(Reading time: 46 - 92 minutes)

1 1 1 1 1 Rating 5.00 (1 Vote)

Page 1 of 27

தொடர்கதை - காதலடி நீயெனக்கு!! – 08 - பத்மினி செல்வராஜ்

அன்றிரவு தன்னுடைய அலுவலக வேலையை முடித்துக்கொண்டு கொஞ்சம் சீக்கிரமாகவே வீடு வந்து சேர்ந்திருந்தார் சந்திரசேகர்.

தன் அறைக்குச் சென்று ரெப்ரெஷ் ஆகி வந்தவர், வரவேற்பறையில் இருந்த சோபாவில் அமர்ந்து கொண்டு தளர்ச்சியாக சோபாவின் பின்னால் சாய்ந்து கொண்டார்.

ஏனோ அவருடைய உடலும் மனமும் சற்று தளர்ந்துதான் போயிருந்தது

தொழிலில் எந்த பிரச்சனையும் இல்லை தான். அவர் திட்டமிட்டதை போலவே தொழில் நன்றாக போய்க் கொண்டிருக்கிறது தான். அவர் கவலை எல்லாம் அவர் பெற்று வைத்திருக்கும் உத்தம புத்திரனை பற்றித்தான்

ஒரு கால் கட்டை போட்டுவிட்டால் மகன் திருந்தி விடுவான் என்ற திட்டத்தினால் அவனுக்கு கல்யாணத்தையும் பண்ணி வைத்திருக்க, அவனோ இன்னுமே திருந்தாமல், வீட்டில் ஒருத்தி தனக்காக காத்திருக்கிறாள் என்று கூட கண்டு கொள்ளாமல் இன்னும் சுற்றிக் கொண்டிருப்பது தான் அவருக்கு வேதனையாக இருந்தது.

மருமகள் வந்து விட்டதால் முன்பு போல அவனை நேரிடையாகவும் திட்ட முடியவில்லை. அது இன்னுமே அவனுக்கு துளிர் விட்டு போய் விட்டது.

தட்டிக் கேட்க யாரும் இல்லாமல், ராஜா வீட்டு கண்ணுக்குட்டியாய் இன்னும் வெளியில் சுற்றிக் கொண்டிருப்பது தான் அவருக்கு வேதனையை அளித்தது.

தன் மகனை நினைத்தாலே அடுத்த நொடி தலைவலி வந்து விட, தன் தலையை இருபக்கமும் பிடித்தவாறு இன்னுமே அயர்ச்சியுடன் சோபாவின் பின்னே சாய்ந்து கொண்டார் சந்திரசேகர்.

“என்னயா? தலைய வலிக்குதா? நான் வேணா புடிச்சு வுடவா? “ என்று அக்கறையுடன் விசாரித்தவாறு அவர் அருகில் வந்து அமர்ந்தார் வீரா

தன் அன்னையின் குரல் கேட்டதும் கண் திறந்தவர், சற்றாய் நிமிர்ந்து சோபாவில் நேராக அமர்ந்து கொண்டவர்

“தலைவலிதான் ஆத்தா. உன்ற பேரனை நினைச்சாலே எனக்கு தலைவலி தானா வந்துடுது...” என்றார் விரக்தியுடன்.

“என்ற பேரனுக்கு என்னயா? அவன் சிங்க குட்டி இல்ல. சீமத்துரை கணக்கா, ராஜகுமாரனாட்டமில்ல இருக்கான். அவனுக்கு என்னயா குறச்ச?” என்று தன் பேரனை பற்றிய பெருமையுடன், தன் பேரனுக்கு சப்போர்ட் பண்ணினார் வீரா.

“ஆமாமாம்...நீ தான் மெச்சிக்கணும் உன்ற பேரனை. ஆள் மட்டும் நெடு நெடுன்னு வளர்ந்துட்டா போதுமா? அறிவு வளர வேண்டாம் ? பொறுப்பு வர வேண்டாம்.

About the Author

Padmini Selvaraj

Padmini Selvaraj's Latest Books in Chillzee KiMo

En uyiraanaval
Ithazhil kadhai ezhuthum neramithu
Nilave ennidam nerungathe
Ragasiya snegithane
Thedum kan paarvai thavikka
Thazhampoove vaasam veesu
Kids fun stories
Thungatha vizhigal nangu

Completed Stories

On-going Stories

Thoongatha vizhigal nangu (Updated weekly on Sunday afternoons)

More articles from this author

Add comment

Comments

# RE: தொடர்கதை - காதலடி நீயெனக்கு!! – 08 - பத்மினி செல்வராஜ் — Saratha 2021-04-11 11:06

Super paddu

M	Tu	W	Th	F	Sa	Su
MMVU	NSS	NSS	VVU	KiMo	PMM	IOKK2
VTV	NeeNaan	KNY	KTKOP	KET	TTM	PMME
EMS	IOK	NIN	KDR	NSS	VIVA	VAMA

Login to your account

Create an account