டாள்.

அவளிடம் கட்டளையிட்ட கர்ஷான் ராஸ்பினுடன் நடக்க ஆரம்பித்தார்.

“ஹைனஸ்… நாம் இப்போது ஜெனரலை பார்க்க வேண்டும்” என்றார்.

“யெஸ்… அவரை சந்திக்கலாம்” என்றவன்… ஹனிகாவிடம் திரும்பி,

“ஹனிகா நீங்கள் இங்கிருக்கும் ஹவுஸ்மெய்டிடம் சொல்லி மதியத்திற்கு சிறப்பான உணவு தயாரிக்க சொல்லுங்கள்.” சொல்லிவிட்டு,

“கர்ஷான்… இன்று மதியம் உங்களை எங்களுடைய ஸ்பேஸ்ஷிப்பிற்கு அழைத்துச் செல்கிறேன்” என்றவன்  திரும்பி ஹனிகாவையும் பார்த்தான்.

அப்படியெனில் ஹனிகாவும் அங்கு செல்ல வேண்டுமா? அவள் யோசித்தாள். அவளுக்கு அது உபயோகமாக இருக்குமா? ம்… ஒரு அட்வான்ஸ்ட் ஸ்பேஸ்ஷிப்பை பார்வையிடுவதால் நிறைய விசயங்களை தெரிந்து கொள்ள முடியும். 

மதியம் உணவு முடித்து அவர்கள் ஸ்பேஸ்ஷிப்பிற்கு சென்றபோதுதான் தெரிந்தது… அதன் அமைப்பு பிரமிக்க தக்கதாக இருந்தது.

அந்த விண்கலம் எந்த உலோகத்தால் கட்டப்பட்டது என்றே தெரியவில்லை. அதன் வெளிப்புறத்தில் அதீத கதிர்வீச்சு இருந்த்தை உணர முடிந்தது. அவர்கள் சென்ற ஸ்பேஸ்ஷட்டிலின் மானிட்டர் அதன் கதிர்வீச்சு டேஞ்சர் லெவல் என்று அலறியது.

அப்படிப்பட்ட கதிர்வீச்சை மின்வரோவின் ஷட்டில்கள் தாங்க முடியாது. ஒரு ஸ்லிப்பிங் ப்ரிட்ஜ் நீண்டு வந்து அவர்களுக்கு பாதை விரித்தது. அவர்கள் சென்ற ஷட்டிலை ஆர்பிட்டில் நிலை நிறுத்திவிட்டு அந்த பிரிட்ஜில் காலை வைத்தனர்.

‘விஷ்க்…’ ஒரே நொடிதான் அவர்களை வேகமாக ஆனால் மென்மையாக  நைதியாஸின் விண்கலத்திற்குள் அழைத்து சென்று விட்டது. உள்ளே அதிசய உலகம் இருந்தது!.

க்ரிஸ்டல்களினால் செய்யப்பட்ட அலங்காரங்கள்… ஃபர்னீச்சர்கள்.. உள்ளேயே படர்ந்து விரிந்து நின்ற செடிகள்… இளம் வண்ண நிறங்களையுடைய பூக்களை பூத்து குலுங்கிய  கொடிகள்… மொத்த விண்கலத்திற்கும் ஒளி தந்து ஒரு குட்டி சூரியன் போல ஒளிரும் குவார்ட்ஸ் குமிழை தாங்கி நின்ற மினார்…!  வாவ்… ஹனிகா அதிசயித்தாள்.

ஒவ்வொரு அறையும் பெரியதாக  நேர்த்தியாக இருந்தது. அறையின் சுவர்கள் க்ரிஸ்டலால் கட்டப்பட்டிருந்ததால் வெளியே என்ன நடக்கிறது என்பது தெரிந்தது.

முற்றிலும் ஏர்-லாக் செய்யப்பட்டிருந்ததால் ஆக்ஸிஜன் அளவு சீராக இருந்தது. ஹனிகா இயல்பாக சுவாசிக்க ஆரம்பித்தாள். அந்த சுவாசத்தினால் அவளுக்குள் ஒரு புத்துணர்வு பரவியது. ஒவ்வொரு விசயமும் நுணுக்கமாக அமைக்கப்பட்டிருந்தன. அதில் ஆடம்பரமும் அதீத சுகவாசமும் தெரிந்தது.

“இங்கே எல்லாமே வெல் ப்ளாண்ட். இயற்கையான காற்றோட்டம்… சூரிய வெளிச்சம்.. சுத்தமான தண்ணீர்… அத்தனையும் இங்கு உண்டு. ஆனால் அவை அனைத்தும் செயற்கையாக உருவாக்கப்பட்டவைதான். இந்த சூரிய வெளிச்சம் குவார்ட்ஸிலிருந்து வருகிறது… இந்த செயற்கை செடிகள் ஆர்கானிக் கட்டமைப்பு கொண்டவைதான்… எப்போதும் பூக்கும்… “ என்று விளக்கிய ராஸ்பின் ராணுவ சீருடையில் இருந்த ஒருவரை அழைத்து,

“ரஹத், இங்கே வாங்க. இவர் கர்ஷான்… மின்வரோ ஸ்பேஸ் ஆர்மியின் லெப்டினண்ட். இவருக்கு நம் விண்கலத்தின் செயல்பாடுகளை விளக்குங்கள். “ என்று சொல்லி அவரை அனுப்பினான்.

“ஹனிகா… உணவு தயாரிக்கும் இடத்திற்கு சென்று பார்க்கலாமா? எங்கள் கிரகத்து உணவுகளை எப்படி தயாரிக்கிறார்கள் என்று தெரிந்து கொள்ளலாம்” என்று அவளை அழைத்தான்.

தெரிஞ்சிகிட்டு என்ன செய்யணுமாம்? இவன் என்ன லூசா? ஒரு விருந்தினர்போல நடத்தாமல் அடிமைபோல  நடத்துகிறானே!.

அடிமைபோல… நினைக்கும்போதே ராஸ்பின் எப்போதுமே தோரணையாகவே பேசுகிறான். கட்டளைகள் இடுகிறான். இப்போதும் அவளை சம்மதம் கேட்காமல்  கிச்சனிற்கு அனுப்புகிறான்… என்பது புத்தியில் உறைத்தது.

“என்ன முழித்துக் கொண்டு  நிற்கிறாய்?. எங்கள் கிரகத்தில் உணவு தயாரிப்பது பெண்களின் வேலை… சரி என்னுடன் வா” என்று அழைத்தான்.

அவள் திரும்பி கர்ஷானை பார்த்தாள். அவர் மும்முரமாக அந்த ரஹத்துடன் பேசிக் கொண்டிருந்தார். ம்… அவர் பிரயோசனப்பட மாட்டார்… இவன்கள் என்ன நினைத்துக் கொண்டிருக்கிறான்கள் என்றே தெரியவில்லையே!

  •  Start 
  •  Prev 
  •  1  2  3  4  5 
  •  Next 
  •  End 

Add comment

Comments  
# RE: தொடர்கதை - யானும் நீயும் எவ்வழி அறிதும் - 17 - சாகம்பரி குமார்madhumathi9 2019-06-27 06:12
:clap: nice epi mam.waiting to read more. :Q: simhanaal sella mudiyavollaiye.enna nadakka poguthunnu paarppom. :thnkx: 4 this epi. :GL:
Reply | Reply with quote | Quote
# RE: தொடர்கதை - யானும் நீயும் எவ்வழி அறிதும் - 17 - சாகம்பரி குமார்Adharv 2019-06-26 21:17
Achacho sim idhuna pudhu sodhanai facepalm Fantastic and unpredictable flow ma'am :clap: :clap: Jaw opening epi!! :hatsoff:
Indha aalukku too much thalaiganam pa steam heart wrenching :sad: Eppadi ellam kodumai paduthuran 3:) Ms Altaps kitta irundhu ippadi oru twist expected thaan :yes: but still yaraiyum trust pana mudiyadhu....will sim help anika?? waiting to read wat happens next. :thnkx: keep rocking.
Reply | Reply with quote | Quote

Come join the FUN!

Write @ Chillzee
Download Chillzee Jokes for Android
(Click the image to get the app from Google Play Store)
Go to top