Chillzee Originals - தொடர்கதை - வெற்றியின் செல்வி - 25 - Chillzee Story

This is a Chillzee Originals Novel episode. Visit Chillzee Originals Novels page for other current Chillzee Original stories.

“சின்ன வயசில இருந்தே உங்களுக்கு யசோதா அக்காவை தெரியுமா?” சித்தாராவிடம் கேட்டாள் தமிழ்ச்செல்வி.

“தெரியாம என்ன? யசோ சாயை கல்யாணம் செய்துக்குறது முன்னாடியே எங்களுக்கு சொந்தம். கொஞ்சம் தூரத்து சொந்தம்,” என்றாள் சித்தாரா.

“அப்படியா?”

“ஆமா! சாயும் யசோவும் அப்போலாம் செம லவ்ஸ். வெற்றி அவங்க கல்யாணத்துக்கு ஹெல்ப் செய்தான்.”

“அப்படியா?”

“வேற எதுக்கு யசோ எப்போவும் வெற்றிக்கு ஜிங்-சாங்ன்னு ஜால்ரா போடுறான்னு நினைக்குற. அவன் இல்லாம அவங்க கல்யாணம் நடந்திருக்குமாங்குறது சந்தேகம் தான்.”

“படிச்சிட்டு இருப்பீங்கன்னு பார்த்தா என்ன மூணு பேரும் கதை பேசிட்டு இருக்கீங்க? இந்தாங்க ஹார்லிக்ஸ்.” அறைக்குள் வந்த யசோதா, தட்டிலிருந்த கோப்பைகளை அவர்களிடம் நீட்டினாள்.

தமிழ்ச்செல்வி மட்டும் கோப்பையை வாங்காமல் நின்றாள்.

“என்ன அப்படி பார்க்குற தமிழ்? இந்தா ஹார்லிக்ஸ்,” யசோதா மீண்டும் தமிழ்ச்செல்வி முன் தட்டை நீட்டினாள்.

“யசோதாக்கா, உங்க கல்யாணம் லவ் மேரேஜா?”

சம்பந்தா சம்பந்தமில்லாமல் வந்த தமிழ்ச்செல்வியின் கேள்வியில் முதலில் ஆச்சர்யப்பட்ட யசோதா, உடனே விஷயம் புரிந்து அங்கிருந்த இரட்டையரைப் பார்த்தாள்.