நீயும் நானும் - 03 - தமிழ் மழையில்
நீ:
பெய்யென பெய்யும் மழையோ என
பொழிகிறாய் நீ என்ன முகிலோ
தாண்டவம் புரிவது உன்னில் தமிழோ
தன்னடக்கம் உந்தன் எழிலோ
நான்:
மின்னலே வியக்கும் உந்தன் வேகம்
கண்ணிமைக்கும் நொடியில் தமிழை தாலாட்டும்
என்னே உன் சிந்தனை விளையாட்டு.. !
வியந்தேன் மின்னல் தாக்கும் மரமாய் சட்டென்று.
நீ:
முகிலோ மின்னலோ
பொழிந்து தாக்கியது தமிழ் அல்லவா
தமிழ் அமுதம் பருகப் பருக இன்பம்
இன்பத்தில் திளைத்த மனதில் கவிநயம்
நான்:
இன்பமான சுகமல்லவா
தமிழில் நனைந்து போவது
உந்தன் கவிநயத்தால் எந்தன் கவித்துவம்
உயிர்த்தெழ தமிழ் மழை நில்லாது பொழியும்!!!