தொடர்கதை - கனவுகள் மட்டும் எனதே எனது... - 13 - பிந்து வினோத் - www.Chillzee.in | Read Tamil Novels for free | Romance - Family

(Reading time: 7 - 14 minutes)

1 1 1 1 1 Rating 5.00 (1 Vote)

Page 5 of 7

“எனக்கு எதுவும் வேண்டாம்ப்பா. நான் சும்மா உன் கூட வந்தேன்!” என்றாள் நந்தினி.

“ஏன் வேண்டாம்? டையட்ல இருக்கீயா என்ன? அப்போ கூட கலோரி கம்மியான காஃபி வாங்கலாம்!”

“வேண்...”

நந்தினி பேசத் தொடங்கும் முன்பே திரும்பி ஆர்டர் செய்யத் தொடங்கி இருந்தாள் அனாமிகா.

நந்தினிக்கு அவளின் இந்த உரிமை கலந்த பேச்சும், நடவடிக்கையும் புது அனுபவமாக இருந்தது. ஆனால் பிடித்திருந்தது!

அவளுடைய தம்பியும், தங்கையும் கூட இப்படி நந்தினியிடம் ஒட்டிக் கொண்டதில்லை. சிறிது நாட்களிலேயே அனாமிகா அவளுடன் ரொம்பவும் க்ளோஸ் ஆகி இருந்தாள்!

ஐந்து நிமிடத்தில் தயாராகி கைக்கு வந்த காஃபி கோப்பைகளை வாங்கிக் கொண்டு இருவரும் காலியாக இருந்த ஓரிடத்தில் அமர்ந்தனர்.

“இந்தா உனக்கு நான்-ஃபேட் கேப்பச்சீனோ... வெறும் சிக்ஸ்ட்டி கலோரிஸ் தான்!” என்று சொல்லி நந்தினியிடம் ஒரு கோப்பையை கொடுத்தாள் அனாமிகா.

“நான் அவ்வளவு நுணுக்கமா எல்லாம் கலோரிஸ் கணக்கு பார்த்துச் சாப்பிடுறதில்லை, அனாமிகா!” என்றாள் நந்தினி சின்ன புன்னகை மின்ன.

“அது தான் உன்னைப் பார்த்தாலே தெரியுதே. இனிமேல் அப்படி இருக்காதே நந்தினி. ஜிம்க்கு போ... சலோன் போ... ஹேர் ஸ்டைல் மாத்து!”

நந்தினி எதுவும் சொல்லாமல், அமைதியாக அவள் முன் இருந்த கோப்பையில் இருந்த காஃபியை அதனுடன் வந்த சின்ன ஸ்ட்ராவினால் கலக்கிக் கொண்டிருந்தாள்.

Bindu Vinod has written more than 31 Tamil series in Chillzee and many more Novels in Chillzee KiMo.

* - Change in schedule / New series

If you would like to start a series @ Chillzee, please read this article or e-mail us!